Nyɛ̀nɛ̀ŋ 22:3 - WƆŊ FƐ̀Ì EBÒ SÌÀŊ DAYÀA

³ Wo Pɔɔ̀ naŋ woò wààŋ, “Mìŋ yaà wo Juùù nyuuŋ, yèè àŋ naim wa kùmìè ko jawa gbeeì ko Tasɔ̀ wɔŋ fùɔ̀ŋ Sèlesìàa sùà. Kɛɛ kià ko Jùlusɛ̀làm mìŋ naŋ dɛɛkɛ̀, yèè mìŋ yaà wa wo kààjɔa e yìwìà ko gbòòkùàŋ Gàmaliàa. Yèè àŋ naim wa kaà wèè ka jɔ̀ɔ̀lɔ̀ maŋ sàwà aŋ nèwàènèwe wi nyàŋ gbiŋ dìì. Yèè ngèè mìŋ yaà wa e wànàŋ zimgbe sùà wèè ka jɔ̀ɔ̀lɔ̀ wo Dayà dìì mààŋ nyɛ̀iŋ nààŋ bà gbiŋ nàaŋ ɗɔɔ yɛɛ̀.

Nyɛ̀nɛ̀ŋ 22:3 Kruisverwysings

Luù 10:39

Wo Mààta kuwa wa wo nanàŋ nyùùŋ àŋ nyàaùŋ wo Mèèle, wò naŋ kɔ̀ wo jɛ̀ì wo Kanaà Jisɛ̀ gòlòò dìì wèè wo kumiàŋ e nɛ̀ɛŋ wò yaà wa kaa lɛ̀.

Luù 2:46

Maŋ ɗɔ̀ɔ̀ tìyèe wɔŋ taaiɔ̀ sùà, àŋ naŋ mɛ̀ɛ̀ŋ wo Jisɛ̀ wò jaa ko Saaŋ Zòòlò Dayài yaà kààmɔ̀ɔ̀ŋ maŋ Sàwà Dayà nyaŋ, wò yaà kùmìè e yèɛ àŋ yaà woo lɛ̀ yèè wò yaà nyiìŋ gbìàŋ sùà maŋ màaŋdàwè.

Luù 8:35

Anyùùŋ nyaŋ naŋ wa kɔ̀ wèè aŋ yɛmɛ̀ e nɛ̀ɛŋ naŋ kaaìŋ lɛ. Nààŋ àŋ naŋ wa hnè koɓɛ̀ Jisɛ̀i, àŋ naŋ wa yɛ̀mɛ̀ wo felaaà aŋ jinàŋ naanààŋ nyaŋ naŋ wa naàŋ fòlò ko sùà wɔ, wò jaa wo Jisɛ̀ gòlòò dìì. Wò naŋ wa gɔ̀àì maŋ dèè e kìlà e jiikɛ̀ɛuŋ nɛ̀ gbiŋ naŋ kpɛɛlɛ̀, kɛɛ e jùù naŋ wa nyɛ̀nɛ̀ŋ anyùùŋ nyaŋ gbiŋ.

Nyɛ̀nɛ̀ŋ 11:25

Yèè wo Bànaŋɓà naŋ kɔ̀ ko Tasɔ̀ ko kààmè wo Sɔɔ̀.

Nyɛ̀nɛ̀ŋ 15:23

E mìè nyààŋ wɔŋ fɛiɔ̀ àŋ naŋ wa sìngè wɔŋ naŋ woò wààŋ, “Yàwi, aŋ wùìya nyàŋ, aŋ keela tàeɗùù nyaŋ yaà aŋ màmànkùmɛ̀ŋ anyuùŋ hààwe nyàŋ, naŋ tùɔ̀ŋ e zùùmò e mɔ̀ɔ̀nɔŋ koɓɛ̀ nyɛ̀iŋ nyàŋ kinɛiŋ naŋ kìlè koɓɛ̀ wo Kanaà Dayà nyaŋ, kɛɛ niŋ fè àŋ Juùù nyuuŋ nyàŋ ko Aŋtiɔ̀, ko Siilià, yèè ko Sèlesìà.

Nyɛ̀nɛ̀ŋ 15:41

Yèè àŋ naŋ kɔ̀ɛ̀ wɔŋ fùɔ̀ŋ Siilìàa yaà ko Sèlesìà, àŋ yaà nyììne sùà ke gbòò anyuùŋ hààwe nyàŋ maŋ jii e nyaàiŋ dè wo Jisɛ̀.

