Joshua 10:8 - Bible Ni Thothup

⁸ Me ga’ar SOMOL ngak Joshua, “Dab mu rus ngorad, ya kug duwgiliy ni gur e ngam gel. Dariy ta’bagayad nrayag rok ni nge talegem.”

Joshua 10:8 Kruisverwysings

1 Kings 20:13

Ngiyal’nem me yan ba profet ngak Ahab ni Pilung, me ga’ar ngak, “Be ga’ar SOMOL, ‘Dab mu rus nga ga’ngin e raba’ i salthaw nem! Bay gu tem ngam gel ngak e daba’, ma bay munang ni gag SOMOL.’”

Roma 8:31

Mang e bay ni kagadad ra weliy u murung’agen e pin’ey? Fa’anra bay Got u ba’ rodad, me mini’ e rayag rok ni nge togopluw ngodad?

Deuteronomy 3:2

Me ga’ar SOMOL ngog, ‘Dab mu rusgad ngak. Bay gu pi’ ngomed, nge pi salthaw rok, nge ga’ngin fare gi nug ni tafen. Ma n’en ni mu rin’ed ngak Sihon ni Pilung rok e pi Amorite ni i gagiyeg u Heshbon e ku aram e n’en ni ngam rin’ed ngak Og.’

Deuteronomy 7:24

Bayi pi’ e pi pilung rorad nga pa’med ma bay mu thanged e pogofan rorad nge dab kun leam nagrad. Dariy be’ nrayag rok ni nge talegmed, ya bay mu thanged owcherad ni yad gubin.

Joshua 10:25

Ma aram me ga’ar Joshua ko fapi ga’ ko salthaw rok, “Dab mu rusgad ara mulan’med. Mu duwgiliyed lanin’med me pagan’med, ya ba’aray e n’en ni bayi rin’ Somol ngak urngin e to’ogor romed.”

Joshua 10:9

Reb e nep’ ni yan Joshua u Gilgal nge mada’ ngaram, me cham ngorad nib tomgin.

Joshua 11:6

I SOMOL e ga’ar ngak Joshua, “Dab mu rus ngorad. Re ngiyal’ i n’ey gabul e bay gu li’rad ngarm’ad ni fan ngak yu Israel. Me gur e ngam th’ab e garaw u ay e pi os rorad ma ga urfiy e pi chariot rorad.

Joshua 8:1

I ga’ar SOMOL ngak Joshua, “Mu fek urngin e salthaw nge un ngom ngam farthoggad nga Ai. Dab mu dugow ara mulan’um. Ya bay gu pi’ gelngim ngam gel ngak e pilung nu Ai; nge girdi’ rok, nge binaw rok, ma regi but nem e bay i milfan ngom.

Judges 6:16

Me filuweg SOMOL, “Rayag rom ya gu ra ayuwegnem. Bay mu pirdi’iy yu Midian nrib mom ni gowa ta’abe’ e kamcham ngak!”

Judges 7:9

Me ga’ar SOMOL ngak Gideon e re nep’ i n’em, “Mu od ngam og ngak piyu Midian ko gin yad bay riy; ya bay gu ayuwegnem ngam gel.

1 Samuel 17:47

ma urngin e girdi’ ni bay u roy e bay ra guyed ni de t’uf rok SOMOL e saydon nge sarey ni nge ayuweg e girdi’ rok ngay. Ya ma gel ko mael, ma bayi pi’med ni gimed gubin nga pa’mad.”