Joshua 13:5 - Bible Ni Thothup

⁵ nge binaw rok yu Gebal; nge ga’ngin yu Lebanon ni bay ko ngek, ni yan u Baalgad, ni bay ko yimuch ko fare Burey ni Hermon, me yan i mada’ ko kanawo’ u thilin e but’ u Hamath.

Joshua 13:5 Kruisverwysings

1 Kings 5:18

Girdi’en e maruwel rok Solomon nge Hiram, nge girdi’ ko binaw nu Byblos e ra ngongliyed rogon e malang nge ren ni ngan fanay ko tempel.

1 Kings 8:65

Me madnomnag Solomon nge urngin e girdi’ nu Israel fare Madnom ko Nochi Na’un ni medlip e rran. Pire’ e girdi’ ni yigi tabab u Hamath Pass ko lel’och nge mada’ ko mathil nu Egypt ko yimuch.

Psalms 83:7

nge girdi’en yu Gebal, Ammon, nge yu Amalek, nge yu Filistia nge yu Tyre.

Isaiah 10:9

Kug kol e pi nug nu Kalno nge Karkemish, nge pi binaw nu Hamath nge Arpad. Kug kol yu Samaria ngu Damaskus.

Jeremiah 52:9

Tomuren ni ka ni kol Zedekiah kan tay ni reb e kalbus, mi ni fek i yan ngak Nebukadnezzar ni Pilung ni bay u lan e binaw nu Riblah ko nug nu Hamath, me turguy Nebukadnezzar u rom e gechig ni ngan tay ngak.

Ezekiel 27:9

Pi salap ko dumow ban’en ko fare barkow e bogni’ nu Byblos ni bfel’ rogon nni sukul nagrad. Urngin e sala ko barkow e yad be siyobay u lan e kantin rom.

Amos 6:2

Marod ngam yaliyed e binaw nu Kalneh. Mi gimed yan u rom ko fare binaw ni ba ga’ nu Hamath, mi gimed yan u rom nga p’ening ko fare binaw rok e piyu Filistia ni er yu Gath. Gur kabfel’ fapi binaw ko nam nu Judah ngu Israel? Gur ba ga’ taferad nga tafenmed?

Numbers 13:21

Ere me yan fapi pumo’on u rom ngalan e lel’och ngar lekeged fare nam nra tababgad u daken e ted nu Zin ni bay u lan e yimuch ko fare nam ngar tawgad nga Rehob, nib chugur ko Hamath Pass u lan e lel’och ko fare nam.

Numbers 34:8

me yan urom ko wa’ u thilin e but’ u Hamath. Miki ul ul i yan nga Zedad

Deuteronomy 1:7

mu puged e pi tent romed ngam marod. Marod ko binaw ko pi Amorite ni go’ burey, nge yungi nug nib chugur ngaram, ni aram e loway nu Jordan, nge binaw ni go’ burey nge binaw nib sobut’ nga but’, nge gi nug ni bay ko yimuch, nge yan i mada’ nga dep’eday ko Mediterranean. Marod ko nam nu Kanaan mi gimed yan nga ba’nem e burey ni Lebanon ngam mada’gad ko fare lul’ ni ba ga’ ni Eufrates fithingan.

Deuteronomy 3:25

SOMOL, mpageg nggu th’ab e Jordan nga ba’ nem, ngug guy fare binaw nib yong’ol ni bay u ba’ nem, ni go’ burey ni bfel’ ya’an nge fapi Burey nu Lebanon.’

Joshua 11:17

Fa gi nug e tabab ko Burey nu Halak me sor i yan nga Seir, nge yan i mada’ nga Baalgad u lan e loway nu Lebanon ko yimuch nga pe’ning ko Burey ni Hermon. I Joshua e kol urngin e pilung riy, me li’rad ngarm’ad.

Joshua 11:3

Miki pi’ e thin nge yan ngak piyu Kanaan ni yad bay u ruw raba’ fare Jordan, nge pi Amorite, nge pi Hittite, nge pi Perizzite, nge pi Jebusite u lan fare binaw ni go’ burey, ma ku errogon ni yan e thin ngak pi Hivite ni yad ma par u enggin fare Burey ni Hermon u lan e binaw nu Mizpah.

Joshua 12:7

Joshua nge girdi’ nu Israel e ra gelgad ngak urngin e pilung u langgin fare gi nug ni bay ko ngal u Jordan, ni tabab u Baalgad u lan e loway nu Lebanon me yan nge mada’ ko fare Burey ni Halak ni bay ngalan e yimuch nib chugur nga Edom. Me f’oth Joshua e re gi binaw ney u daken fapi ganong nge pi’ ngorad ni nge par ni taferad.