Joshua 20:3 - Bible Ni Thothup

³ Fa’anra li’ bigimed be’ nge yim’ ni kal riy, me yan e ngaram nge mil rok fa’en ke yib ni nge falbiy.

Joshua 20:3 Kruisverwysings

2 Samuel 14:11

Me ga’ar fare pin, “Gur en Pilung, wenig ngom mu meybil ngak SOMOL ni Got rom, ni re girdi’ rog nsusun e nge falbiyen e kireb rok fare pagel ni fakag e dabi rin’ reb e kireb nib gel e oloboch riy ni nge thang e pogofan rok e bin kaba’ e pagel ni fakag.” Me fulweg David, ni ga’ar, “Kug micheg u fithingan SOMOL ni be par nib fos, ndariy bochi ban’en nra buch rok fakam.”

Levitikus 4:2

ni nge yog ko girdi’ nu Israel ni en nra denen nge th’ab reb fapi motochiyel rok SOMOL ni kal riy’, ma thangri rin’ e pi gam’ing ni ba’aray.

Numbers 35:12

Ma girdi’en fare mo’on nike yim’ e dabyag ni ngar falbiy gad ngar li’ed fare mo’on u rom. Be’ ni kan oloboch ngak nike fek reb e pogofan e dab ni li’ ngem’ ni dawor ni pufthinnag u mit e girdi’ ni yo’or.

Numbers 35:19

Ma en girdi’en nriyow ba chugur fa’anem nike yim’ e ir e nge milfan ngak nge thang e fan rok fa en ke cham. Ma nap’an nra pir’eg fa’anem ma nge li’ nge yim’.

Numbers 35:22

Machane fa’anra kal be’ nge thang e fan rok be’ nde fananikay, ni demturug ko thuruy nga but’ ara pag ban’en ngak.

Hebrews 6:18

Ere gali n’ey e dabiyag ni nge thil ma dabiyag ni nge lifith Got l’ugun riy. Ere gadad e pi’in ni kad thapgad ngak Got e ka ni pi’ e athamgil nga lanin’dad ni ngad chichi’iyed pa’dad ko fare pagan’ ni ka ni pi’ ngodad.

Joshua 20:2

ni nge ga’ar ngak e girdi’ nu Israel, “Mu mel’eged fapi binaw ni tagil’ e ayuw ni gog ngak Moses ni nge weliy murung’agen ngomed.

Joshua 20:4

Rayag ni nge mil nge yan nga reb e pi binaw ney, nge yan nga tagil’ e pufthin riy u langan e garog ko fare binaw, nge weliy e tin nike buch rok ngak e pi tayugang’. Ma aram miyad ra pag nge yan ngalan fare binaw miyad pi’ bang ngak ni nge par riy, ya nge yag ni nge par u rom.