Hebru 1:3 - Hdi

³ Tsa Zwaŋ ya ta mara glakwa Lazglafta. Manda va nzakwa Lazglafta ya ná, manda va tsaya nzakwa tsatsi guli. Nda ma mbrakwa gwaɗa ni ŋanata tsi ta inda skwi ta ghəŋa haɗik. Tahula kɗiŋta ni ta magatá slna ghuɓiŋtá dmakwa mnduha, ka nzatá tsi ta luwa nda ga zeghwa Lazglafta ya ta ga mgham ta ghəŋa inda skwi.

Hebru 1:3 Kruisverwysings

1Rus 29:11

Yawe, ŋa kagha glaku, nda mbraku, nda wuɗaku, nda ghubu, nda tsuwaɗak, kabga ŋa gha inda skwiha ta luwa nda ya ta haɗik. Yawe, gá mgham ná, ŋa gha ya, hem kagha ta ghəŋa inda skwiha.

La Levi 15:15

Dzaʼa vla vla mnda dra skwi ŋa Lazglafta ta ya turtuk ka skwa pla ghəŋ ŋa ɗawa pla dmaku, sani guli ka skwa pla ghəŋ ŋa dray tsuh tsuh. Mantsa ya dzaʼa slərɓanapta mnda dra skwi ŋa Lazglafta ta zughu ta kəma Yawe, dabga tsa mbəzakwa vgha ni ya.

Mata 22:24

Ka həŋ nda Yesu mantsa: « Mghama ɗa, ka Musa na: “Ka mtu mta mndu ta kul yatá tsi ta zwaŋ katsi, klay zwaŋama ni ta tsa wadga ni ya ka markwa taŋ ŋa yanatani ta zivir ta tsa zwaŋama ni ta mtuta ya,” kaʼa.

Markus 16:19

Tahula mnanata Mgham *Yesu ta tsa gwaɗa ya ta həŋ, ka klaghatá Lazglafta ta luwa, ka nzanatá tsi nda ga zeghwa ni.

Yuhwana 1:14

Tsa gwaɗa mnə lu ya kay ná, ka mbəɗavaftá tsi ka mndu, ka nzata mataba mu. Nda ndəgha nda zɗakatahuɗi, nda kahwathwata. Nda ngha mu ta glakwa ni, glakwa zwaŋ turtuktuk ghunaf Da ya. Zɗakatahuɗa ni nda kahwathwata ni katakata ya.

Yuhwana 1:29

Ga mahtsima ni ka nghə Yuhwana ta *Yesu ta sagha da tsi. « Wana zwaŋa tuwaka Lazglafta ta klaghutá dmakwa mnduha.

Yuhwana 1:4

Ma tsatsi zlrafta hafu. Tsa hafu ya ta nzakway ka tsuwaɗaka mnduha.

Slna gwal ghunay 2:33

Ka kapanaftá Lazglafta ka nzanata nda ga zeghwa ni. Ka zlghafta tsi da Da ta tsa Sulkum nda ghuɓa tamaf lu ta imi ta sləməŋ ya, ka pghaŋnaghatá tsi. Tsaya skwi ta nghə kuni nda ya ta snə kuni ndanana ya.

Slna gwal ghunay 7:56

Kaʼa nda həŋ kay guli mantsa: « Wana nda ngha yu ta gunatá luwa. Waʼa *Zwaŋa mndu ta sladu nda ga zeghwa Lazglafta, » kaʼa.

La Ruma 1:16

Ksa a hula ta iʼi ka mna *Lfiɗa Gwaɗa ŋa mnduha wa. Tsa Lfiɗa Gwaɗa ya ná, mamu mbrakwa Lazglafta mida ŋa mba inda mndu ta zlghafta. Ŋa zlrafta nda la *Yahuda karaku, tahula tsa ŋa kɗay nda la *Grek.

La Ruma 8:34

Wa ya dzaʼa laviŋta ksutá həŋ ma guma na? *Yesu *Kristi ná, mtu mta. Ta nzaku nda ga zeghwa Lazglafta, ta maga duʼa da manaka amu.

2Kwa 4:4

Sna a həŋ ta na Lfiɗa Gwaɗa ta mnə aŋni na wu, kabga hanaf ha Lazglafta na ghəŋa haɗik na ta ŋuɗufa taŋ, ŋa kwala taŋ kul nghaŋtá tsa tsuwaɗak ta tsuwaɗaka həŋ, ta sabi ma Lfiɗa Gwaɗa ta ghəŋa glakwa *Yesu *Kristi ya. Tsa Yesu Kristi ya ná, ka guram nda Lazglafta.

Kwalus 3:1

Kawadaga nda Kristi sliʼagapta kuni ma mtaku. Zabawazaba tama ta skwiha ya ta luwa, ma vli ya nza Kristi nda ga zeghwa Lazglafta ya.

Titus 2:14

ta vlatá ghəŋa ni ka mtuta ma vla mu ŋa varagamapta ma dmakwa mu, ŋa nzakwa mu ka gwal nda ghuɓa ta kəma ni, kada nuta mu ka mnduha ni ta mama maga ŋərma slnaha inda fitik.

Hebru 1:13

Ta walaŋ a Lazglafta ta mnanatá ya dər turtuk mataba duhwalha ni kazlay: « Sawi nzata nda ga zeghwa ɗa, dzaʼa pgha pgha yu ta ghumaha gha ŋa nzakwa taŋ ka skwata pgha səlaha gha » kəʼa wa.

