Acts 16:9 - Bible Ni Thothup

⁹ Mi ni piliyeg e changar rok Paul e re neap’ i n’em nge guy be’ nib mo’on u Macedonia nib sak’iy ni be wenig ngak Paul ni be ga’ar, “Moy nga Macedonia ngam ayuwegmad!”

Acts 16:9 Kruisverwysings

Acts 10:3

Gonap’an e dalip e kolok ni mithig yal’ mi ni piliyeg e changar rok, nge guy ba engel rok Got nike yib nga naun nge yib i ga’ar ngak, “Kornelius!”

Acts 10:30

Me ga’ar Kornelius, “Gonap’an e re ngiyal’ i n’ey fopringan ni gu be meybil u lan e naun rog ko dalip e kolok ni mithig yal’. Mi yigi yib i sak’iy be’ nib mo’on nga p’eowcheg nike yin’ e mad ni be galgal ram’en

Acts 16:10

Nap’an nni piliyeg e changar rok Paul, nge guy e ren’em ma gamad fal’eg rogomad ni nggu warod nga Macedonia, ya ke muturug u wun’mad nike piningmad Got ni nggu machib niged fare Thin Ni Bfel’ ngak e girdi’ ko gin’em.

Acts 16:12

Ma gamad yan u rom nga Filippi, ni ireram e binaw ni ba ga’ ko gin nsom’on e nug nu Macedonia; ma ku errogon ni ku reb e kolonia rok yu Roma. Ma gamad par u lan e re binaw nem nri in e rran.

Acts 18:5

Ma fa’ani sul Silas nge Timothy u Macedonia, me pag Paul urngin ban’en me par ni yigo’o thin rok Got e be machibnag ko girdi’, ma be weliy ngak piyu Israel ni Jesus e ir fare Messiah.

Acts 19:21

Ma tomuren nike m’ug e tiney, me turguy Paul u wan’ ni nge yan u lan yu Macedonia nge yu Greece me yan u rom nga Jerusalem. Me ga’ar, “Ra gu taw ngaram ma ku errogon ni thingar ku gguy yu Roma.”

Acts 19:22

Ma aram me l’oeg Timothy nge Erastus ni l’agruw ni’ ni yow ma ayuweg ngranow nga Macedonia, me par nib n’uw nap’an boch u lan e nug nu Asia.

Acts 19:29

Me wear e re wagey nem u lan fare binaw ni polo’. Me kol fapi girdi’ ni yad be wagey Gayus nge Aristarkus, ni l’agruw ni’ u Macedonia, ni yad Paul ni yad be milekag, miyad fekrow nib gur nga tafen e gosgos.

Acts 20:1

Ma fa’ani gapas fare wagey, me kunuy Paul e pi’in ke mich Jesus u wun’rad me pi’ e athamgil nga lanin’rad nge mu’ me fingichiyrad. Ma aram me chuw u rom me yan nga Macedonia.

Acts 20:3

me par riy ni dalip e pul. Nap’an ni be fal’eg rogon ni nge yan nga Syria me nang nike ngongliy piyu Israel e makath nib togopluw ngak; ma aram me turguy ni nge sul nge yan u lan yu Macedonia.

Acts 27:2

Ma gamad af nga daken reb e barkow ni yib u Adramyttium, ni be n’en ni nge yan ko pi binaw nma tal e barkow riy ko nug nu Asia, ma aram ma gamad yan. Mi Aristarkus, ni be’ u Macedonia ni yib u Thessalonika, e immoy romad.

Acts 9:38

Ma gin’en nu Joppa nem e de mal’af u Lydda, ma pi’in gachalpen Jesus ni yad bay u Joppa e fa’an rrung’aged ni bay Peter u Lydda, miyad l’oeg l’agruw i pumo’on ngranow rognew ngak ni nge lungurow, “Wenig ngom, mu gur nigem nga mub ngomad.”

Roma 15:26

Ya girdi’en e galesiya nu Macedonia ngu Greece e kar turguyed, ni ngar pi’ed e salpiy nge ayuweg e pi’in yad ba gafgow u fithik’ e girdi’ rok Got ni yad bay u Jerusalem.

2 Korinth 11:9

Ma ngiyal’ ni ba’aram ni gu bay romed e da gog ngomed ni ngan ayuweged gag ko ngiyal’ ni nge yag e salpiy riy ngog; ni fan e pi walagdad ni girdi’en Kristus nrabad u Macedonia e ra feked i yib urngin e tin ni nge yag ngog. Rogon ko tin nike yan e rran nge tin ni kabay e rran ngam’on e dab mu gafgowgad u puluwog!

2 Korinth 12:7

Machane bochan e ngan tiyeg ndab gu ufanthin ni bochan e pin’en ni bfel’ nem ni kug guy, ma aram mi ni pi’ ba liliy ngog nib gel e amith riy, ni yib ni susun e mol’og rok mo’onyan’ ni nge pirdi’iyeg ya nge dab gu uf.

2 Korinth 7:5

I mus ko ngiyal’ ni gu tawgad riy nga Macedonia ma ku de yag ni gu toffangad. Ya gubin yang ma ug pir’eged e gafgow riy, ma gamad be malu’ag thin e girdi’, ma gamad be rus.

2 Korinth 8:1

Pi walagmad ni girdi’en Kristus, gamad ba’adag ni ngam nanged rogon nike ayuweg Got girdi’en e pi galesiya nu Macedonia.

2 Korinth 9:2

Gu manang ni gimed ba’adag ni ngam pi’ed e ayuw, ma kug weliy murung’agmed ngak e girdi’ nu Macedonia ni gub felan’ ngay nike lungug, “Pi walagdad ni girdi’en Kristus ni yad bay u Greece e ka fa binem e duw nra pired ni kar fal’eged rogorad ni ngar pi’ed e ayuw.” Ma pasigan’ romed ni ngam pi’ed e ayuw e ke pi’ e pasig nga laniyan’ bo’or i yad.

Deuteronomy 30:13

Ma ku gathi bay u bang ni nge chur be’ u maday nge yan i fek. Dabiyag ni nge lungumed, ‘I mini’ e nge chur u maday nge yan i fek ngodad ngad rung’aged ma gadad fol riy?’

1 Thessalonika 4:10

Ma ireray rogon e ngongol ni kam rin’ed ngak urngin e pi’in girdi’en Kristus ni walagmed u lan yu Macedonia ni ga’ngin. Ere gamad be wenig ngomed, pi walagmad ni girdi’en Kristus ni ngu’um athamgilgad boch.