Joshua 13:11 - Bible Ni Thothup

¹¹ Kub mu’un yu Gilead ngay, nge yungi binaw nu Geshur ngu Maakah, nge ga’ngin fare Burey ni Hermon, nge ga’ngin yu Bashan nge yan i mada’ nga Salekah.

Joshua 13:11 Kruisverwysings

Genesis 37:25

Nap’an ni yad be abich, miyad guy bogi ni’ ni kanog e Ishmaelite ngorad ni karbad u Gilead. Ma kar suguyed daken keru’ e kamel rorad ko florida nge spices, ni yad be fek i yan nga Egypt.

1 Kronicles 2:23

Machane nam nu Geshur ngu Aram e ra kolew nel’i ragag e yochi binaw u rom, nib mu’un fa galochi binaw ni Jair nge Kenath ngay, nge pi yochi binaw nib chugur ngay. Urngin e pi girdi’ ni yad ma par u rom e pi’in ni owchen Makir ni chitamngin Gilead.

1 Kronicles 5:11

Ganong rok Gad e ur pired ko lel’och rok Ruben u lan fare nam nu Bashan nge yan ngalan e ngek nge mada’ nga Salekah.

Numbers 32:29

“Fapi pumo’on ko ganong rok Gad nge Ruben e fa’anra ngar th’abed e Jordan nga ba’nem ni ngar maelgad ni bod rogon nike yog SOMOL ma fa’anra yag ni ngar ayuweged gimed ngam koled e re gi binaw nem, ma aram e ngam pi’ed yu Gilead ngar tafned.

Deuteronomy 3:10

Ma gadad fek ga’ngin yang fare gi nug ni tafen Og ni Pilung nu Bashan ni aram e binaw nu daken fa gi flang, nge ga’ngin yang yu Gilead nge Bashan, me yan nge mada’ ngalan e ngek ko fapi binaw nu Salekah nge Edrei.” (

Joshua 11:3

Miki pi’ e thin nge yan ngak piyu Kanaan ni yad bay u ruw raba’ fare Jordan, nge pi Amorite, nge pi Hittite, nge pi Perizzite, nge pi Jebusite u lan fare binaw ni go’ burey, ma ku errogon ni yan e thin ngak pi Hivite ni yad ma par u enggin fare Burey ni Hermon u lan e binaw nu Mizpah.

Joshua 13:10

Me yani mus ko mathil nu Ammon ni kub mu’un gubin e binaw ngay ni i gagiyegnag Sihon ni Pilung ko Amorite ni ir e ki i gagiyeg u Heshbon.

Joshua 13:2

ga’ngin yang fare gi but’ nu Filistia ngu Geshur,

Joshua 13:25

Gin ni taferad e ba mu’un yu Jazer ngay nge urngin e pi binaw nu Gilead, nge baley ko fare but’ nu Ammon ni yan nge mada’ nga Aroer, ni bay ko ngek u Rabbah;

Joshua 17:5

Irera’ e n’en ni rin’ me yag ragag e f’oth ngak Manasseh ngki puthuy nga Gilead nge Bashan u ba’ ni ngek e Jordan,

1 Samuel 13:7

ma boch i yad e ra th’abed e lul’ ni Jordan ngranod ngalan e nug nu Gad ngu Gilead. Ma kabay Saul u Gilgal, ma girdi’ ni yad bay rok e yad be t’on ko marus.