Hosea 8:7 - Bible Ni Thothup

⁷ Nap’an ni yad ra yung e nifeng, ma yad ra t’ar wom’ngin ni yoko’! Bangi woldug ni grain ndar el wom’ngin e dabiyag ni nge pi’ e flowa. Ma fa’an mang e ra yib wom’ngin, ma girdi’ u bang e yad ra kay wom’ngin nge m’ay.

Hosea 8:7 Kruisverwysings

Genesis 41:23

Me yib i m’ug medlip punug e grain nib achig, ma ke mororoy ni bochan e nifeng nib gowel ni be yib ngay u daken e ted ni desert.

2 Kings 15:19

Me Tiglath Pileser, ni ir e pilung u Assyria, e yib i mael ngak yu Israel, me pi’ Menahem guyey nge meruk e ton e silber ngak ni nge fel’ u wan’ nge ayweg Menahem nge pi’ gelngin ni nge gagiyegnag fare nam.

2 Kings 15:29

Ma ngiyal’ nib pilung Pekah me kol Tiglath Pileser ni ir e pilung nu Assyria fapi binaw nu Ijon, Abel Beth Maakah, Janoah, Kedesh, ngu Hazor, nge nug nu Gilead, Galilee, ngu Naftali, me fek e girdi’ nga Assyria ni kalbus.

BABYOR NI JOB 4:8

Kug guy e girdi’ nra gi’ed e but’ ni kireb ka ra yunged e kireb ngay ni bod rogon e awoch, ma chiney e ka ra tired wom’ngin ni kireb.

Proverbs 22:8

Fa’an ga ra yung e awoch ko tin nde mat’aw, ma riya’ e ra yib i for riy, ma gafgow ni um tay ngak boch e girdi’ e bayi tal.

Eklesiastes 5:16

De mat’aw! Gadad ra yan nri bod rogon ndabad. Ud marwelgad ni gadad be guy rogon ni ngad facholiyed e nifeng, fa mang e ke yag ngodad?

Isaiah 17:11

Machane yu gu ra for u fithik’ e but’ ngalang nge puf yuwan ko re kadbul ni mu yung, ma ku ra par ni dariy wom’ngin ni ga ra t’ar. Ya go’ gafgow nge amith ni dabim’ay e ra par.

Isaiah 55:2

Mang ni kam n’iged e salpiy ko n’en ni dab mu fosgad ngay? Mang ni ka mu wereged puluwmed kem’ay ma dawor mu fosgad? Mu telmed ngog mi gimed rin’ e tin nggog, me yag ngomed e tin th’abi fel’ e ggan.

Isaiah 66:15

I SOMOL e bayib ni yow e nifiy. Bayib u daken pon e yako’ ni nge gechignag e pi’in be damumuw ngorad.

Jeremiah 12:13

Girdi’ rog e ka ra yunged e wheat, ma rachangal e yad be kunuy riy; yad be maruwel nib gel, machane dariy ban’en nra yib riy ngorad. Bochan e damumuw rog nib almarin ma ke math mit e woldug rorad.”

Lamentations 5:2

Binaw romad e bay u pa’ e milekag; girdi’ nu bang e be par ko pi tabnaw romad.

Hosea 2:9

Ere bayi taw ko ngiyal’ ni ngan kunuy e ggan nike yib ko woldug ni ngan tay nga naun mu gu fulweg e pi tow’ath rog ni grain nge wayin ni ug pi’ ngak, mu gu chuweg rok fapi bunu’en e saf nge fapi mad nib wech ni gu pi’ ni mad rok.

Hosea 7:9

ma darir nanged ni re todang ney ni yad be tay nga boch e nam e be m’aynag gelngirad. Kan duwgiliy e pi rran rorad, machane dar nanged.

Hosea 9:16

Girdi’ nu Israel e yad bod bake gek’iy nike mroray lik’ngin ni dakir k’uf. Dab ku ra fakyed e bitir, machane fa’an yad ra fakay, ma gu ra thang e pogofan rok pifakrad nrib t’uf rorad.”

Nahum 1:3

I SOMOL e ba sowath nma damumuw, machane ir e ba gel gelngin ma der ma pag e pi’in kireb ndabi gechig nagrad. Yungin ma yan SOMOL riy e ma sum yungi yoko riy; pi manileng e aram e fiyath ni be tar u rifrifen ay.

Haggai 1:6

Kam yunged e woldug ni grain nrib yo’or, machane wom’ngin ni kam t’ared e ri bochu’uw. Bay e ggan ni ngam ked, machane de gaman ni ngam fosgad ngay. Bay e wayin ni ngam unumed, machane de gaman ni ngam chinggad ngay. Bay e mad romed, machane de gaman ni nge magwal nagmed. Ma pi’in yad be maruwel e dab ra gaman gad u pulworad.

Galatia 6:7

Dab mu ban niged gimed, ya dariy be’ nrayag ni nge bannag Got. Ra be’ ma mit i n’en ni yung e ir e ra t’ar wom’ngin.

Galatia 6:8

Fa’anra yung be’ ban’en nga daken e milay’ ni aram e tin nib kireb ni be ar’arnag, ma wom’ngin nra yib riy ngak e yam’; ma fa’anra yung be’ ban’en ni fan ngak fare Kan Nthothup, ma wom’ngin nra yib riy ngak ni Kan Nthothup e ke yib rok e yafos ndariy n’umngin nap’an.

Deuteronomy 28:33

Yug reb e nam ndam nanged e bayi fek urngin e woldug ni kam yunged nrib gel e maruwel nim ted riy, ma dariy ban’en nra yib ngomed, ya kemus ni gafgow e bay i yib ngomed ni gubin ngiyal’ ma tin ba kireb e bay un rin’ ngomed.