Joshua 12:7 - Bible Ni Thothup

⁷ Joshua nge girdi’ nu Israel e ra gelgad ngak urngin e pilung u langgin fare gi nug ni bay ko ngal u Jordan, ni tabab u Baalgad u lan e loway nu Lebanon me yan nge mada’ ko fare Burey ni Halak ni bay ngalan e yimuch nib chugur nga Edom. Me f’oth Joshua e re gi binaw ney u daken fapi ganong nge pi’ ngorad ni nge par ni taferad.

Joshua 12:7 Kruisverwysings

Genesis 14:6

nge girdi’ ni kanog e Horite ngorad ni yad ma par u daken e burey i yan u Seir nge yan i mada’ nga El-paran, ni bay ko gin ni tabab fa gi ted ni desert riy.

Genesis 32:3

Me l’oeg Jakob boch e girdi’ ngar mon’od rok ngranod ngak Esau ni be’ nib mo’on ni walagen, ni be par u bangi binaw ni kanog yu Seir ngay, ni bay ko nam nu Edom.

Genesis 36:20

Pi’in nri girdi’en e binaw nu Edom e yad yuke girdi’ ni rsumgad rok pifak Seir, ni be’ ko fare ke girdi’ ni Horite: ni irara’ fapi ganong ni Lotan, Shobal, Zibeon, Anah, Dishon, Ezer, nge Dishan.

Genesis 36:8

Ere Esau e i par u fithik’ e burey u Edom.

Psalms 135:11

I Sihon, ni pilung rok e pi Amorite, Og, ni pilung u Bashan, nge urngin e pilung nu Kanaan.

Deuteronomy 2:1

ma yuguda pigichelgad ngad sulod nga daken fa gi desert, ni aram e wo’ ni yan ko Red Sea, ni bod ni yog SOMOL ni ngad rin’ed. Ma ba n’uw nap’an ni ud derawgad u daken e nam nu Edom ni go’ burey.

Deuteronomy 2:4

Me yog ngog ni nggu pi’ e pi motochiyel ney ngomed: ‘Aram e ke chugur ni ngam th’abed fa yungi ted ni go’ burey ko fare nam nu Edom, fa gin’en ni tafen boch e girdi’ romed nike palog, ni aram e pi’in owchen Esau. Bay ra rusgad ngomed,

Joshua 11:17

Fa gi nug e tabab ko Burey nu Halak me sor i yan nga Seir, nge yan i mada’ nga Baalgad u lan e loway nu Lebanon ko yimuch nga pe’ning ko Burey ni Hermon. I Joshua e kol urngin e pilung riy, me li’rad ngarm’ad.

Joshua 11:23

Me kol Joshua fare nam ni ga’ngin, ni bod ni yog SOMOL ngak Moses. Me pi’ Joshua fare nam ngak piyu Israel ngar tafned miyad tay e f’oth riy nra reb e ganong ma bang. Ma aram me toffan e girdi’ ko mael.

Joshua 3:17

Ma nap’an ni yad be th’ab fare lul’ ni ngranod u daken e but’ ndakuriy e ran riy, ma fapi prist ni yad be mat’nag fare Kahol ko M’ag rok SOMOL e ra dugilgad u daken e but’ nike mlik’ u lukngun fare lul’ ni Jordan nge yan i mada’ ko ngiyal’ nike yib urngin e girdi’ nu Israel ra th’abed fare lul’ nga baraba’.

Joshua 9:1

Gel ni tay yu Israel e go’ nang gubin e pilung ni yad bay ko ngal u Jordan — u lan e pi burey, nga enggin e burey, nge ga’ngin dapel’ay u Mediterranean i yan nga Lebanon; ni aram e pilung nu Hit, Amor, Kanaan, Periz, Hiv, nge Jebus.