Nyɛ̀nɛ̀ŋ 1:8 - WƆŊ FƐ̀Ì EBÒ SÌÀŊ DAYÀA

⁸ Kɛɛ e teengaà wo Jìnàŋ Nɛɛmaàŋ doiŋ nàŋ kìɛ̀ŋ gààŋ lɛ̀, e gààŋ doiŋ nàŋ sɛ̀ɛ̀ sùà, nìŋ do nàŋ nɔ̀ŋ aŋ sèì e kìlà naŋ wòò anyùùŋ kɛ̀ kiìŋ nìŋ naŋ nyìmè e nyaàiŋ eim dè ko Jùlusɛ̀làm, wɔŋ fùɔ̀ŋ Jùdiàa, wɔŋ fùɔ̀ŋ Sàmiliàa yaà maŋ fuɔŋ joo màŋ gbiŋ sùà e ɗuunyaàŋ.”

Nyɛ̀nɛ̀ŋ 1:8 Kruisverwysings

Maafiù 24:14

Eɓìèmàŋjɛ̀wɛ̀ tii, Ebò Siaàŋ e nyaàiŋ dè e Kànà Dayàa, do wa nàwèè nàŋ nɔ̀ŋ ɓààye niŋ koɓɛ̀ anyùùŋ nyaŋ gbiŋ e ɗuunyaàŋ, wèè kɛ̀ maŋ ziì maŋ gbiŋ maŋ fuɔŋ màŋ sùà aŋ niŋ kòmàŋ e kìlà aŋ kiɛ̀ŋ ke mìè seì, kpeiŋ kɛ̀ ɗuunyaàŋ hàì ko dìa.”

Maafiù 28:19

Weètii, kɔ̀àaìŋ koɓɛ̀ anyùùŋ nyaŋ gbiŋ e ɗuunyaàŋ niŋ nyɛ̀nɛ̀ŋ nyiŋ aŋ nɔ̀ŋ anyùùŋ màŋjɛ̀wɛ̀im. Gùaìŋ nyiŋ e dèè Dèdaà diɛŋ, wo Jɔ̀àfelaaà, yèè wo Jìnàŋ Nɛɛmaàŋ,

Luù 1:35

Wo màikàa naŋ fasàì wààŋ, “Wo Jìnàŋ Nɛɛmaàŋ doum nàŋ dèyè diɛŋ, yèè e gààŋ Dayà Gaàŋ Gbeeɔ̀ doum nàŋ ɓùwò. Weètii mùŋ do nàŋ nyààŋ wo jɔ̀à nɛɛmaŋ wɛɛ̀ wo Jɔ̀àfèlàà Dayàa.

Luù 10:19

Kùmiaŋ nìim! Kàiŋ kìɛ̀ŋ gààŋ, wèè naŋ kààìŋ aŋ kàì yèè aŋ lèèmàngbìlà diɛŋ e kìlà wèè naŋ gbùwò e gààŋ wo joo wiɔ̀ Sɛ̀tanàŋ diɛŋ, wo kànà anyùùŋ kàaɓì nyaŋ. E nɛ̀ŋ gbiŋ e naàìŋ nyɛɛmùŋ.

Luù 24:29

Kɛɛ àŋ nauŋ pɔwɔ̀ nyààŋ, “Jawà ko nɛ̀ɛ̀ŋ wiì, esaɓù kɛ̀ e gɔɛɛ̀ naàŋ jùà fùùŋ yèè e dùùmɔɛ yaà naàŋ kuwie.” Yèè wo Jisɛ̀ naŋ jɔ̀ ko saaìŋ wèè wo jàwà ko nɛ̀ɛ̀ŋ nyiŋ niìŋ.

Jɔ̀ɔŋ 15:27

Yèè nyɛ̀iŋ pɛɛ nìŋ do nàŋ nɔ̀ŋ aŋ sèì, esaɓù kɛ̀ èiŋ nɔ̀ŋ koɓɛ̀ guùŋ e yìwìà ko tɔ̀ɔ̀tù maŋ keì mɛɛ̀ŋ gbiŋ.

Nyɛ̀nɛ̀ŋ 1:5

Wo Jɔ̀ɔŋ naŋ wa nɔŋ gùùyè anyùùŋ e wùìyè, kɛɛ maŋ ɗɔɔ kpàa bà sùà, wo Dayà doiŋ nàŋ gùùyè wo Jìnàŋ Nɛɛmaàŋ.”

Nyɛ̀nɛ̀ŋ 13:31

yèè e teenga zimgbe wo Jisɛ̀ naŋ wa fòlò aŋ nyùùŋ màŋjɛ̀wɛ̀uŋ nyàŋ fèìŋ, aŋ yè nyaŋ heuŋ wa kààìŋ maŋjɛ̀wɛ e yìwìà ko Galaliì e kà ko Jùlusɛ̀làm. Kòò àŋ yaà naàŋ kìɛ̀ŋ sùà maŋ mìè seì e nyaàiŋ euŋ dè koɓɛ̀ anyuùŋ wi nyàŋ.

Nyɛ̀nɛ̀ŋ 2:32

Wo Dayà naŋ wa gè wo Kanaà Jisɛ̀ wɛɛ̀ e fàa dìì, yèè yàwi nààŋ gbiŋ è yààìŋ aŋ sèì koɓɛ̀ e tɔ̀ɔ̀nyaàŋ lɛɛ̀.

