Joel 1:4 - Bible Ni Thothup

⁴ Asmen’ing ni pire’ ni pire’ e yib ko woldug ni nge longuy, nra chuw boch me yib boch i longuy e tin ke magey.

Joel 1:4 Kruisverwysings

1 Kings 8:37

“Ma ra yib e uyongol u lan e nam, ara ba misilpig, ara yib e nifeng nib gowel nge kirebnag e woldug, ara misilpig nma yib ko woldug, ara yu ran’ i asmen’ing, ara yib e pi to’ogor ra m’aged e mael ngak e tirom e girdi’, ara yib bmit e liliy ara m’ar ngorad,

2 Kronicles 6:28

“Nap’an nra yib e yungol u lan e re nam ney fa yib e misilpig ni yima yim’ riy fa li’ e nifeng nib gowal e woldug fa yib e asmen’ing ni yo’or nge li’ e woldug, fa yib e to’ogor ngar chamgad ngak e girdi’ rom, fa yib e m’ar nga fithik’rad,

2 Kronicles 7:13

Demturug e ngiyal’ ni gu ra taleg e n’uw fa gu pi’ e asamen’ing ni ngar longyed e woldug fa gu pag e misilpig nge yib nga daken e girdi’ rog’,

Psalms 105:34

Me non me yib e asmen’ing nga daken e nam, ni bo’or e million ndabiyag i the’eg;

Psalms 78:46

Me pi’ Got e asmen’ing ni lokust nge longuy e woldug rorad me kirebnag e yungi flang rorad.

Exodus 10:4

Ya ra dab mu pag e girdi’ rog ngranod, ma gabul e bay gu l’oeg e asmen’ing nge yib nga daken e nam rom.

Exodus 10:5

Bay ra suguyed daken e but’ nge upong ndabkiyag ni ngan guy daken e but’. Bay ra longuyed urngin ban’en nde kirebnag e ayis ni mul u lang; bay ra longuyed urngin kan e gek’iy rom.

Isaiah 33:4

Chugum rorad e kan leag u fithik’ e mael.

Jeremiah 51:14

I SOMOL ni Gubin ma Rayag Rok e ke micheg ko yafos rok ni bayi fek e salthaw ni yo’or ngar po’ gad ngalan yu Babylon ni bod ba ran’ i asamn’ing, ma bay ra garus niged e gal ni kar ted.

Jeremiah 51:27

“Mu daged e pow riy ni arme ngan cham! Mu thoyed e rappa’ ya nge yag ni rung’ag e pi nam! Mu gafaliyed e pi nam nge cham nga Babylon! Moged ko pi salthaw nu Ararat, Minni, ngu Ashkenaz ni ngar cham gad. Ngan duwgiliy be’ ni nge ga’ ni ir e nge girengiy e mael. Mu kunyed e os nib yo’or ni bod ba ran’ i asam’ning.

Joel 2:25

Bay gu fulweg ngomed e n’en ke mul u pa’med u lan fapi duw ni longuy baran’ i asmen’ing e woldug romed. I gag e gu pi’ e pi asmen’ing nem ni bod baraba’ i salthaw nge yib i togopluw ngomed.

Amos 4:9

“Gu l’oeg ba nifeng nib gawel nge mlik nag e woldug romed. Me longuy e pi asmen’ing e yungi woldug romed nge yungi milay’ ko grape, nge yungi gek’iy ni fig nge olive ni fi’imed. Machane ku dam sulod ngog.

Amos 7:1

I SOMOL ni Th’abi Tolang e piliyeg e changar rog ngug guy e pin’en ni ba’aray: gguy SOMOL ni sunumeg baran’ i asmen’ing nga tomuren ni ka fin nth’ab e pan ni gan e gamanman, ni aram fa birok fa en ni pilung e f’oth, ma aram e ke tabab e pan ni nge tugul bayay.

Malaki 3:11

Ma aram e dab kug pag e pi chachangag nge longuy e woldug romed, me par yungi milay’ romed ni grape nike sug ko grape.

Deuteronomy 28:38

“Bay mu yunged e awoch ni pire’, machane ri buchuuw wom’ngin ni gimed ra t’ar, ni bochan e bayi languy e asmen’ing e woldug romed.

Deuteronomy 28:42

Urngin e gek’iy nge woldug romed e bayi longuy e pi chachangag nge m’ay.