Joel 3:3 - Bible Ni Thothup

³ Ra girengiyed e pow riy ni ir e nge duwgiliy ko mini’ rorad e nge fek e pi’in kan kolrad. Kar pi’ed nchuway’ e pagel nge rugod ni ngar manged sib ni fan e ngar chuw’iyed e wayin nge ppin ni yad ma falchuway’ ngorad.

Joel 3:3 Kruisverwysings

BABYOR NI JOB 6:27

Mus ko pi’in pifak e pi tapigpig ni kanim’ rorad ma gimed be giringiy e pow ni nge duwgiliy ko mini’ romed e nge mil suworad ngak, ma kigmed be libeg ni ngam fla’abgad u puluwon e pi tafager nth’abi chugur ngomed!

Ezekiel 27:13

Ku u mu siyobay u Greece, Tubal, ngu Meshek ngu’um thilyeg e tirom ban’en ko sib nge tin kan ngongliy ko wasay ni bronze.

Joel 1:5

Mu odgad ngam yorgad, gimed e pi tachingaw’; mu yorgad, gimed e pi tamu’un wayin nir; fapi grape ni ngan ngongliy e wayin nib be’ech riy e kan kirebnag.

Amos 2:6

Be ga’ar SOMOL, “Girdi’ nu Israel e kar denen gad bayay nge bayay, ni erfan nri bay gu gechig nagrad. Ya kar pi’ed nchuway’ e girdi’ ni yul’yul’ ni daworiyag ni ngar thanged e malfith rorad, ni bogi gafgow ni mus nga ta’reb e sus ma dabyag ni ngar pi’ed puluwon.

Obadiah 1:11

Mu gilaf ngam telem u orel u nap’an ni t’ar e pi to’ogor e garog rorad nga but’, ta’reb fanam kireb ngak e pi girdi’ nu bang nem ni kar feked e fla’ab u pa’ yu Jerusalem kar f’othed u dakenrad.

Nahum 3:10

Girdi’ nu Thebes e kan fekrad ni kalbus nga wuru’ e nam. Gubin e m’ing ko kanawo’ ma go’ bay pifakrad riy ni kan li’rad karm’ad. Pi pumo’on ni tayugang’ rorad e kan chen nagrad kan fekrad kan graregrad u pa’ e pi to’ogor rorad.

Revelation 18:13

nge cinnamon, nge florida, nge incense, nge myrrh, nge frankincense, nge wayin nge gapgep, nge flowa ni dawor ni lith nge wheat ni yima ngongliy e flowa riy, nge garbaw nge saf, nge os nge karrow, nge sib, nge mus ko pogofan rok e girdi’.