Joshua 17:4 - Bible Ni Thothup

⁴ Mranod ngak Eleazar ni fare prist nge ngak Joshua ni be’ ni pumo’on ni fak Nun nge ngak e pi tayugang’ me lungurad, “Keyog SOMOL ngak Moses ni nge pi’ ngomad nge pi pumo’on ni pibe’ romad bang ko re gi but’ ney ni nggu tafned.” Ere rogon ni yog SOMOL ni ngan rin’ e aram rogon nrin’, ni pi’ bang e binaw ngorad nge ngak e pi pumo’on ni pibe’ rorad.

Joshua 17:4 Kruisverwysings

Numbers 27:1

I Mahlah, Noah, Hoglah, Milkah nge Tirzah e bogi ppin ni fak Zelofehad nib mo’on ni fak Hefer nib mo’on ni fak Gilead nib mo’on ni fak Makir nib mo’on ni fak Manasseh nib mo’on ni fak Josef.

Numbers 27:4

Mangfan ni nge chuw fithingan e chitmangimad u fithik’ e girdi’ nu Israel, bochan e dariy e pagel ni fak? Mu pi’ed e gin nge milfan ngomad ko binaw rok girdi’en e chitamangimad.”

Numbers 36:10

Ma aram e Mahlah, Irzah, Hoglah, Milcah, nge Noah, ni pi’in ni ppin ni pifak Zelofehad, e ra folgad ko tin keyog SOMOL ngak Moses. Miyad figirngiy pifak walagen e chitamangirad fa chitingirad.

Galatia 3:28

Ere ta’reb rogon piyu Israel nge pi’in gathi yad piyu Israel, ma ku errogon e pi’in yad e sib nge pi’in gathi yad e sib, ma ku errogon e pi’in pumo’on nge ppin, ni bochan e gimed gubin ma kam ta’ab girdi’gad Kristus.

Joshua 14:1

Babyoren rogon fare but’ nu Kanaan u ba’ ni ngal e Jordan nni f’oth u daken e pi girdi’ ney nu Israel. I Eleazar ni prist, nge Joshua nib mo’on ni fak Nun, nge pi’in yad ma yog e thin ko pi tabnaw u lan fapi ganong nu Israel e ra f’othed fare gi but’ rok e girdi’ ni gubin.

Joshua 17:5

Irera’ e n’en ni rin’ me yag ragag e f’oth ngak Manasseh ngki puthuy nga Gilead nge Bashan u ba’ ni ngek e Jordan,

Joshua 21:1

Pi’in yad ma yog e thin ko pi tabnaw nu lane ganong rok Levi e ranod ngak Eleazar ni prist, nge Joshua ni be’ ni pumo’on ni fak Nun, nge ngak e pi’in lolgen e pi tabnaw u gubin fapi ganong nu Israel.