Joshua 23:3 - Bible Ni Thothup

³ Kam guyed urngin e tin ke rin’ SOMOL ni Got romed ngak gubin e pi nam ney ni bochmed. I SOMOL ni Got romed e ki i cham ni fan ngomed.

Joshua 23:3 Kruisverwysings

Exodus 14:14

I SOMOL e bayi cham ni pa’med; dariy bochi ban’en ni ngam rin’ed.”

Exodus 19:4

Ni gur e muguy e n’en ni kug rin’, gag SOMOL, ngak piyu Egypt nge rogon ni gu chubiymed nggu fekmed ngog ngaray, ni bod ba arche’ ni eagle ni tay fak nga daken pon ngi i fek.

Ezekiel 20:28

Gu fekrad i yan ko fare nam ni gu micheg ni bay gu pi’ ngorad. Nap’an ni rguyed e burey ni totolang nge gek’iy nib galunglung miyad pi’ e maligach ko yungi n’em. Miyad k’aring e damumuw ngog ko maligach ni yad be urfiy nge wayin ni yad be fek i yib ni maligach.

Malaki 1:5

Girdi’ nu Israel e yad ra guy e ran’ey nga owcharad, ma bay ra ga’argad, “I SOMOL e rib gel gelngin ma ku errogon u wuru’ e nam nu Israel!”

Deuteronomy 1:30

I SOMOL ni Got romed e bayi pow’iymed, ma bayi cham ni pa’med, nri bod rogon nim guyed ni rin’ u Egypt

Deuteronomy 20:4

Ya SOMOL ni Got romed e be un ngomed, mra pi’ e to’ogor romed nga pa’med.’

Deuteronomy 4:9

Ngar mu ayuwgad! Ngar mu guyed rogon nge dab mpaged talin e tin kam guyed nga owchemed. Mu guyed rogon nge dabi m’ay u wun’med u n’umngin nap’an e yafos romed. Ngu’um weliyed ngak pifakmed nge pifak pifakmed

Deuteronomy 7:17

“Dabi lungumed u wun’med, ‘Girdi’ ko pi nam ney e yad bo’or ngodad. Ere uw rogon ni ngad tulufed yad ngar chuwgad?’

Deuteronomy 7:24

Bayi pi’ e pi pilung rorad nga pa’med ma bay mu thanged e pogofan rorad nge dab kun leam nagrad. Dariy be’ nrayag rok ni nge talegmed, ya bay mu thanged owcherad ni yad gubin.

Joshua 10:14

Dawori yodorom reb e rran nga m’on riy, ara nga tomuren ni bod e re rran nem ni fol SOMOL rok be’ nib mo’on nge un ko mael ni bay u ba’ rok piyu Israel.

Joshua 10:42

Gubin e pilung ntaferad e yu ngin’ey ni go’ gel Joshua ngorad me fekrad nge binaw rorad ni bochan e SOMOL ni Got rok yu Israel e be cham ni pa’ yu Israel.

Joshua 23:10

Demturug bigimed ma rayag rok ni nge tuluf bbiyu’ i pumo’on ngar milgad, ni bochan SOMOL ni Got romed e be cham ni fan ngomed, nri bod rogon nike micheg.