Joshua 2:1 - Bible Ni Thothup

¹ Me l’oeg Joshua l’agruw i damit ko gin be par piyu Israel riy u Shittim ngranow nde nangrow be’, ma ke welthin ngorow nike ga’ar, “Marow ngam changargow u daken e nam, ngu lan e binaw nu Jeriko.” Miyow yan mranow nga ba naun ni tafen Rahab ni be’ ni bpin nma chuway’ ngak, miyow par u rom.

Joshua 2:1 Kruisverwysings

Genesis 42:16

Mol’oged bigimed nge yan i fek ngaray. Ma pi aromed ni bayi par e bay ni tay e matanag ni nge matanagiyrad nge yan i mada’ ko ngiyal’ ni bay nnang e tin riyul’. Ya fa’anra danga’, me ere rogon feni mich ni bay Farao nib fos, e aram feni riyul’ ni gimed e damit.”

Genesis 42:9

Me yib ngan’ Josef fa gal lik’ay ni tay ni murung’agrad, me ga’ar, “Gimed e damit; kambad ni ngam guyed e gin’en nib me’waer e nam romad riy.”

Mikah 6:5

Gimed e girdi’ rog, mu leam niged e tin ni tanomnag Balak ni ir e pilung nu Moab ni nge rin’ ngomed, nge rogon ni fulweg Balaam ni fak Beor lungun Balak. Mu leam niged fa pin’en ni mpir’eged nnap’an ni gimed be yan ko binaw nu Akacia nga Gilgal, nge yag ni mu nanged e tin gu rin’ ni fan e nggu ayuwegmed.”

Numbers 13:1

Me ga’ar SOMOL ngak Moses,

Numbers 13:2

“Nge reb fa ragag nge l’agruw i ganong ma ga duwgiliy reb e pi mitethin riy ngam pi’rad nga ranod ni damit ko fare binaw nu Kanaan nge tamilngan’rad riy, ni ir e nggu pi’ ngak piyu Israel.”

Numbers 25:1

Nap’an ni i camp piyu Israel u lan e loway u Acacia, metabab e pumo’on nu Israel ngu’ur pired e ppin nu Moab u rom.

Matthew 1:5

me Salmon e chitamngin Boas (me Rahab e chitiningin); me Boas e chitamngin Obed (me Ruth e chitiningin); me Obed e chitamngin Jesse;

Matthew 10:16

“Mu telmed ngog! Nggu l’oegmed ngam marod ni bod e saf ni nge yan nga fithik’ ba ran’ i wolf. Thingar mu ayuwgad ni bod rogon e porchoyog mi gimed munguy ni bod rogon e bulogol.

Efesus 5:5

Ngar mu nanged e re bugithin ni ba’aray: dariy be’ nib darngal, ara ma puwlag, ara ba chogow nrayag e birok’ e f’oth ngak ko fla’ab u lan suwon Kristus nge Got (ya chogow e bmit e tayfan nge, meybil ngak e liyos).

Hebrews 11:31

Rahab nma pi’ ir nchuway’, e michan’ rok ngak Got e tay Rahab nde un ngak e pi’in nli’rad ngarm’ad, ni pi’in nda ur folgad rok Got, ni fan e fek fa gali damit nga tafen nge ayuwegrow.

James 2:25

Taareb rogon ko fare pin i Rahab nma chuway’ ngak. I mat’aw ngak Got ni bochan e ngongol rok ni fa’ani fek fapi cha’ nu Israel nga naun rok, ni fapi cha’ nrabad ni mol’og me ayuwegrad ngar chuwgad ngar sulod u yugub pa’ e kanawo’.

Joshua 1:18

Demturug e tin ga ra yog ma en nra togopluw ngay ara de fol riy e ngan li’ ngem’. Ere mu par ni ga ba gel ma dab mu rus!”

Joshua 2:2

Me rung’ag e pilung nu Jeriko murung’agrow ni lunguy, “Ke yib l’agruw ni’ u Israel ngaray e nep’ ney ni damit ni ngar nangew fan e nam!”

Joshua 21:31

Helkath, ngu Rehob, nge yungi flang ko pi binaw nem ni fan ko gamanman rorad.

Joshua 3:1

Ri kakadbul me od Joshua, ni ir nge urngin piyu Israel ngar chuwgad ko gin ur pired riy u Shittim, miyad yan nga Jordan. Mranod ra pired nga bang u rom ngar son niged e ngiyal’ ni ngar th’abed fare lul’ nga barba’.

Joshua 5:10

Nap’an nike par piyu Israel u Gilgal u daken fa gi tafelfel’ nib chugur nga Jeriko, miyad madnomnag e madnom ko Paluk’af ko re nep’ i n’en ni ragag nge aningeg fen e pul.

Judges 18:14

Ma aram e fa lal i pumo’on nranod ra damit niged fare gi binaw nib liyeg yu Laish e lungurad ngak e pi’in yad, “Gimed manang, nu roy u lan reb e pi naun ney e bay ba liyos riy ni yima meybil ngay ni kan ing ko silber? Ma kubay yug boch e liyos ni yima meybil ngay nge ba efod. Ere mang e gimed be leamnag ni ngad rin’ed?”

Judges 18:17

Miy gi yan fa lal i tadamit nga naun ndariy bochi sataltal ngar feked fare liyos ni yima meybil ngay nni ngongliy ko gek’iy min ing ko silber, nge ku boch e liyos ni ku yima meybil ngay, nge fare efod, e ngiyal’nem ni bay fare prist rok fa 600 i pumo’on ni bay e talin e cham rorad u langan e garog.

Judges 18:2

Ere me mel’eg e girdi’ rok Dan lal e pumo’on nib pagan’uy ngorad u lan gubin fapi tabnaw ko fare ganong ngan l’ograd ngranod u Zorah ngu Eshtaol ni kanog ngorad ni ngar lekeged ma yad be damiteg. Nap’an nra tawgad nga Efraim ni go’ burey, miyad par u tafen Mikah.