Joshua 19:40 - Bible Ni Thothup

⁴⁰ Ma bin medlip e f’oth ko binaw e ni pi’ ko fapi tabnaw ko ganong rok Dan.

Joshua 19:40 Kruisverwysings

Genesis 35:25

Ma pagel ni fakrow Bilhah ni yarif rok Rachel e Dan nge Naftali.

Ezekiel 48:1

Mathil ko lel’och ko fare gi binaw e yan ko day ni Mediterranean nib sor ko ngek nge taw ko binaw nu Hethlon, me yan u rom ko Hamath Pass, me yan u rom ko fare binaw nu Enon, nge yan i mada’ ko mathil u thilin e binaw nu Damascus nge binaw nu Hamath. Ra reb fapi ganong ma nge yag ngak bang ko fare gi binaw ni yib ko mathil u ngek ni be sor ko ngal nge mada’ ko day ni Mediterranean, ni ba’aray yarmen tafen fapi ganong ni tabab ko lel’och nge yan ko yimuch: Dan Asher Naftali Manasseh Efraim Ruben Judah

Numbers 26:55

Ma ngan tay e f’oth ko yungi binaw nem ni bod urngin yang fithngan fapi ganong ko chitamangirad.

Joshua 10:40

Miki kol Joshua fare nam ni ga’ngin. Me gel ngak fapi pilung ko fapi binaw ni go’ burey, nge pi binaw nu sigre’en e burey ko ngek, nge binaw u enggin e burey ko ngal, ma ku er rogon e tin bay ko pi binaw ndariy e ran riy ni bay ko yimuch. Dariy ta’abe’ ni digey; gubin e girdi’ nni thang e fan rorad. Irera’ e n’en nike yog SOMOL ni Got rok yu Israel ni ngan rin’.

Joshua 19:39

Pi binaw ney nge yuchi binaw nib mu’un ngorad e go’ bay u daken fa gi but’ ni kan pi’ ngak e pi tabnaw nu lan fare ganong rok Naftali.

Joshua 19:41

Re gin’em e ba mu’un yu Zorah ngay, ngu Eshtaol, Irshemesh,

Judges 18:1

Ngiyal’ nem e dariy e pilung nu Israel. Ma ireram e ngiyal’ ni be sapnag e ganong rok Dan bang ni ngar tafned ngar pired riy ni bochan e dawor ni pi’ bang e binaw ngorad u fithik’ fapi ganong nu Israel.