Joshua 15:11 - Bible Ni Thothup

¹¹ Me yan fare mathil u rom nga daken bochi burey ni bay ko lel’och u Ekron, me cheal nge sor i yan nga Shikkeron, nge pag e Burey ni Baalah, me yan u rom nga Jamnia. Me yan i mus fare mathil ko fare gi Day ni Mediterranean,

Joshua 15:11 Kruisverwysings

2 Kings 1:16

me ga’ar ngak, “Ba’aray e n’en ni be yog SOMOL: ‘Bochan e kam l’oeg e pi tamal’og ni ngranod ra fithed laniyan’ Baalzebub, ni fare got nu Ekron — ni gowa dariy e got u lan yu Israel ni ngam fith lanyan’ — dab kum fos; bay mum’!’”

2 Kings 1:6

Mar fulweged, ni lungurad, “Ke yib be’ nib mo’on i mda’nagmad me yog ngomad ni nggu sulod nggogned ngom ni be ga’ar SOMOL ngom, ‘Mangfan ni ga be l’oeg e pi tamal’og ni ngar fithed laniyan’ Baalzebub, ni got nu Ekron? Mog, bochan e ga be leamnag ndariy e got u Israel? Dab kum gol ko re mad’ad rom nir; bay mum’!’”

2 Kronicles 26:6

Me m’ag Uzziah e mael ngak piyu Filistia. Me buthug nga but’ e yoror ko fapi binaw nu Gath, ngu Jamnia, ngu Ashdod, miki fal’eg boch e binaw nib gel ni fan ko mael u to’oben yu Ashdod nge gin kabay u Filistia.

Numbers 34:6

“Mathil ko ngal e fare gi day ni Mediterranean.

Joshua 15:10

me chiygog ko ngal u Baalah nge sor i yan ko binaw nu Edom ni go’ burey, me yan u rom nga ba’ ni lel’och ko fare Burey ni Jearim (ara Kesalon), me log nga Beth Shemesh, me yan nge pag yu Timnah.

Joshua 15:12

ni aram e gin ni sum e mathil ko ngal riy. U lan e pi mathil ney e i par e girdi’ ko pi tabnaw rok Judah riy.

Joshua 15:45

Ma errogon yu Ekron nge lan binaw riy nge yochi binaw riy,

Joshua 15:9

Me yan u rom ko fapi Alublub nu Neftoah me yan i og nga langgin fapi binaw ni bay u to’oben e Burey ni Efron. Me cheal u rom nge yan nga Baalah (ara Kiriath Jearim),

Judges 1:18

Me ayuweg SOMOL e pi girdi’ nu Judah, ngar feked fa gi binaw ni go’ burey ngar tafnayed. Machane dar koled yu Gaza, Ashkelon, ara pi Ekron, nge yungin nib milfan nga Ekron. Pi girdi’ ney ni yad ma par u dap’eday e bay e chariot rorad ni wasey, ere deyag rok e pi girdi’ nu Judah ni ngar tulufedrad.

1 Samuel 17:52

Me sak’iy e salthaw nu Israel ngu Judah ni kar tolulgad miyad tuluf e pi Filistine ngar mada’gad nga Gath nge fapi garog nu Ekron. Pi Filistine nem e u ra thiggad nga but’ ni kar maad’adgad u kanawo’ ni sor nga Shaaraim nge mada’ nga Gath nge nga Ekron.

1 Samuel 5:10

Miyad pi’ fare Kahol ko M’ag nge yan ko binaw nu Ekron; fa’ani taw ngaram me non e girdi’ ni ba ga’ lamrad ni lungurad, “Kar feked fare Kahol ko M’ag rok fare Got nu Israel i yib ngaray ni nge li’dad ni gadad gubin!”

1 Samuel 5:8

Miyad l’oeg e girdi’ ngranod ra kunuyed fa lal i pilung ko pi Filistine mi ni fith ngorad ni lunguy, “Be mang e ngad rin’ed ko fare Kahol ko M’ag rok fare Got nu Israel?” Miyad fulweg ni lungurad, “Nga ni fek nga Gath;” ma aram mi ni fek ngaram.

1 Samuel 7:14

Urngin e pi binaw ni mus u Ekron nge mada’ nga Gath ni kol e pi Filistine e go’ sul ngak piyu Israel, aram me yan i par ni gubin yang e nam ni tafen piyu Israel nike sul ngorad. Miki gapas thilin yu Israel nge yu Kanaan.