Nyɛ̀nɛ̀ŋ 21:20

Anyùùŋ nyaŋ gbiŋ naŋ wa kòmò e nɛ̀ɛŋ wo Pɔɔ̀ naŋ woò lɛ naŋ wa tɛ̀nɛ̀ŋ wo Dayà yèè àŋ naŋ wòò wo Pɔɔ̀ nyààŋ, “Wùìya wiɔ̀, màŋ yɛ̀mɛ̀ anyuùŋ taasùùŋ jika nyàŋ kinɛiŋ aŋ Juùù nyaŋ sùà naŋ hààwè Kanaà Jisɛ̀ nyaŋ. Aŋ gbiŋ yaà e wànàŋ sùà wèè aŋ jɔ̀ɔ̀lɔ̀ maŋ Sàwà Dayà maŋ dìì.

Nyɛ̀nɛ̀ŋ 21:39

Wo Pɔɔ̀ naŋ fasàì wààŋ, “Kpele! Mìŋ yaà wo Juùù nyuuŋ, àŋ naim kùmìè ko Tasɔ̀, ko jawa gbee kɛnɛì bà guùŋ wɔŋ fùɔ̀ŋ Sèlesìàa. Kɔ̀nɛɛ̀ŋ tɔ̀ miŋ gbòà koɓɛ̀ anyùùŋ nyɛɛ̀ŋ.”

Nyɛ̀nɛ̀ŋ 23:34

Wo kanaà naŋ kpɛ̀nɛ̀ŋ wɔŋ fɛiɔ̀, yèè wò naŋ dàwè wo Pɔɔ̀ kɛ̀ fuɔɔ̀ŋ kòò wuŋ wò yewe, yèè wo Pɔɔ̀ nauŋ woò wààŋ wò yewe ko Sèlesìà.

Nyɛ̀nɛ̀ŋ 23:6

Nààŋ wo Pɔɔ̀ naŋ wa yɛmɛ̀ kɛ̀ ke gbòò anyùùŋ gbèègbèè aŋ Juùù nyaŋ naŋ wa dìè aŋ Sadusiì yèè aŋ Fɛlosiì, wò naŋ kpààŋ sɛiŋ wààŋ, “Nyɛ̀iŋ nààŋ wùìyaim nyàŋ, mìŋ yaà wo Fɛlosiì yèè wo jɔ̀à kòmàŋ wo Fɛlosiì. Mìŋ yaà kɔ̀ɔ̀yɛ̀ e gbài dìì esaɓù kɛ̀ mìŋ kuwa ke jii tùlia kɛ̀ anyuùŋ fàa nyàŋ do ɓɛìŋ nàŋ yèwè e fàaà dìì.”

Nyɛ̀nɛ̀ŋ 26:5

Àŋ nyìmàŋ wèè e teenga mùnlaŋ bà naàŋ, sèè àŋ nyimààŋ weè wèè aŋ kìɛ̀ŋ ke mìè seì weèim kɛ̀ mìŋ naŋ nyìnìè wɔŋ nyiiŋ gèe miɔ̀ŋ yèè mìŋ naŋ nɔ̀ŋ wo bàimbà wèè ke gbòò aŋ Fɛlosiì nyaŋ naŋ wa kùwò e hààwe wilɛ̀ kpaŋ e nìàŋ ke gbòò bà gbiŋ.

Nyɛ̀nɛ̀ŋ 26:9

“Miàŋ bi mìŋ naŋ wa gongò kɛ̀ sɔɔ̀ ka wa nyɛ̀nɛ̀ŋ e yèɛ gbiŋ mìŋ kuwa wa ka nyɛ̀nɛ̀ŋ lɛ wèè ka pɔ̀ɔ̀pɔ̀ɔ̀ e dèè sìàŋ Jisɛ̀ɛ e yìwìà ko Naazɔ̀ɛ̀.

