Yəhusuwa 1:8 - Hdi

⁸ Yaha na ɗelewera tagha skwi na da diʼiŋaghuta nda wubisima gha. Ka vrafta ka tida nda fitik tani, nda rviɗik tani, ŋa ŋavata gha ka snatá inda skwi ya nda vinda. Mantsa ya tama, dzaʼa mutsay ka ta skwi zbaŋ ka, ŋa dzaʼa gha ta kəma ta kəma.

Yəhusuwa 1:8 Kruisverwysings

Zlrafta 24:63

Ta fitik hawu tama ka sab tsi da ziwa ghəŋa ni ta wa mtak. Kəʼa kəʼa klaŋtá ghəŋ ná, ka nghaŋtá tsi ta ŋalibwaha ta sagha.

2Rus 26:5

Ka fatá tsi ta ghəŋa ni ka zba Lazglafta ta fitika Zakari ta taghanaftá zləŋa Lazglafta ya. Ma tsa zbay ni ta Yawe ya, ka vlaŋtá Lazglafta ta dzaʼa ni ta kəma ta kəma.

Mata 12:35

Ŋərma mndu ná, ma tsa ŋərma skwiha ma ŋuɗufa ni ya ta kligista tsi ta skwi ɗina. Ghwaɗaka mndu guli ná, ma tsa ghwaɗaka skwiha ma ŋuɗufa ni ya ta kligista tsi ta ghwaɗaka skwi.

Mata 28:20

Ka taghanafta kuni ta həŋ ta snatá inda skwiha ya mnaghunaf yu. Ya wana yu kawadaga nda kaghuni ha kɗavakta ghəŋa haɗik, » kaʼa.

Mata 7:21

« Inda gwal ta mnay kazlay: Mghama ɗa, Mghama ɗa! kəʼa a dzaʼa lami da ga mghama ɗa wa. Ba mndu ya ta maga skwi ta kum Da ɗa ta nzakway ta luwa kweŋkweŋ dzaʼa lami.

Mata 7:24

« Mantsa tama, dər wati ma mndu ta snaŋtá na gwaɗa ta mnə yu na, ka ksa slna nda tsi, dzaʼa nzakway tsa mndu ya ka gragra nda sana mndu nda hiɗa ta baftá həga ni ta kutumba.

Lukwa 11:28

« Katək ná, rfu da mndu ta fata sləməŋ ka sna gwaɗa Lazglafta, ka ksa slna nda tsi, » ka Yesu nda tsi.

Yuhwana 13:17

Ka nda sna kuni ta tsaya, dzaʼa rfu kuni kata magay kuni ta slna nda tsi.

Yuhwana 14:21

« Ka ŋana ŋa mndu ta zlahuha ɗa ka snata, tsaya mndu ta ɗvutá iʼi. Dzaʼa ɗvu ɗva Da ɗa ta tsa mndu ta ɗvutá iʼi ya. Iʼi guli dzaʼa ɗvu ɗva yu ŋa maranaŋta ɗa ta nzakwa ɗa, » kaʼa.

Afisus 4:29

Yaha ŋaslu da sabi ma wa ghuni. Gwaɗa vla mbraku ma zlghay nda ŋuɗuf ŋa sanlaha katsi sabi ma wa ghuni. Gwaɗa ksay sləməŋ ka kuni gwaɗay, ŋa kataŋtá sanlaha.

Vrafta ta zlahu 29:8

Ka ŋanata kuni ta gwaɗaha tsa dzratá wi ya, ka maga kuni ta slna nda tsi, kada ŋwakwa inda skwi dzaʼa kuni magay.

Vrafta ta zlahu 29:9

Gita, wana kuni demdem ta sladu ta kəma Yawe, Lazglafta ghuni: Maliha ma mndəra mndu, nda la galata mnduha ghuni, nda mghamha ghuni, nda gwal ta nghapta ka kaghuni, nda inda zgwana la Israʼila,

Vrafta ta zlahu 30:14

Katək ná, ndusu ndusa tsa gwaɗa ya nda kaghuni, ma wubisima ghuni nda ya ma ŋuɗufa ghuni, kada laviŋta kuni ta maga slna nda tsi. »

Vrafta ta zlahu 31:24

Manda kɗiŋta Musa ta vindaftá deftera tsa gwaɗaha zlahu ya nekwnekw,

Vrafta ta zlahu 5:1

Ka hgafta Musa ta inda la Israʼila. Kaʼa nda həŋ mantsa: « La Israʼila, snawa ta na zlahuha, nda tva skwiha ŋa magay ta mnaghunata yu ta wa sləməŋa ghuni gita na. Ka tagha kuni, ka ŋanata kuni ɗina ŋa maga slna nda tsi.

Vrafta ta zlahu 5:29

Ka si má da nza nza tsa ŋuɗufa taŋ ya mantsa, ŋa zləŋay taŋ ta iʼi, ka ŋanata taŋ inda fitik ta inda zlahuha ɗa, kada nzata həŋ nda zwana taŋ ləŋləŋ ŋa ɗekɗek.

Vrafta ta zlahu 5:32

Ka ŋavata kuni tama ka maga skwi manda va ya mnaghunaf Yawe, Lazglafta ghuni. Yaha kuni da mbəɗaghutá vgha dər nda ga zeghwi, dər nda ga zlaɓa.

Kwalus 3:16

Ka nzam nza gwaɗa Kristi mataba ghuni gerger. Mnuvuswa mna ta gwaɗa mataba ghuni, vluvuswavla ta hiɗaku sani ŋa sani nda kɗavakta hiɗaku. Fawa laha ŋa Lazglafta ma hya hya ŋuɗufa ghuni nda rfu, ka zləzlva kuni, ka ghuba kuni nda inda laha ta vlaghunata Sulkum.

Yəhusuwa 1:7

Mbray kagha ta vgha, ka ŋavata gha kahwathwata kweŋkweŋ ŋa gha, ŋa ŋanatá inda tagha skwi ya mnaghaf kwalva ɗa Musa. Yaha ka da mbəɗaghutá vgha dər nda ga zeghwi, dər nda ga zlaɓa, kada dzaʼa ka ta kəma ta kəma ma inda vli ta dzaʼa ka.

Yəhusuwa 8:34

Ta hula tsa, ka dzaŋaftá Yəhusuwa ta inda gwaɗa ya vindaf lu ma ɗelewera zlahu, nda gwaɗa tfa wi tani, nda gwaɗa ksiʼi tani.

Suna Yuhwana 22:14

Nda tfa wi ta ghəŋa gwal ta ghuɓaptá lguta taŋ. Hahəŋ gwal dzaʼa mutsaftá laviŋta za yakwa fwa hafu, nda lami nda ta wa tgha tsa luwa ya.