Joel 1:15 - Bible Ni Thothup

¹⁵ Birok SOMOL e rran e ke chugur; fa’anem ni Gubin ma Rayag Rok e bayibnag e riya’. Ba ga’ ba marus ni yira tay e rofen nem!

Joel 1:15 Kruisverwysings

Psalms 37:13

Ma SOMOL e be minmin u wan’ ngak e en nib kireb, ya manang ndabki n’uw nap’an me math e fan rok.

Jeremiah 30:7

Yaran e gafgow e nge anog; ni dariy reb e rran nrayag i ta’reb nag ngay — ni aram e ngiyal’ ni nge ngochngochan’ e girdi’ rog, machane yad ra fos.”

Jeremiah 46:10

Irera’ e rran rok SOMOL ni Th’abi Tolang ma Gubin ma Rayag Rok: daba’ e nge fulweg taban e kireb; daba’ e nge gechignag e pi to’ogor rok. Saydon rok e nge longuyrad nge taw ko ngiyal’ nike fos, me unum e racha’ rorad nge taw ko ngiyal’ nike chum’er. Daba’ e En Gubin ma Rayag Rok e nge pi’ ni maligach gubin e pi’in ke gel ngorad u lan e lel’och u charen e lul’ ni Eufrates.

Ezekiel 30:3

Ke chugur fare rran, ni fare rran rok SOMOL, nib rran ni ba lumolang ma ke ngolol e riya’ nga daken e pi nam.

Joel 2:11

I SOMOL e bayi yog ngak e salthaw rok e tin ngar rin’ed ni bay yib laman ngorad ni bod lingan e dirra’. Ma pi’in yad be fol rok e yad bpire’ ma yad ba gel. Re rran rok SOMOL nem e rib gel feni kireb! Mini’ e ra magay riy ni kabfos?

Joel 2:31

Ma bayi lumor e yal’, ma bayi pig ra’en e pul nge row ni bod e racha’ u m’on ndawori taw e re rran rok SOMOL nem, ni reb e rran ni ba ga’ ma ba gel e gafgow nra fek i yib.

Joel 3:14

Bokum e biyu’ e biyu’ e bay u lan fare Loway ko Pufthin. Ireram e re gin’en ndabki n’uw nap’an me taw fare rran rok SOMOL ngay.

Obadiah 1:15

“Ke chugur ko rofen ni Gag SOMOL e nggu pufthinnag e pi nam. Edom, n’en ni kam rin’ e bay ni rin’ ngom. Ngonglem e bayi sul ngom.

Zefaniah 1:7

Kari chugur fare rran ni bay par SOMOL nga tagil’ e pufthin; ere mu th’abed gulungmed u p’eowchen. I SOMOL e ke fal’eg rogon ni nge maligach ko girdi’ rok ma ke pining e pi to’ogor ni ngar giliw niged yu Judah.

James 5:9

Pi walageg ni girdi’en Kristus, dab um gun’gun’gad nib togopluw ngak bigimed, nge dabi turguy Got e gechig romed. Ya en nma puf oloboch e ke sak’iy nga langan e mab nike fal’eg rogon ni nge yib!

Revelation 6:17

Ya fare rran ni ba ga’ ni ir e ngar damumuwgow riy e ke taw, me mini’ e rayag ni nge fos riy.