Joshua 10:2 - Bible Ni Thothup

² Me ri rus e girdi’ nu Jerusalem, ni bochan e yu Gibeon e reb e binaw ni ba ga’ ni bod ga’ngin e pi binaw ni tafen e pilung, ma ka ba ga’ ko binaw nu Ai, ma pumo’on ni bay riy e yad boch e salthaw nda rir rusgad.

Joshua 10:2 Kruisverwysings

2 Samuel 12:26

Ma ngiyal’nem e ka be togopluw Joab ngak yu Rabbah, ni aram e binaw ko pilung nu Ammon, ma ke chugur ni ngekol e re binaw nem.

Proverbs 10:24

Pi’in mat’aw e ma yag ngorad e n’en ni yad be finey, ma pi’in kireb e ra yib ngorad e n’en th’abi riyad mmarus ngay.

Deuteronomy 11:25

Demturug bang ni gimed ra yan riy u lan e re nam nem, me SOMOL ni Got romed e ra gagiyegnag e girdi’ ngar rusgad ngomed, ni bod nike micheg nra rin’, ma dariy be’ nrayag rok ni nge talegmed.

Deuteronomy 2:25

Daba’ i yan ngaram e bay gu tay daguwmed nga lanyan’ e girdi’ u gubin yang. Nap’an ni yira yog fithingimed ma gubin e girdi’ ni bay ra t’on gad ko marus.’

Deuteronomy 28:10

Ma aram e gubin e girdi’ nu fayleng ni yad ra guy nike mel’egmed SOMOL ni ngam manged girdi’en, miyad par ni bay doguwmed u wun’rad.

Hebrews 10:27

Ra errogon me ere n’en ke magey ni ngan rin’ e ngan tamdag ko n’en ni bayi m’ug: ni aram e pufthin nge nifiy nib gel ni bayi kirebnag e pi’in yad be togopluw ngak Got!

Hebrews 10:31

Rib gel e gafgow nra tay e pi’in nra gechig nagrad Got, ni Got ni be par nib fos!

Joshua 2:24

Me lungurow ngak, “Kari mich u wun’mow nike pi’ SOMOL ngodad e re nam nem ni ga’ngin. Ya urngin e girdi’ nu rom ni kar rusgad ngodad.”

Joshua 9:24

Miyad fulweg, “Siro’, kug rin’ed ban’en ni aram rogon ni bochan e kug nanged ni riyul’ ni SOMOL ni Got rom e keyog ngak Moses ni tapigpig rok ni nge pi’ ngom e gi binaw ney ni ga’ngin me li’ e girdi’ ni yad be par riy u nap’an ni gimed be yan nga m’on. Ma kug rin’ed ni bochan e kugm’ad ko marus ngom; ma kagmad be rusnag e pogofan romad.

Joshua 9:3

Machane girdi’ nu Gibeon, ni aram Hivite, e rrung’aged e n’en nike rin’ Joshua ngak puyu Jeriko ngu Ai,

1 Samuel 27:5

Me ga’ar David ngak Akish, “Fa’anra gur e fager rog, mag pageg nggu par u lan reb e yuchi binaw nib achig. De t’uf ni ngu’ug par rom u lan e re binaw ney ni tafen e pilung.”