Joshua 23:10 - Bible Ni Thothup

¹⁰ Demturug bigimed ma rayag rok ni nge tuluf bbiyu’ i pumo’on ngar milgad, ni bochan SOMOL ni Got romed e be cham ni fan ngomed, nri bod rogon nike micheg.

Joshua 23:10 Kruisverwysings

2 Samuel 23:8

Ba’aray fithingan e pi salthaw rok David ni yad ba gilbugwan: en ni som’on e Josheb Basshebeth nu Tachemon, ni ir e ga’ ko “Fare Dalip”; ni cham ko sarey rok ngak meruk mir’ay i pumo’on nge thang e pogofan rorad u ta’abyay i mael.

1 Kronicles 5:20

Miyad tay e pagan’ rorad nga daken Got ngar meybilgad ngak ni nge ayuwegrad, me fulweg Got taban e pi meybil rorad nge gagiyeg nagrad ngar gelgad ngak e pi Hagrite nge pi’in yad ngabang.

1 Kronicles 5:22

Pire’ e pi to’ogor nra li’ed nge yim’, ya fare mael e Got e turguy. Ra pired u rom nge mada’ ko ngiyal’ nfekrad nga wuru’ e nam ni kalbus.

Psalms 35:1

SOMOL, mu togopluw ngak e pi’in yad be togopluw ngog, ma ga cham ngak e pi’in yad be cham ngog!

Psalms 46:7

I SOMOL ni Gubin ma Rayag Rok e bay rodad; fare Got rok Jakob e ir e yoror rodad!

Exodus 14:14

I SOMOL e bayi cham ni pa’med; dariy bochi ban’en ni ngam rin’ed.”

Isaiah 30:17

Gimed ra guy ta’reb e to’ogor romed ma bbiyu’ i gimed e ra mil, ma ra yib lal e to’ogor ma ngam milgad ni gimed gubin. Dariy ta’reb e salthaw romed nra magey, ya kemus ni kolngin e flak e ra magey u daken e burey!

Levitikus 26:7

Bay mu gelgad ngak e pi to’ogor romed;

Levitikus 26:8

rayag rok lal i gimed ni nge gel ngak ra’ay e to’ogor, ma ra’ay i gimed e rayag ni nge gel ngak ragag biyu’ e to’ogor romed.

Zekariah 12:8

Rofen nem e bayi yoror SOMOL rok e pi’in yad ma par u Jerusalem, mus ko pi’in ntha’bi me’waer u fithik’rad ma bay ra gelgad ni bod David ni immoy. Pi’in owchen David e bay ra gafaliyed yad ni bod ba engel rok Got, ma bod Got.

Roma 8:31

Mang e bay ni kagadad ra weliy u murung’agen e pin’ey? Fa’anra bay Got u ba’ rodad, me mini’ e rayag rok ni nge togopluw ngodad?

Deuteronomy 20:3

‘Pumo’on nu Israel, mmotoyilgad! Daba’ e ngam marod ko mael. Dab mu rusgad ngak e to’ogor romed, fa mulan’med, fa wagagey lanin’med.

Deuteronomy 20:4

Ya SOMOL ni Got romed e be un ngomed, mra pi’ e to’ogor romed nga pa’med.’

Deuteronomy 28:7

“Bayi waernag SOMOL e to’ogor romed ngam gelgad u nap’an ni yad ra m’ag e mael ngomed. Bay ra bad u ta’bang ni mael ngomed, machane yad ra mil u puluwmed ni yug ra bagyad ma gin ni mil ngay.

Deuteronomy 3:22

Dab mu rusgad ngorad, ya SOMOL ni Got romed e bayi cham ni pa’med.’

Deuteronomy 32:20

Me ga’ar, ‘Ri dab kug ayuwegrad, nga ayug guy e n’en ni bayi buch rok e pi girdi’ ney ni gel laniyan’, ma darir yul’yul’gad.

Deuteronomy 32:30

Mangfan nra ta’reb e biyu’ me gel ta’abe’ ngorad, ma ri l’agruw e girdi’ me gel ngak ragag i biyu’? I SOMOL ni Got rorad e ke pagrad; Got rorad ni ba’ gelngin nib gel e ke n’agrad.

Joshua 10:42

Gubin e pilung ntaferad e yu ngin’ey ni go’ gel Joshua ngorad me fekrad nge binaw rorad ni bochan e SOMOL ni Got rok yu Israel e be cham ni pa’ yu Israel.

Joshua 23:11

Ere nopa’med, ni nge t’uf romed SOMOL ni Got romed.

Joshua 23:3

Kam guyed urngin e tin ke rin’ SOMOL ni Got romed ngak gubin e pi nam ney ni bochmed. I SOMOL ni Got romed e ki i cham ni fan ngomed.

Judges 15:15

Me guy ba yododan e dongki ni kafni yim’, me lumel nga but’ nge thiy pa’ ngay, me li’ reb e bbiyu’ e pumo’on ngay.

Judges 3:31

En migid ni yog e thin e Shamgar ni be’ nib pumo’on ni fak Anath. Ku errogon ir e ki ayuweg e yafos rok yu Israel, ya li’ nge yim’ 600 e Filistine ngab ler i gek’iy ni yima gafaliy e garbaw ngay.

1 Samuel 14:6

Me ga’ar Jonathan ngak fare pagel, “Ngad th’abew e kanawo’ nga baraba’ ngdarow ko gin be par e pi Filistine riy, ni bogi ni’ ndar nanged Got. Sana ra ayuwegdow SOMOL; fa’anra rin’, ma rib muduwgil nra gagiyegnag ngad gelgow, ndariy fan ni ara’ rogon nri gadow l’agruw.”