Joshua 13:2 - Bible Ni Thothup

² ga’ngin yang fare gi but’ nu Filistia ngu Geshur,

Joshua 13:2 Kruisverwysings

Genesis 10:14

Pathrus, Kasluh, ngu Crete, ni yad e sum owchen e Filistine rorad.

Genesis 26:1

I yib reb e uyngol ko re binaw nem nga tomuren e bin ni yib nsom’on nnap’an Abraham. Me yan Isak ngak Abimelek, ni pilung ko Filistine, u Gerar.

2 Samuel 15:8

Nap’an ni ug par u Geshur, u lan yu Syria, mu gu micheg ngak SOMOL ni fa’anra fulwegeg nga Jerusalem, mra gu wan nga Hebron nggu meybil ngak u rom.”

2 Samuel 3:3

Chileab, ni chitinngin e Abigail, nu Carmel ni Nabal e pumo’on rok nike yim’, Absalom, ni chitinngin Maakah, ni be’ nib bpin ni fak Talmai ni Pilung nu Geshur;

Joel 3:4

“Gimed yu Tyre, nge yu Sidon, nge yu Filistia ni ga’ngin, mang e gimed be guy rogon ni ngam rin’ed ngog? Mogned, gimed be guy rogon ni ngam fulweged taban ban’en ngog? Fa’anra er rogon ni gimed be leamnag, ma bay gu fulweg taban ngomed ni papey!

Zefaniah 2:5

Bilig t’ay e gafgow e kam ted e girdi’ nu Filistia, gimed e girdi’ ni gimed ma par u dep’el’ay. Ya SOMOL e ke pag e gechig ni nge aw ngomed. Bayi thang owchamed, ni dabi magay be’ nib fos.

Deuteronomy 3:14

Me Jair ni be’ ko fare ganong rok Manasseh e fek e nug nu Argob ni ga’ngin yang, ni aram yu Bashan. Re gi nug nem e yan nge mada’ ko mathil nu Geshur ngu Maakah. Me tunguy fithingan ko fapi binaw. Kiyi manang ket’aw ko chiney ni pi binaw nem e binaw rok Jair.)

Joshua 12:5

Gil’ilungun e bmu’un fare Burey ni Hermon ngay, nge Salekah, nge ga’ngin yu Bashan me yan nge taw ko mathil nu Geshur ngu Maakah, ma ku arita’ baley yu Gilead, me yan nge mada nga tafen i Sihon ni Pilung nu Heshbon.

Joshua 13:11

Kub mu’un yu Gilead ngay, nge yungi binaw nu Geshur ngu Maakah, nge ga’ngin fare Burey ni Hermon, nge ga’ngin yu Bashan nge yan i mada’ nga Salekah.

Joshua 13:13

Machane yu Israel e dar tulufed e girdi’ nu Geshur ngu Maakah ngar chuwgad; kiyad be par u Israel.

Judges 3:1

Ma aram, me pag SOMOL boch girdi’en e pi nam u lan fare binaw nge sikengnag yu Israel ni daro’ned ko pi mael ni un tay u Kanaan

1 Samuel 27:8

Ma ngiyal’ i n’em e i yan David nge pi salthaw rok ngu’ur maelgad ngak e girdi’ nu Geshur, Girzi, ngu Amalek, pi girdi’ ney e kari n’uw nap’an ni kar pired ko rengi n’em. Ma yan David ngi i cham ko binaw rorad nge taw nga Shur, i yan nga pe’ning nge mada’ nga Egypt,