Joshua 12:8 - Bible Ni Thothup

⁸ Re gin’ey e mu’un fare binaw ngay ni go’ burey, nge enggin e pi burey ko ngal, nge fare Loway ni Jordan nge enggin e pi burey riy, nge sigre’en e burey ko ngek, nge fare nam nib mlik’ ni bay ko yimuch. Re gi but’ ney e immoy ni tafen piyu Hittite, nge Amorite, nge Kanaanite, nge Perizzite, nge Hivite, nge Jebusite.

Joshua 12:8 Kruisverwysings

Genesis 10:17

Hivites, Arkites, Sinites,

Genesis 12:9

Ma aram me yan u bang nga bang ni be sor i yan ko yimuch nu Kanaan.

Genesis 13:7

Ere i malu’ag thin e pi’in yad ma gafaliy e gamanman rok Abram nge pi’in yad ma gafaliy e gamanman rok Lot. (Re ngiyal’ i n’em e ka be par e girdi’ ko gi nam nem ni kanog e Kanaanite nge Perizzite ngorad.)

Exodus 23:23

Angel rog e bay i m’on romed nge fekmed i yan ngalan e nam rok piyu Amor, Hitt, Periz, Kanaan, Hiv, nge yu Jebus, ma bay gu thirif girdi’en e pi nam ney u but’.

Exodus 3:8

Ku gub nga but’ ni nggu chuwegrad u tan pa’ piyu Egypt, mu gu fekrad nga wuru’ yu Egypt nga ba nam nib manigil, ni ba madnom ma ba yong’ol e but’ riy ni girdi’ ni yad ma par riy e chiney e piyu Kanaan, nge Hitt, nge Amor, nge Periz, nge Hiv, nge Jebus.

Deuteronomy 7:1

“SOMOL ni Got romed e bayi fekmed i yan ngalan fare nam ni ngam pired riy, me tuluf bo’or e nam ni bay riy ngar chuwgad u lan fare nam ni aram e pi Hittite, Girgashite, Amorite, Kanaanite, Perizzite, Hivite, nge pi Jebusite, ni medlip i nam ni yad ba ga’ ma yad ba gel ngomed.

Deuteronomy 9:1

“Mu telmed yu Israel! Daba’ e ngam th’abed e lul’ ni Jordan nga ba’nem ngam marod mu tafned fare but’ nib milfan nga bogi nam ni yad ba gel ngomed. Pi binaw rorad e ba ga’ ma bay e yoror riy nib liyeg nib tun ko manileng.

Joshua 10:40

Miki kol Joshua fare nam ni ga’ngin. Me gel ngak fapi pilung ko fapi binaw ni go’ burey, nge pi binaw nu sigre’en e burey ko ngek, nge binaw u enggin e burey ko ngal, ma ku er rogon e tin bay ko pi binaw ndariy e ran riy ni bay ko yimuch. Dariy ta’abe’ ni digey; gubin e girdi’ nni thang e fan rorad. Irera’ e n’en nike yog SOMOL ni Got rok yu Israel ni ngan rin’.

Joshua 11:16

Me kol Joshua urngin fapi binaw — ni go’ burey nge binaw u enggin e burey, ni tin bay ko lel’och nge yimuch, nge urngin e yang e binaw u Goshen nge fa gi dep’eted nib mlik ni bay ko yimuch riy, ni kub mu’un fare Loway ni Jordan ngay.

Joshua 3:10

Daba’ e bay mu nanged ni fare Got ni be par nib fos e bay romed; nap’an ni bay mmarod i yan nga m’on ma ir e bayi tuluf piyu Kanaan ngar chuwgad, nge fapi girdi’ ni kanog e Hittite ngorad, nge Hivite, nge Perizzite, nge Girgashite, nge Amorite, nge Jebusite.

Joshua 9:1

Gel ni tay yu Israel e go’ nang gubin e pilung ni yad bay ko ngal u Jordan — u lan e pi burey, nga enggin e burey, nge ga’ngin dapel’ay u Mediterranean i yan nga Lebanon; ni aram e pilung nu Hit, Amor, Kanaan, Periz, Hiv, nge Jebus.

Judges 1:9

Tomuren e ren’ey mranod ni ngar maelgad ngak e girdi’ nu Kanaan ni yad ma par u ted ni go’ burey, ngu enggin e burey, nge fare binaw nib fengfeng ko yimuch.