Hebru 10:12

Ama Yesu Kristi ná, turtuktuk vlata tsatsi ta ghəŋa ni ŋa pla ghəŋ ŋa hərɗiŋta ɗekɗek ta dmakwa mnduha. Tahula tsa, ka nzatá tsi nda ga zeghwa Lazglafta.

Hebru 12:2

Ka fafta mu ta iri ta *Yesu ya ta tahamatá zlghay nda ŋuɗuf, tsatsi guli dzaʼa ɓhadamaghata da vla dzatá ghəŋa ni. Tsatsi ta tsuʼaftá mtuta ni ta udza zləŋay. Ksa a ka hula nda mndərga tsa mtaku ya wu, kabga nda fa ghəŋa ni ta rfu ya payana Lazglafta. Ndana tama, nda ga zeghwa Lazglafta ta nzakwa tsi.

Hebru 4:14

Tsəhala mamu mu nda mali ta ghəŋa gwal ta dra skwi ŋa Lazglafta ta hemanata, ta nzakway ka *Yesu Zwaŋa Lazglafta, ta ɓhadafta ta luwa da Lazglafta ya, sladafma slada dar ta zlghay nda ŋuɗufa mu.

Hebru 7:27

Nza a tsatsi manda hamata sanlaha ma la mali ta ghəŋa gwal ksa slna Lazglafta wa. Zba a tsatsi ta pla ghəŋ inda fitik ŋa ghəŋa ni, nda ya ŋa hamata mnduha guli wa. Turtuktuk plata tsatsi ta ghəŋ ma vlata ni ta ghəŋa ni.

Hebru 8:1

Wya mala dughwaŋa skwi ta mnə ŋni: Mamu mu nda mali ta ghəŋa gwal dra skwi ŋa Lazglafta. Tsatsi ná, ta luwa ta nzakwa tsatsi nda ga zeghwa dughurukwa Lazglafta.

Hebru 9:16

Ka fa fa mndu ta sləkaɗa ni ná, ba graftá mtatá tsa mndu ta fatá sləkaɗa ni ya kada dga tsa skwa ni fa tsi ka sləkaɗa ni ya.

Hebru 9:26

Ka má mantsa tsi ná, má mbəɗava a fitika ghuyay ni ta ɗaŋwa daga ka yawu zlagapta ghəŋa haɗik wa. Turtuktuk səla zlagapta tsatsi ma na kɗavakta fitik na. Ka vlaŋtá tsi ta ghəŋa ni ta Lazglafta ŋa hərɗiŋtá dmakwa mu ɗekɗek.

1 Piyer 1:21

Nda ma tsatsi zlghafta kuni ta Lazglafta ya ta sliʼaganapta ma mtaku mataba gwal nda rwa, ka vlaŋtá glaku. Tsaya kəl kuni ka zlghafta, ka faftá ghəŋa ghuni ta Lazglafta.

1 Piyer 3:22

Vraghu vra Yesu Kristi ta luwa, ta nzaku nda ga zeghwa Lazglafta, ta ga mgham ta ghəŋa duhwalha Lazglafta, nda inda sanlaha ma skwiha nda mbra nda mbra.

2 Piyer 1:16

Ma fitika mnaghunata ŋni ta saha dzaʼa saha *Yesu *Kristi ma mbrakwa ni ná, prukutunzum ya gi ta tsaʼata mnduha ma ghəŋa taŋ a mnaghuna ŋni wu, ama skwi ghada aŋni ta nghaŋtá mbrakwa ni nda ira ŋni ya mnaghuna ŋni.

2 Piyer 1:17

Ma fitika mutsafta ni ta sgit, nda glaku da Lazglafta ta nzakway ka Da ná, hada aŋni. Nda sna aŋni nda sləməŋa ŋni ta mnə Lazglafta ya ta hemanatá inda skwi kazlay: Nana na zwaŋa ɗa ya ɗvu yu ta zɗəgihata katakata kəʼa.

1 Yuhwana 1:7

Ala ka si ta mbaɗ ma tsuwaɗak mu ta mbaɗa manda nzakwa Lazglafta ma tsuwaɗak ya, nda guya ghəŋa mu sani nda sani nda tsa ŋa ghuɓimista usa *Yesu Zwaŋa Lazglafta ta inda dmakuha mu.

1 Yuhwana 3:5

Wya nda sna kaghuni kazlay: Sasa Yesu Kristi ta ghəŋa haɗik da klaghutá dmakwa mnduha kəʼa. Tsatsi ná, haɗ dmaku ɗekɗek tida wa.

Yuda 1:25

Ŋa Lazglafta turtukwa ni ya ta mbamafta nda ma *Yesu *Kristi Mghama mu ga mgham, nda mbraku, nda glaku, daga manda ghalya nda ya ndanana ha ŋa kɗekedzeŋ. *Amin.

Suna Yuhwana 3:21

« Mndu ya dzaʼa zata ghwa, dzaʼa nzanafnza yu kawadaga nda iʼi ta dughurukwa ɗa, manda va ya za iʼi ta ghwa ka nzaftá yu kawadaga nda Da ɗa ta dughurukwa ni ya.

Suna Yuhwana 4:11

« Mghama ŋni, Lazglafta ŋni, kagha ta zlaganaptá inda skwi. Manda ya ɗvaf ka zlaganapta ka ta həŋ, Ka gi nzaku həŋ. Tsaya tama kəl tsi ka nzakway ka skwi nda ra ka vlaghata glaku, nda zləzlvu. Ŋa gha mbraku guli, » ka həŋ.