Joshua 17:16 - Bible Ni Thothup

¹⁶ Miyad fulweg ni lungurad, “Fare gi binaw ni go’ burey e dab gu fel’gad nga daken, ma piyu Kanaan u lan e tafelfel’, e bay e chariot ni wasey rorad, ni yad ruw ulung nma par bochi i yad u Beth Shean nge yochi binaw nib liyeg, ma bochi i yad e ma par u lan fare loway ni Jezreel.”

Joshua 17:16 Kruisverwysings

1 Kings 18:45

Ma de n’uw nap’an me chap lanelang, me yib e nifeng, me aw e n’uw nib ga’. Me af Ahab nga karrow rok nge sul nga Jezreel.

1 Kings 18:46

Me yib gelngin SOMOL ngak Elijah, me bachiy e mad rok nga lukngun nge mil nge m’on rok Ahab nge yib i mada’ ko mathil u Jezreel.

1 Kings 21:1

Naboth e bay bangi woldug ni fi’in ko binaw nu Jezreel, nib chugur ko naun rok Ahab ni Pilung.

1 Kings 21:23

Ma Jezebel ku ba’aray e n’en keyog SOMOL ni fan ngak, ‘Bayi longuy e pilis Jezebel u lan e binaw nu Jezreel.’

1 Kings 4:12

Baana nib mo’on ni fak Ahilud: fapi binaw nu Taanak, Megiddo, nge ga’ngin yang e nug u charen yu Beth Shean, nib chugur ko fachi binaw nu Zarethan, ni bay nga yimuch ko fachi binaw nu Jezreel, me yan nge taw ko fare binaw nu Abel Meholah nge fare binaw nu Jokmeam

2 Kings 9:10

Me Jezebel e dab ni k’eyag; downgin e bayi longuy e pilis u lan e gin tafen Jezreel.’” Ma nap’an ni mu’ i yog e biney, me chuw fare profet ni kab pagel u lan fare senggil me mil nge yan.

2 Kings 9:37

Ma tin nra magey ko fare ldow e bayi wagey u rom u but’ ni bod t’ay e gamanman, ya nge dakuriy be’ nra poy ni ir Jezebel.’”

Jeremiah 49:2

Machane bayi taw nga bingyal’ ni bay gu gagiyegnag nge rung’ag e girdi’ ko fare binaw ni tochuch u Rabbah lingan e mael, bay ni pag yu Rabbah nike mogoth ni yochi binaw riy e kan urfiy nga but’. Ma aram e yu Israel e bay ra sulwegned taferad u pa’ e pi’in ra feked.

Joshua 15:56

ngu Jezreel, ngu Jokdeam, ngu Zanoah,

Joshua 17:11

Mu lan e yungin ni tafen Issakar nge Asher e binaw e kubay tafen Manasseh riy ni aram yu Beth Shean ngu Ibleam, nib mu’un e yuchi binaw nib liyeg fa gal binaw ngay, ku aramrogon yu Dor (fare binaw ni bay u dap’el’ay), ngu Endor, ngu Taanak, ngu Megiddo, nge yuchi binaw nib liyeg e pi binaw nem.

Joshua 17:15

Me fulweg Joshua ni ga’ar, “Fa’anra kaygu myo’orgad ma dakumur fel’gad u daken fare gi binaw ni go’ burey u Efraim, me’ere mmarod ngalan e pi loway ngam tamilang niged bang ngam pired riy u tafen e piyu Periz nge pi Refaim.”

Joshua 17:17

Me ga’ar Joshua ngak e ganong rok Efraim nge ba’ ni Ngal e Manasseh, “Rriyul’ ni gimed ba yo’or, ma rib gel gelingmed. Dabisiy ni nge yo’or e f’oth romed ko ta’reb.

Joshua 17:18

Gin’en ni go’ burey e bayi par romed. Yug aram rogon nib upong ko gek’iy, ma bay mu tamilang niged mi gimed tafna’ u baley nge mada’ nga baley. Ma piyu Kanaan e bay mu tulufedrad ngar chuwgad u rom, ni yug aram rogon ni bay e pi chariot ni wasey rorad ma yad bogi girdi’ ni yad ba gel.”

Joshua 19:18

Re gin’em e ba mu’un yu Jezreel ngay, Kesulloth, Shunem,

Judges 4:13

Me yog ni nge yib fa 900 i chariot ni wasey nge urngin e salthaw rok, me l’ograd ngranod u Harosheth nma par e pi Gentile riy ko fare lul’ ni Kishon.

Judges 4:3

Jabin e 900 e chariot ni wasey rok, ma aram mi i gagiyegnag e girdi’ nu Israel nib gel e gafgow ni i tay ngorad ni rliw’ e duw. Me wenig piyu Israel ngak SOMOL ni nge ayuwegrad.

Judges 6:33

Ma aram me mu’ulung urngin yu Midian, nge yu Amalek, nge fa yu ulung i girdi’ ni yad ma par u daken e ted, miyad th’ab e lul’ ni Jordan nga baraba’ ngarbad ra pired ngalan e loway u Jezreel.

1 Samuel 29:1

Me pining yu Filistia urngin raba’ e salthaw rorad nga ta’bang nga Afek, ma ku aram e ngiyal nike n’uf piyu Israel e tent rorad ko fare alublub nu lane Loway ni Jezreel.