Joshua 13:4 - Bible Ni Thothup

⁴ Ma kabay ga’ngin fare nam rok yu Kanaan, nge yu Mearah (ni tafen piyu Sidon), me yan nge mada’ nga Afek, ni bay ko mathil nu Amor;

Joshua 13:4 Kruisverwysings

1 Kings 20:26

Me bin migid e spring me pining nga ta’bang e pi salthaw rok me un ngorad ngranod ko fare binaw nu Afek ni ngar chamgad ngak piyu Israel.

1 Kings 20:30

Ma pi arorad ni magach ni kabfos e ra milgad ngalan fare binaw nu Afek, me puth e pi yoror ko fare binaw nga daken rliw’ nge medlip bbiyu’ i yad. Ma ku errogon Benhadad niki mil ngalan fare binaw nge yan i mith ngalan ba senggil ni bay u tabgul u ba naun.

Ezekiel 16:3

Mog ngak yu Jerusalem e n’en ni be yog SOMOL ni Th’abi Tolang ngak: “Nni gargel nigem u lan e nam nu Kanaan. Chitamam e be’ nu Amor, ma chitinam e be u Hitt.

Amos 2:10

I gag e gu fakmed e girdi’ rog nga wuru’ yu Egypt, mu gu pow’iymed u daken e ted i yan ni aningeg i ragag e duw, mu gu pi’ ngomed e binaw rok e piyu Amor ni ngam tafned.

Joshua 10:40

Miki kol Joshua fare nam ni ga’ngin. Me gel ngak fapi pilung ko fapi binaw ni go’ burey, nge pi binaw nu sigre’en e burey ko ngek, nge binaw u enggin e burey ko ngal, ma ku er rogon e tin bay ko pi binaw ndariy e ran riy ni bay ko yimuch. Dariy ta’abe’ ni digey; gubin e girdi’ nni thang e fan rorad. Irera’ e n’en nike yog SOMOL ni Got rok yu Israel ni ngan rin’.

Joshua 11:3

Miki pi’ e thin nge yan ngak piyu Kanaan ni yad bay u ruw raba’ fare Jordan, nge pi Amorite, nge pi Hittite, nge pi Perizzite, nge pi Jebusite u lan fare binaw ni go’ burey, ma ku errogon ni yan e thin ngak pi Hivite ni yad ma par u enggin fare Burey ni Hermon u lan e binaw nu Mizpah.

Joshua 12:18

Afek, Lasharon,

Joshua 19:30

Ummah, Afek, nge Rehob: reliw’ nge l’agruw e binaw u gubin nib mu’un e yuchi binaw nib liyeg pi binaw ney ngay.

1 Samuel 4:1

Re ngiyal’nem e fal’eg piyu Israel rogorad ngranod ni ngar maelgad e pi Filistine; me yan i par e salthaw nu Israel nga Ebenezer, me par e pi Filistine nga Afek.