Joshua 19:10 - Bible Ni Thothup

¹⁰ Bin dalip e f’oth ko binaw e ni pi’ ngak fapi tabnaw nu lane ganong rok Zebulun. Re gi but’ nni pi’ ngorad e yan nge taw nga Sarid.

Joshua 19:10 Kruisverwysings

Genesis 35:23

Pi pagel ni fak Leah e Ruben (ni bin nganni’ i fak Jakob), Simeon, Levi, Judah, Issachar, nge Zebulun.

Genesis 49:13

“I Zebulun e bay i par u to’oben e day; ma dap’el’ay rok e bayi par ni tafen e barkow; ma tafen e bay yan nge mada’ nga Sidon.

Joshua 18:11

Fa gi binaw nib milfan ko pi tabnaw ko ganong rok Benjamin e ir e nni duwgiliy nsom’on. Re gi binaw rorad nem e bay u thilin fa gal ganong rok Judah nge Josef.

Joshua 18:6

Mu yoloyed rogon ya’an e mathil ko medlip yang i binaw ney ngam feked i yib ngog. Ma aram e bay gu girengiy e pow nggu fith’ laniyan’ SOMOL ni Got rodad ni fan ngomed.

Joshua 19:11

I yan e mathil riy u rom ko ngal nge mada’ nga Mareal, me yan u mirichlen yu Dabbesheth nge alublub ko ngek u Jokneam.

Joshua 19:9

Bang ko fa gi binaw nni pi’ ngak Judah e ni pi’ ngak fare ganong rok Simeon ni bochan e kay gi ga’ yang e binaw rok Judah kar gaman gad riy ke aw.