Nyɛ̀nɛ̀ŋ 5:34

Kɛɛ wo Fɛlosiì bà àŋ nyaaŋ wo Gàmalià, wo kààmɔ̀ɔ̀ŋ maŋ Sàwà Dayàa bà guùŋ, e kìlà anyùùŋ nyaŋ gbiŋ kiɛ̀uŋ wa e ɓɛ̀ɛ̀jàa gbee, naŋ sìè anyùùŋ gbèègbèè fuɔŋ nyàŋ feìŋ, yèè wò naŋ wòò anyuùŋ tùnìàŋ ke Sààŋ Zòòloɛ̀ kɛ̀ aŋ fulià aŋ keela nyàŋ ko jɔɔlèi tòloò,

Nyɛ̀nɛ̀ŋ 6:9

Kɛɛ aŋ felaa bà, aŋ yè nyaŋ yaà wa aŋ bà nyiŋ bà ke sààŋ zòòlò aŋ Juùù nyaŋ dìì wèè Anyuùŋ fòlà ɗo dìì nyaŋ, gò wa jàà wò Siiwììŋ kùàŋ dìì. Aŋ Juùù nyɛɛ̀ŋ naŋ wa nɔ̀ŋ aŋ ɗo, kɛɛ àŋ naŋ wa naàŋ yɛ̀mɛ̀ e tɔ̀ɔ̀nyaàŋ nyiŋ nɛ̀. Aŋ Juùù nyɛɛ̀ŋ bà nyiŋ yaà wa anyùùŋ e yìwìà ko Sàlinìŋ, yaà aŋ Juùù nyuuŋ bà e yìwìà ko Àlèzandilà e hààwè maŋ kpàlàùŋ kpàlàùŋ fùɔ̀ŋ Sèlesìàa yèè ko Eesìà. Anyùùŋ nyɛɛ̀ŋ naŋ wa tɔ̀ɔ̀tù wo Siiwììŋ gììyà maŋhɛɛ.

Nyɛ̀nɛ̀ŋ 9:1

Kɛɛ nààŋ wo Sɔɔ̀ naŋ wa nɔŋ ɗewè e gààŋ wuŋ biɛ̀ sùà wèè wo jìwà anyùùŋ màŋjɛ̀wɛ̀ Kanaà Jisɛ̀ nyaŋ, wò naŋ kɔ̀ koɓɛ̀ wo Kànà Sìèfèìŋ Zòòlo Gbeeɔ̀,

Nyɛ̀nɛ̀ŋ 9:11

Wo Kanaà nauŋ woò wààŋ, “Yewà dìì muŋ ka ko gbòò Juɗài ke dòmaŋ nyìlɛɛ̀ŋ diɛŋ, muŋ dawè wèè wo kenàŋ bà àŋ nyaaŋ wo Sɔɔ̀ e yìwìà ko Tasɔ̀. Mùŋ douŋ nàŋ mɛɛ̀ŋ wò yaà zoolo,

Nyɛ̀nɛ̀ŋ 9:30

Yèè nààŋ anyuùŋ hààwe nyàŋ naŋ tɛɛ̀ kòmò, aŋ naŋ kɔ̀ɔ̀ wo Sɔɔ̀ ko Sesèlià, yèè àŋ nauŋ tùɔ̀ŋ ko Tasɔ̀.

Luùm 11:1

Sèè è nɔ̀ŋ yɛi, kɛ̀ tɔ̀ miŋ dawè, wo Dayà naŋ wa fè anyùùŋ wuŋ bi nyàŋ jɛwɛ? Wo Dayà gò nyiŋ fè jɛwɛ. Yèè ngèè miàŋ bi mìŋ yaà wo nyùnòò Ezɔ̀ɛ̀, e yìwìà ke kpòò Eɓulɔhɛɛ̀ɛŋ sùà, yèè e yìwìà e zìì Bɛ̀njìmaiɛ̀ŋ lɛ̀ sùà.

2 Kɔliìŋ 11:22

Àŋ yaà aŋ Hiɓulù nyuuŋ? Mìŋ yaà wo bà. Àŋ yaà anyùùŋ ko Ezɔ̀ɛ̀? Mìŋ yaà wo bà. Àŋ folo ke kpòò Eɓulɔhɛɛ̀ɛŋ sùà? Yɛi nɔŋ mìŋ yaà.

Gàla 1:14

Mìŋ sia wa aŋ Juùù sèène dàwiim nyàŋ zimgbe nyiŋ feìŋ e kèè Dayà zòòloɛ̀ sùà, yèè mìŋ naŋ wa haamìŋ wèè ka jɔ̀ɔ̀lɔ̀ maŋ sàwà maŋ gbiŋ aŋ nèwàènèwe wi nyàŋ naŋ wi wa kiɛ̀ŋ maŋ dìì.

Gàla 1:21

Eɓìèmàŋjɛ̀wɛ̀ tii, mìŋ naŋ kɔ̀ wɔŋ fùɔ̀ŋ Siilìàa yèè wɔŋ fùɔ̀ŋ Sèlesìà.