Acts 21:34 - Bible Ni Thothup

³⁴ Ma boch e girdi’ u fithik’ fapi girdi’ ni aram urngin e yad be tolulnag reb e ban’en ma boch i yad e yugu reb e ban’en e yad be tolulnag. Ma yibe wagagey ndabiyag ni nge nang fare pilungen nge salthaw e n’en ni ir e ke buch; me yog ngak e salthaw rok ni ngar feked Paul i yan nga tafen e salthaw.

Acts 21:34 Kruisverwysings

Acts 23:10

Me ri elmerin e malu’ag thin ni yad be tay me rusnag fare pilungen e salthaw Paul ni bay ra popfed. Me yog ngak e salthaw rok ni ngranod ngalan fare ulung ngar feked Paul ngar chuweged rorad, miyad fek nga tafen e salthaw.

Acts 19:32

Ma aram e be wagagey e girdi’ u lan fare ulung ni polo’, ni boch e girdi’ e yad be tolulnag reb e ban’en, ma boch e girdi’ e yugu reb e ban’en e yad be tolulnag, ya oren i yad e mus nga fan ni kar mu’ulunggad ngaram ma dar nanged.

Acts 23:16

Machane me rung’ag ba pagel ni fak be’ ni bpin ni walagen Paul e re makath nem; ma aram me yan nga tafen e salthaw nge weliy ngak Paul.

Acts 22:24

Me yog fa’anem ni pilungen e salthaw nu Roma ngak e salthaw rok ni ngar feked Paul ngalan tafen e salthaw, me yog ngorad ni ngar toyed ngar gayed fan ni be tolul piyu Israel ni aram rogon nib togopluw ngak.

Acts 21:37

Ma nap’an ni yad be n’en ni ngar feked Paul i yan nga tafen e salthaw, me yog ngak fare pilungen e salthaw nu Roma ni ga’ar, “Rayag ni gu weliy bbugithin ngom?” Me fith fare pilungen e salthaw nu Roma ngak ni ga’ar, “Ga manang e thin ni Greek?

Acts 22:30

Ma ri ba’adag fare pilungen e salthaw ni nge pir’eg e n’en ni be yog piyu Israel ni ir e ke bucheg Paul; ma aram me reb e rran riy me yog ngan luf e chen rok Paul me pi’ e thin ni nge mu’ulung e pi tolang ko prist nge urngin girdi’en fare ulung. Ma aram me fek Paul, nge sak’iynag nga p’eowcherad.

Acts 25:26

Machane dariy ban’en nike muturug murung’agen nrayag ni gu tay nga babyor nggu pi’ nge yan ngak e en ni Emperor nu Roma. Ere kug fek e cha’ney i yib ngaray nga p’eowchemed — nri gur Agrippa ni Pilung e kug fek nga p’eowchem! — ni fan e nge yag ni gu tay ban’en nga babyor ni murung’agen u tomuren ni kan mu’ i gayiy tapgin e re pa’ i oloboch rok ney.

Acts 23:32

Me reb e rran riy me sul e tin ba’aram e salthaw ni yad be yan u but’ ko fa gin bay tafen e salthaw riy, miyad pag e salthaw nma yan u os ni ngar uned ngak Paul ngranod.