Nyɛ̀nɛ̀ŋ 22:15

Mùŋ do nàŋ nɔ̀ŋ wo seì e weèuŋ koɓɛ̀ anyuùŋ kpùuŋ nyàŋ gbiŋ wèè e yèɛ mùŋ naŋ yɛmɛ̀ yèè mùŋ naŋ kòmò lɛ.

Nyɛ̀nɛ̀ŋ 3:15

Nìŋ naŋ wa jìwè wo nyùnɔ̀ɔŋ tɔɔ̀ wɔŋ nyiiŋ gèe kɛnɛ wɔ̀, kɛɛ wo Dayà nauŋ wa gè e fàaà dìì wɔŋ nyiiŋ gèeo sùà. Yàwi nààŋ gbiŋ è yààìŋ aŋ sèì koɓɛ̀ e keì lɛɛ̀.

Nyɛ̀nɛ̀ŋ 4:33

E gaàŋ gbee sùà aŋ keela tàeɗùù nyaŋ naŋ wa kìɛ̀ŋ ke mìè seì kɛ̀ wo Kanaà Jisɛ̀ yèwà e fàa dìì wɔŋ nyiiŋ gèeo sùà, e kìlà wo Dayà naŋ wa kìɛ̀ŋ aŋ gbiŋ e keì sìàŋ.

Nyɛ̀nɛ̀ŋ 5:32

Yàwi nàŋ yaà aŋ sèì nyaŋ e kìlà è woàìŋ ke mìè gbìàŋ wo Kanaà Dayà e nyaàiŋ dè e yèɛ wò naŋ nyɛ̀nɛ̀ŋ lɛ yàwi yèè wo Jìnàŋ Nɛɛmaàŋ, wo yèɔ wo Dayà naŋ kìɛ̀ŋ koɓɛ̀ anyùùŋ nyaŋ nyɛnɛŋ e yèɛ wò manaŋ lɛ̀.”

Nyɛ̀nɛ̀ŋ 6:8

Wo Dayà naŋ wa kìɛ̀ŋ wo Siiwììŋ e kpùùmaŋ gbee yaà e gààŋ. Wo Siiwììŋ naŋ wa nyɛ̀nɛ̀ŋ maŋ kèè mèè gbeegbèè yèè maŋ tɔ̀ɔ̀màŋsèì keì anyùùŋ nyaŋ tɛɛ.

Nyɛ̀nɛ̀ŋ 8:1

Wo Sɔɔ̀ naŋ wa nyimèè wèè aŋ jìwà wo Siiwììŋ. Ke ɗɔ̀ɔ̀ guùŋ bi diɛŋ ke gbòò anyuùŋ hààwe nyàŋ naŋ wa tɔ̀ɔ̀tù e nimilà kùwa ko Jùlusɛ̀làm. Anyuùŋ hààwe nyàŋ gbiŋ, eɓìèmaŋjɛ̀wɛ̀ aŋ keela tàeɗùù nyaŋ, naŋ wa dùɔ̀ŋ aŋ ɓààyè maŋ tàta màŋ sùà wɔŋ fùɔ̀ŋ Jùdiàa sùà yèè ko Sàmilià.

Luùm 10:18

Kɛɛ tɔ̀ miŋ dawè weè, è ɓɛ̀nɛ̀ŋ nɔ̀ŋ tɔɔɓaa kɛ̀, anyùùŋ Ezɔ̀ɛ̀ nyaŋ kòò àŋ kòmò wa kè miè gbìaàŋ? Tɔɔɓaa àŋ nyiŋ wa kòmàŋ. Wɔŋ fɛ̀ì Dayàa naŋ woò wààŋ, “Ke miè gbìaàŋ naŋ wa nɔ̀ŋ wòo nyiŋ koɓɛ̀ anyùùŋ fuɔŋ nyàŋ gbiŋ e ɗuunyaàŋ diɛŋ. Maŋ mìè gbòa nyiŋ màŋ naŋ wa hàì ko dìà e dììɛ gbiŋ e ɗuunyaàŋ.”

Luùm 15:19

Tɔɔɓaa, mìŋ doiŋ nàŋ wòò e ɗeweɛ̀ wo Jisɛ̀ Kulaì naŋ wa tɔ̀ɔ̀ e tɔ̀ɔ̀màŋsèì maŋ keì, yèè wò naŋ nyɛ̀nɛ̀ŋ maŋ kèè mèè e yìwìà e gààŋ wo Jìnàŋ Nɛɛmaàŋ sùà. Kà wòò Ebò Siaàŋ e nyaàiŋ euŋ dè e yìwìà ko jawa gbeeì Jùlusɛ̀làm e kà ko Ilekùùm.

Kòlo 1:23

Nìŋ kuwa naŋ jèè hààwe sɛmɛ sùà, e kìlà naŋ bànè ko tɔɔtu siaŋ. Ɓɔ̀ nìŋ dangè nyɛ̀iŋ bi nìŋ do mɛɛmɛ̀ɛ̀ŋ e yìwìà kè jii tùliaà nìŋ naŋ wa yɛmɛ̀ yɛ, e teengaà nìŋ naŋ wa kòmò Ebò Siaàŋ e yìwìà ko àìjɛnɛ̀ŋ lɛ. Wèè esàɓù Ebò Siaŋ lɛɛ̀, miàim Pɔɔ̀, naŋ nɔ̀ŋ wo ɓɔìjɔ̀à tòmo, yèè mìŋ naŋ wa gbòò ke mìè Dayàa koɓɛ̀ anyùùŋ nyaŋ gbiŋ e ɗuunyaàŋ.