Joshua 10:41 - Bible Ni Thothup

⁴¹ Joshua nge pi salthaw rok e ra maelgad u Kadesh Barnea ni bay ko yimuch u Gaza u to’oben e day, nib mu’un gubin yang u Goshen ngay, ranod ko lel’och ngar mada’gad nga Gibeon.

Joshua 10:41 Kruisverwysings

Genesis 10:19

ngranod ra tawgad ko yimuch u Sidon i yan nga Gerar nge mada’ nga Gaza, ma ku’ur garergad i yan ngalan e ngek nga Sodom ngu Gomorrah ngu Admah ngu Zeboiim nge mada’ nga Lasha.

1 Kings 3:5

U rom u Gibeon e yib i m’ug SOMOL ngak Solomon u malik’ay nnep’; me ga’ar ngak, “Mang e ga ba’adag ni nggu pi’ ngom?”

Zekariah 9:5

Fare binaw nu Ashkelon e ra guy e ran’ey me rus ngay. Fare binaw nu Gaza e ra guy me gafgow ko amith nib gel. Ma ku arrogon yu Ekron, ni dabki pagan’ ko pin’en ni i lagan’ ngay. Gaza e bayi par ni dakriy e pilung riy, mu Ashkelon e bay ni pag ni dakriy e wulgo’ riy.

Numbers 13:26

ngak Moses nge Aron nge urngin e girdi’ nu Israel ni yad bay u Kadesh u daken e ted u Paran. Miyad weliy ngorad e pin’en ni kar guyed, miyad dag ngorad wom’ngin e woldug ni kar feked ko re nam nem.

Numbers 32:8

Er rogon e n’en ni rin’ pi chitmangimed u nap’an ni gu l’oegrad u Kadesh Barnea ni ngar lekagged e binaw.

Numbers 34:4

Me cheal ko yimuch nge sor nga thilin e but’ u Akrabbim nge yan i pag yu Zin nge yan ko yimuch u Kadesh Barnea. Miki cheal ko lel’och ni ngal nge sor nga Hazar Addar me yan u rom nga Azmon,

Acts 8:26

Me non ba engel rok Somol ngak Filip ni ga’ar, “Mu fal’eg rogom ngam sor ko yimuch ko fare pa’ i kanawo’ ni yan u Jerusalem nga Gaza.” (Re pa’ i kanawo’ nem e dakunir yan riy.)

Deuteronomy 1:19

“U da rin’ed e tin ni yog SOMOL ni Got rodad ngodad. Da chuwgad u daken fare Burey ni Sinai ngdarod u daken fare gi ted ni desert nib ga’ yang mab kandugwen i yan nga Amor ni go’ burey. Ma nap’an nda tawgad nga Kadesh Barnea,

Deuteronomy 2:23

Ma binaw u p’el’ay ko Mediterranean e ke par e girdi’ ko fare donguch nu Krete ngay. Kar li’ed e pi Avvim ni aram e pi’in nri taferad e re gin’em. Ma kar tafned taferad ni ga’ngin, ni yan ko yimuch nge mada’ ko fare binaw nu Gaza.)

Deuteronomy 9:23

Ma faani l’ogmed u Kadesh Barnea ni ngam marod ngalan e re nam nem ni ir e nge pi’ ngomed mi gimed togopluw ngak; da i pagan’med ngak ma da um folgad rok.

Joshua 10:12

Chirofen ni gagiyegnag SOMOL e pumo’on nu Israel ngar gelgad ngak e pi Amorite e non Joshua ngak SOMOL. I non u p’eowchen piyu Israel ni ga’ar, “Yal’, mu tal u daken yu Gibeon; pul, mu tal u puluwon e loway nu Aijalon.”

Joshua 10:2

Me ri rus e girdi’ nu Jerusalem, ni bochan e yu Gibeon e reb e binaw ni ba ga’ ni bod ga’ngin e pi binaw ni tafen e pilung, ma ka ba ga’ ko binaw nu Ai, ma pumo’on ni bay riy e yad boch e salthaw nda rir rusgad.

Joshua 11:16

Me kol Joshua urngin fapi binaw — ni go’ burey nge binaw u enggin e burey, ni tin bay ko lel’och nge yimuch, nge urngin e yang e binaw u Goshen nge fa gi dep’eted nib mlik ni bay ko yimuch riy, ni kub mu’un fare Loway ni Jordan ngay.

Joshua 11:22

Dakuriy reb fapi Anakim niki magey u lan fare nam nu Israel; machane in i yad e magey u Gaza, ngu Gath, ngu Ashdod.

Joshua 15:51

ngu Goshen, ngu Holon, ngu Giloh: ragag nge ta’reb e binaw u gubin nib mu’un e yuchi binaw nib liyeg e pi binaw nem ngay.

Judges 16:1

Me yan Samson u rom nga Gaza, me guy be’ ni bpin u rom nma chuway’ ngak mi yow par.

Judges 16:21

Me yib piyu Filistia ra lufed lan mit nruw raba’. Miyad fek nga Gaza ngar m’aged e chen ngak nni ngongliy ko wasey ni bronze, miyad tay ngi i maruwel ngi i bilig e wheat u kalbus.

1 Samuel 6:17

Pi Filistine e ra pi’ed lal i gol ni ya’an e bir ngak SOMOL ni tow’ath nge bayul rorad ngak ko denen rorad, nreb e pa’ Ashdod, ma reb e pa’ Gaza, ma reb e pa’ Ashkelon, ma reb e pa’ Gath, ma reb e pa’ Ekron.