Acts 28:3 - Bible Ni Thothup

³ Me kunuy Paul ba thum i l’ud, ma nap’an ni be tay nga mit e nifiy me yib ba porchoyog nga tamilang, ni bochan gowelngin e nifiy, me yib i yabochboch nga pa’.

Acts 28:3 Kruisverwysings

BABYOR NI JOB 20:16

N’en nike ful’ be’ nib kireb e bod e yub; ra yim’ riy ni bod nike k’ad ba porchoyog ni bay e yub rok.

Isaiah 30:6

Ba’aray e thin nike yog Got ni murung’agen e pi gamanman nma par ko fa gi ted ni desert ni bay ko yimuch ni be ga’ar: “Pi’in owchen e nam nga reb nam e yad be milekag u daken e ted ni yad be yan u thathren e riya’, ya bay e gamanman ni layon riy, nge porchoyog ni bay e yub u l’ugun, nge dragon nma changeg. Ka ra sug niged daken keru’ e gamanman rorad ni dongki nge kamel ko tow’ath nib tolang puluwon ni tow’ath rorad ngak ba nam ndabiyag ni nge pi’ e ayuw ngorad.

Isaiah 41:24

Gimed nge urngin e tin gimed be rin’ e mm’ay fan; pi’in yad ma meybil ngomed e ri yad ba sonsonogor!

Isaiah 59:5

Fapi makath rom ni kireb ni ga be ngongliy e bod feni kireb e tamango ko parchayog nib yub. Ga ra bilig reb e tamango rok, ma ba parchayog e ra yib riy nga wean! Machane pi makath rom e dariy ban’en nra fel’ riy ngom — go’ ba m’ayfan ni bod e mad nni ngongliy ko tafen e gonow.

Amos 5:19

Ra yan i par ni bod be’ ni mil rok ba layon me mada’ nag ba bear! Ara bod be’ ni yib nga tabinaw rok me gif nga pa’ nga downgin e rungrung me k’ad ba porchoyog pa’!

Matthew 12:34

Gimed e pi porchoyog nir — ra di’in mi gimed yog e tin ni bfel’ ban’en ni fa’anra gimed ba kireb? Ya l’uguney e ma weliy e n’en nike sugnag lanin’uy.

Matthew 23:33

Gimed e porchoyog nge pi’in pifak e porchoyog! Uw rogon ni gimed be finey ni ngam thaygad ko gechig ni bay ntay ngomed u fithik’ e nifiy?

Matthew 3:7

Ma fa’ani guy John e Farise nge Sadduse ni pire’ ni karbad ngak ni nge tawfe nagrad, me ga’ar ngorad, “Gimed e pi porchoyog nir — mini’ e keyog ngomed nrayag ni ngam thaygad ko damumuw rok Got ni bayi taw?

Mark 16:18

ma fa’an yad ra kol e porchoyog nga pa’rad, fa ra unumed ban’en ni bay e yub riy, ma dab ra m’ad ngay; ma yad ra tay pa’rad nga daken e pi’in nib m’ar, me m’ay e m’ar rorad.”

Acts 28:2

Me ayuwegmad e girdi’ riy. Ma aram me aw e n’uw me ri garbeb, miyad ko’reg ba nifiy miyad yog ngomad ni nggu chugurgad nga charen.

Acts 28:4

Me guy e girdi’ ko fare donguch e re porchoyog nem nike yabochboch nga pa’ Paul miyad yog rorad ni lungurad, “Re mo’on nem e dabisiy ni ir be’ nike thang e pogofan, yugu aray rogon nike thap nga arow nde yim’ u maday, machane taban e kireb nma pi’ e kan e dabkiyag ni nge thay riy, ya ke muturug ni nge yim’.”

2 Korinth 11:23

Yad e tapigpig rok Kristus? Gu be non ni gowa gu be’ ni kug aliliy — machane i gag reb e tapigpig ni kabfel’ e pigpig ni gu be tay ko pigpig ni yad be tay! Kab gel e maruwel ni kug tay ko maruwel ni kar ted, kab yo’or yay ni ka non’eg nga kalbus, ma kab yo’or yay ni kan toyeg, ma kab yo’or yay nike chugur ni nggum’.

2 Korinth 6:9

ma gowa gamad e girdi’ nda nnang murung’agmad, machane gubin e girdi’ ni manangmad; ma gowa kug m’ad, machane gimed be guymad ni ka gamad ba fos. Kan gechig nagmad, machane dawor nthang e fan romad;