Hebru 13:17 - Hdi

¹⁷ Snawa sna ta gwaɗa da maliha ghuni, ka sna kuni ta skwi ta mnaghunata həŋ. Hahəŋ ta nghapta ka hafa ghuni, kabga dzaʼa zlghay həŋ ta wa ni da Lazglafta. Snawa sna ta gwaɗa da həŋ, ya dzaʼa kəl həŋ ka maga slna taŋ nda rfu, nda ŋa ɗa ghəŋ a wa. Ka nda ŋa ɗa ghəŋ tsi ná, kataghunaftá a tsa wa.

Hebru 13:17 Kruisverwysings

Zlrafta 16:9

Ka duhwala Yawe nda tsi mantsa: « Vra da maŋahəga gha, ka sna ka ta gwaɗa da tsi, » kaʼa.

Sabi 32:31

Ka vradaftá Musa slanaghatá Yawe. Kaʼa mantsa: « Ay kakaɗawna! Maga maga tsa mnduha ya ta mghama dmaku. Tsaf tsa həŋ ŋa ghəŋa taŋ ta lazglaftaha ka dasu.

Lukwa 16:2

Ka hgaŋtá tsi. Kaʼa nda tsi mantsa: “Waká ka ta magay ka lu ta snə yu ya na? Mniha mna ká ka ta maga slna gha. Ndanana na, nzəglanaghata a ka ta ghəŋa huzla ɗa wa,” kaʼa nda tsi.

Slna gwal ghunay 20:28

Nghawa ngha ta ghəŋa ghuni, nghawa ta inda bra ya vlaghuna Sulkum nda ghuɓa ŋa nghay guli. Nghawa ngha ta Igliza Lazglafta ya mutsanak tsi ta ghəŋa ni nda usa zwaŋa ni.

La Ruma 14:12

Mantsa ya tama ná, inda amu dzaʼa mnay mu nda wa mu ta skwi ya maga mu ŋa Lazglafta.

1Kwa 16:16

Snawa sna ta gwaɗa da mndərga tsa mnduha ya, nda ya da inda gwal ta maga mndərga tsa ŋa ni slna ya kəʼa.

Afisus 5:21

Hanaganawa hana ta ghəŋa ghuni mista sani nda sani, kabga ta zləŋay kaghuni ta *Kristi.

Filip 1:4

Inda fitika magay ɗa ta duʼa da Lazglafta ta ghəŋa kaghuni ya ná, waɗah ŋuɗufa ɗa.

Filip 2:12

Zwana ma ɗa gwal ta ɗvu yu nda ŋuɗufa ɗa, ya wya nda sna kuni ka *Yesu hanaganatá ghəŋa ni mista Lazglafta ya, hanaganawa hana kaghuni guli ta ghəŋa ghuni mista ni. Ma fitika nzakwa mu kawadaga ná, si ta snay kuni ta gwaɗa ni. Magawa maga manda va tsaya daga ndanana dər haɗ yu kawadaga nda kaghuni. Kawadaga nda zləŋa Lazglafta, magawa maga kaghuni guli ta slna nda tsa mbaku vlaghuna lu ya.

Filip 2:16

ka vlaŋta kuni ta gwaɗa hafu ta həŋ. Ka maga maga kuni mantsa, dzaʼa rfu yu baɗu vragata Yesu *Kristi, kabga nzata a tsa slna ŋava yu ta magata ya ka bətbət wa.

Filip 2:29

Ka ɓhadapɓha tsi ya, ka zlghafta kuni ɗina, ka rfa kuni ta rfu, kabga zwana ma kuni ta tva Mghama mu Yesu. Vlaŋwa glaku ta mndərga tsaha ya ma mndu.

Filip 3:18

Nda ndəgha gwal ta nzakway ka ghuma mtatá Kristi ta udza zləŋay, ka yu si ta gɗata ta mnay ŋa ghuni. Tata kɗaŋ kɗa yu ta mnay guli ŋa ghuni ta nda va nana nda taw nda taw.

Filip 4:1

Zwana ma ɗa gwal ɗvu yu nda ŋuɗufa ɗa, mamaya ghuni ta ksihata, ta kumay yu ta nghəglaŋtá kaghuni. Ta kaghuni ta ghərɓa yu ta ghərɓaku, ta kaghuni ta rka yu ta rka. Ka si mantsa tsi tama zwana ma, nzafwanza ta Mgham manda va ya taghaghunaf yu.

2Tes 3:14

Ka haɗ yu ta sna tsa gwaɗa vindaf lu ya wu, ka mndu katsi, mnanaŋwa mnduha demdem, ka dgaghuta kuni ta vgha nda tsi, ŋa ksafta ni ka hula.

1Tim 5:17

La galata mndu ta ksa slna ɗina mataba *Igliz ná, ɗina ka vla glaku dagala ŋa taŋ. Katkatatani gwal ta mna gwaɗa, nda gwal ta tagha skwi ŋa mnduha.

Hebru 13:24

Ka ganaghata kuni ta zgu ta maliha ghuni demdem, nda inda mnduha Lazglafta tani. Ta ga zgu zwana ma ma luwa Italiya ŋa ghuni.

Hebru 13:7

Havakwa maliha ghuni, gwal ta mnaghunatá gwaɗa Lazglafta. Havakwahava ká həŋ nzakwagapta, nda ya ká həŋ mtaku. Ka kla kuni ta saɗa zlghay nda ŋuɗufa taŋ.

Yakubu 4:7

Hanaganawa hana ta ghəŋa ghuni ŋa Lazglafta, ka pgha kuni ta ghəŋ nda halaway ŋa hwayaghuta ni diʼiŋ nda kaghuni.

1 Piyer 5:5

Kaghuni guli duhwalha, hanaganawa ghəŋ mista la galata mndu ta ngha Igliz. Kaghuni demdem nzawa nza nda hanatá ghəŋ ma gwaya vgha ghuni, kabga « zɗəgana a gwal ta gla ghəŋ ta Lazglafta wu, ama ta zɗanaŋ zɗa ta huɗi ta gwal ta hanaganatá ghəŋ. »

1Sam 8:19

Ka kwalaghutá həŋ ta sna gwaɗa Samuyel. « Kaya! Mgham ta kum aŋni,