Nyɛ̀nɛ̀ŋ 8:4 - WƆŊ FƐ̀Ì EBÒ SÌÀŊ DAYÀA

⁴ Anyuùŋ hààwe nyàŋ naŋ wa ɓààyè maŋ tàta màŋ sùà nyaŋ, naŋ kɔ̀ koɓɛ̀ gbiŋ àŋ yaà wòò ke mìè gbìàŋ Ebò Siaàŋ.

Nyɛ̀nɛ̀ŋ 8:4 Kruisverwysings

Maafiù 10:23

Yèè sèè anyùùŋ aiŋ nimilà ko jàwà ɗì guùŋ, dùaàŋ niŋ ka ko jawa joo. Yèè tɔ̀ miŋ woòiŋ e tɔɔɓaaà kɛ̀, niŋ naàŋ kpɛ̀ɛ̀yɛ̀ è tòmoiŋ nɛ̀ màŋ jawa màŋ gbiŋ wɔ̀ŋ fùɔ̀ŋ Ezɔ̀ɛ̀ɔ sùà paŋgàà miàim wò Jɔ̀àfèlàà Nyuùŋ Kpùnɔɔ̀ŋ mìŋ hnàŋ.

Luù 1:2

Aŋ ɓɔìjɔ̀à bi naŋ wa tomo wèè wo Dayà, nààŋ àŋ naŋ wa kàà anyùùŋ ke miè gbìaàŋ e nyaàiŋ dè wo Kanaà Jisɛ̀. Anyùùŋ nyaŋ zimgbe nyiŋ naŋ wa kòmò e nɛ̀ɛŋ àŋ naŋ nyiŋ wa kaà lɛ, naŋ sìngè maŋ keì maŋ wo Jisɛ̀ naŋ nyɛ̀nɛ̀ŋ weè wi e yìwìà e teengaà wò naŋ wa tɔ̀ɔ̀tù e tòmouŋ nɛ̀ lɛ.

Nyɛ̀nɛ̀ŋ 11:19

Kpeiŋ kɛ̀ anyùùŋ màŋjɛ̀wɛ̀ Kanaà naŋ wa ɓààyè maŋ tàta màŋ sùà esàɓù e kèì nimilàa naŋ wa tɔɔtù e teengaà àŋ naŋ wa jìwè wo Siiwììŋ lɛ. Àŋ naŋ wa kɔ̀ ko Fònisìà, ko Sapulɔ̀, yèè ko Aŋtiɔ̀. Kɛɛ aŋ Juùù nyaŋ nɔŋ àŋ naŋ wa kìɛ̀ŋ ke miè gbìaàŋ.

Nyɛ̀nɛ̀ŋ 15:35

Wo Pɔɔ̀ yaà wo Bànaŋɓà naŋ jòò ko Aŋtiɔ̀ wèè e teenga kpàa bà, yèè nyiŋ e kpùlìà anyuùŋ zimgbe bà yaà wa kaa yèè àŋ yaà wòò ke mìè gbìàŋ Ebò Siaàŋ e nyaàiŋ dè wo Kanaà.

Nyɛ̀nɛ̀ŋ 8:1

Wo Sɔɔ̀ naŋ wa nyimèè wèè aŋ jìwà wo Siiwììŋ. Ke ɗɔ̀ɔ̀ guùŋ bi diɛŋ ke gbòò anyuùŋ hààwe nyàŋ naŋ wa tɔ̀ɔ̀tù e nimilà kùwa ko Jùlusɛ̀làm. Anyuùŋ hààwe nyàŋ gbiŋ, eɓìèmaŋjɛ̀wɛ̀ aŋ keela tàeɗùù nyaŋ, naŋ wa dùɔ̀ŋ aŋ ɓààyè maŋ tàta màŋ sùà wɔŋ fùɔ̀ŋ Jùdiàa sùà yèè ko Sàmilià.

Nyɛ̀nɛ̀ŋ 8:12

Kɛɛ nààŋ àŋ naŋ wa hààwè wo Felè nààŋ wò naŋ nyiŋ wòò Ebò Siaàŋ nyaàiŋ dè e Kànà Dayàa yèè e dèè Jisɛ̀ Kulaìɛ, aŋ jɔùŋ yèè felaa naŋ wa nɔ̀ŋ gùa nyiŋ.

1Tɛsè 2:2

Nàŋ nyìmàŋ e ɗeweɛ̀ àŋ naŋ wi kùwìè le siwè naanààŋ aŋ wi pɔ̀ɔ̀ɓɛ̀ɛ ko Fèlepì pangàà è naŋ hnè nɛ̀ɛ̀iŋ niìŋ ko Tɛsèlonikà. Jòòpɛɛ aŋ joo wi yaào, kɛɛ wo Dayà wiɔ̀ naŋ wi sìè ke di wèè eiŋ dàànè Ebò Siaàŋ e yèɛ yewe ko nɛ̀ɛ̀uŋ niìŋ lɛ.