Joshua 3:1 - Bible Ni Thothup

¹ Ri kakadbul me od Joshua, ni ir nge urngin piyu Israel ngar chuwgad ko gin ur pired riy u Shittim, miyad yan nga Jordan. Mranod ra pired nga bang u rom ngar son niged e ngiyal’ ni ngar th’abed fare lul’ nga barba’.

Joshua 3:1 Kruisverwysings

Genesis 21:14

Ri kakadbul u reb e rran riy me pi’ Abraham boch e ggan ngak Hagar nge ba tafen e ran nike suguy ko ran. Me tay fare tir nga daken keru’ Hagar me yog ngorow ni ngranow. Me chuw Hagar u rom mi i yan u daken e ted u Beer-sheba.

Genesis 22:3

Me reb e rran riy nri kakadbul me fal’eg Abraham rogon e dongki rok, me fek Isak nge l’agruw e tapigpig rok ngranod. Me th’ab e l’ud nge fek ni fan ko fare maligach ni ngan pi’, miyad sor ko fa gin’en nike yog Got murung’agen ngak.

Psalms 119:60

Yug nap’an ni ga ra non mu gu rin’ e n’en kamog.

Jeremiah 25:3

“Ke non SOMOL ni kanpan e bin ragag nge dalip e duw nike pilung Josiah ni fak Amon u Judah nge mada’ ko daba’ ni aray e ke gaman rliw’ nge dalip e duw, ma dawor gu pag ni da gog ngomed e tin ni i yog. Machane damur motoyilgad.

Jeremiah 26:5

Thingar mu folgad ko thin rok e pi tapigpig rog, ni pi profet ni gu be pi’rad yad be yib ngomed. Ya ri dawor mu folgad ko tin ka rogned.

Jeremiah 7:13

Urngin fapi denen ni kug weliy ma go’ ka mu rin’ed. Yugu aram rogon ni ku gu non ngomed bayay nge bayay, ma dabumed ni ngam motoyilgad, ma ra gu piningmed ma damur fulweged lungug.

Mikah 6:5

Gimed e girdi’ rog, mu leam niged e tin ni tanomnag Balak ni ir e pilung nu Moab ni nge rin’ ngomed, nge rogon ni fulweg Balaam ni fak Beor lungun Balak. Mu leam niged fa pin’en ni mpir’eged nnap’an ni gimed be yan ko binaw nu Akacia nga Gilgal, nge yag ni mu nanged e tin gu rin’ ni fan e nggu ayuwegmed.”

Numbers 25:1

Nap’an ni i camp piyu Israel u lan e loway u Acacia, metabab e pumo’on nu Israel ngu’ur pired e ppin nu Moab u rom.

Mark 1:35

Tanirran ni kab neap’ me od Jesus nge yan nga wuru’ e binaw, me yan ngabangi n’en ndariy e girdi’ riy, me par u rom nge meybil.

Joshua 2:1

Me l’oeg Joshua l’agruw i damit ko gin be par piyu Israel riy u Shittim ngranow nde nangrow be’, ma ke welthin ngorow nike ga’ar, “Marow ngam changargow u daken e nam, ngu lan e binaw nu Jeriko.” Miyow yan mranow nga ba naun ni tafen Rahab ni be’ ni bpin nma chuway’ ngak, miyow par u rom.

Joshua 6:12

Me od Joshua nri kab kadbul u reb e rran riy, me fek e pi prist fare Kahol ko M’ag.

Joshua 6:15

Me chirofen ni gaman e medlip ngay miyad od ni be puf e woch ngranod ngu’ur liyeged fare binaw ni medlip yay ni ku aram rogon. Kemus ni rofen nem e ranod ra liyeged e re binaw nem ni medlip yay.

Joshua 7:16

Ri kadbul ko bin migid e rran me fek Joshua yu Israel nreb e ganong ma reb nga p’eowchen Got, me mel’eg e ganong rok i Judah.

Joshua 8:10

Tanmadbiy me od Joshua nge kunuy e salthaw nga ta’bang. Ma ir nge pi’in yad ma yog e thin u Israel e ra gafaliyedrad i yan nga Ai.

Judges 20:19

Ere yigi kadbul me yan yu Israel ra pired nib chugur ko fare binaw nu Gibeah.

1 Samuel 17:20

Me od David nri kakadbul u reb e rran riy, me tay be’ ni nge guy e saf, me fek fapi ggan nge yan, ni bod rogon nike yog Jesse ngak. Ma nap’an ni taw ko gin ke yan i par e salthaw ngay, ma aram e fini be yan piyu Israel ko gin ngar k’afgad riy ni fan ko mael, ma yad be tolul nrogon ni yima rin’ ko ngiyal’ ni nga ni yan ko mael.