Joshua 15:10 - Bible Ni Thothup

¹⁰ me chiygog ko ngal u Baalah nge sor i yan ko binaw nu Edom ni go’ burey, me yan u rom nga ba’ ni lel’och ko fare Burey ni Jearim (ara Kesalon), me log nga Beth Shemesh, me yan nge pag yu Timnah.

Joshua 15:10 Kruisverwysings

2 Samuel 6:2

me fekrad nga Baalah ni bay u lan yu Judah, ni ngar feked fare Kahol ko M’ag rok SOMOL ni bayriy fithingan SOMOL ni Gubin ma Rayag Rok, ni be par u tagil’ u thilin fa gali n’en ni bay pon ni kerubim fithingan.

2 Kings 14:11

Machane me siyeg Amaziah fapi thin nde motoyil ngay, ma aram me yan Jehoash ni Pilung ni yad e salthaw rok ngar maelgad ngak u Beth Shemesh u lan yu Judah.

2 Kronicles 28:18

Ma ku ngiyal’ n’ey e ku be cham piyu Filistia ngak e yuchi binaw nu enggin e burey ko ngal ngu lan e yimuch u Judah. Ngar feked u fithik’ e yargel fapi binaw nu Beth Shemesh, Aijalon, Gederoth, nge pi binaw nu Soko, ngu Timnah, ngu Gimzo nib mu’un e yuchi binaw u to’obrad ngay, me par piyu Filistia u rom nda kura chuwgad.

Joshua 15:11

Me yan fare mathil u rom nga daken bochi burey ni bay ko lel’och u Ekron, me cheal nge sor i yan nga Shikkeron, nge pag e Burey ni Baalah, me yan u rom nga Jamnia. Me yan i mus fare mathil ko fare gi Day ni Mediterranean,

Joshua 15:57

ngu Kain, ngu Gibeah, ngu Timnah: ragag e binaw u gubin nib mu’un e yuchi binaw nib liyeg e pi binaw nem ngay.

Joshua 19:38

Yiron, Migdalel, Horem, Bethanath, nge Beth Shemesh: ragag nge mereb e binaw u gubin nib mu’un e yochi binaw nib liyeg e pi binaw ney ngay.

Joshua 21:16

Ain, Juttah, nge Beth Shemesh, nge yungi flang riy ni fan ko chugol gamanman: mereb e binaw nni fek ko ganong rok Judah nge Simeon.

Judges 14:1

Me yan Samson nga p’ening nga Timnah, me guy ba rugod ni be’ nu Filistia.

Judges 14:5

Me yan Samson nga Timnah ni yad e chitamngin nge chitiningin. Ma nap’an ni yad be sor i yan ko gin ka ni yung e grapes riy, me rung’ag laman ba layon ni kab bitir nike puw ni mak’ad ngak.

1 Samuel 6:9

Mi gimed yaliy ni nge yan; ya fa’anra sor i yan ko binaw nu Beth Shemesh, ma aram e ke yan i gagiyel ni fare Got nu Israel e ir e ke pi’ e biney e riya’ nib ga’ ke yib ngodad. Ma fa’anra dabi sor ngaram, ma aram e kad nanged ni gathi ir e pi’ e gafgow nge yib ngodad; ma ke yan i aw ni ban’en ni yigi yodorom.”