Joshua 13:6 - Bible Ni Thothup

⁶ Re gi binaw ney e ba mu’un ga’ngin e binaw rok piyu Sidon ngay, ni yad ma par ko fare binaw ni go’ burey u thilin fapi Burey nu Lebanon ngu Misrefoth Maim. Bay gu tuluf urngin e pi girdi’ ney nga wuru’ e binaw nnap’an ni be yib e girdi’ nu Israel i yib. Thingar mu f’oth fare gi binaw u daken piyu Israel, nri bod ni kugog ngom ni ngam rin’.

Joshua 13:6 Kruisverwysings

Psalms 80:8

Kam fek ba pa’ i grape u Egypt; ka mu tuluf girdi’en e fapi nam ma ka mu yung nga daken e binaw rorad.

Numbers 33:54

Mu f’othed e binaw u daken e pi ganong nge yuke girdi’ ni rogon nike gagyel ko pow ni ka mu girengiyed, ni gin baga’ e binaw e nge yan ko ken nib ga’ e girdi’ ma gin ba’chig e nge yan ko ke girdi’ nib achig.

Joshua 1:6

Mu par ni gab gel ma dab mu rus, ya gur e bay mu pow’iy e pi girdi’ ney nge yag ngorad e re nam nem, ni ir e gog ngak pi chitamangirad ni bay gu pi’ ngorad.

Joshua 11:12

Me kol Joshua gubin fapi binaw nge pilung riy, me thang e pogofan rok urngin e girdi’, nri bod ni yog Moses ni fare tapigpig rok SOMOL.

Joshua 11:8

Me gelnag SOMOL piyu Israel ngak e pi to’ogor rorad ko mael. Cham yu Israel ngorad ngar tulufedyad i yan ngalan e lel’och ngar mada’gad nga Misrefoth Maim ngu Sidon, mu kuyad tulufrad ngalan e ngek ngar mada’gad ko loway nu Mizpah. Min cham nge mada’ ko ngiyal nri dakuriy ta’reb fapi to’ogor rorad ni kabfos.

Joshua 13:7

Ere chiney, e ngam f’oth e regi binaw ney u daken fa mereb i ganong nge baley ko birok Manasseh e ganong, ni fan e ngar tafned nge mil suwon ngorad.”

Joshua 23:13

ma rrigimed manang ni SOMOL ni Got romed e dabki tuluf girdi’en e pi nam ngar chuwgad u nap’an ni gimed be yan i yan nga m’on. Bay ra manged maad’ad u puluwomed ni bod e wup, ara low, nge dimow u daken keru’med nrib amith, ara rachangal u lan owchemed. Ma bayi par ni aray rogon nge taw ko ngiyal’ ndakuriy bigimed u lan re nam nfel’ ney ni pi’ SOMOL ni Got romed ngomed.

Joshua 23:4

Kug pi’ ni nge tafnay e pi ganong romed e binaw rok e pi nam ni kabay, ma ku errogon gubin e pi nam ni go’ kug gel ngorad, i tabab ko Lul’ ni Jordan ko ngek me yan i mus ko fare gi Day ni Mediterranean ko ngal.

Joshua 23:5

I SOMOL ni Got romed e bayi thuruyrad nga wuryel u p’eowchamed, ma bayi tulufrad nga orel u nap’an ni gimed be yan i yan nga m’on. Bay mu tafned taferad ni bod rogon nike micheg SOMOL ni Got romed ngomed.