Nyɛ̀nɛ̀ŋ 1:16 - WƆŊ FƐ̀Ì EBÒ SÌÀŊ DAYÀA

¹⁶ Wò naŋ woò wààŋ, “Nyɛ̀iŋ nààŋ nyuùŋ hààwe dàwim nyàŋ, e yèɛ wɔŋ fɛ̀ì Dayàa naŋ woò lɛ kuwa e hɛɛnɛ̀ŋ, e yìwìà ko yèi wo Jìnàŋ Nɛɛmaàŋ naŋ wa gbùùyè wo Dèèwe sùà lɛ. Wɔ̀ŋ naŋ wòò e keìɛ wo Juɗà do wa nàŋ nyɛ̀nɛ̀ŋ ko dòmànfeìŋ lɛ, wo yèɔ naŋ wa nɔ̀ŋ wo sìèfèìŋ anyùùŋ nyaŋ naŋ wa kùwò wo Kanaà Jisɛ̀ nyaŋ.

Nyɛ̀nɛ̀ŋ 1:16 Kruisverwysings

Maafiù 26:14

Kpeiŋ wo Juɗà Àkaaliɔ̀, anyùùŋ màŋjɛ̀wɛ̀ zììyà jɛ̀wɛ̀ tìyèe nyàŋ bà guùŋ, naŋ kɔ̀ koɓɛ̀ aŋ kànà sìèfèìŋ zòòlo gbee nyàŋ,

Maafiù 26:47

E gò wa pɛɛ jùà wo Jisɛ̀ nyààŋ nààŋ wo Juɗà, wo nyùùŋ màŋjɛ̀wɛ̀ zììyà jɛ̀wɛ̀ tìyèeɔ̀ bà guùŋ, nao haì. Wò naŋ hìɛ̀ŋ anyuùŋ zimgbe àŋ kuwa maŋ kòyà ɗùà yèè maŋ kuù kpuu kpùù. Aŋ kànà sìèfèìŋ zòòlo gbee nyàŋ, yèè aŋ màmànkùmɛ̀ŋ nyàŋ naŋ nyiŋ wa tùɔ̀ŋ.

Maafiù 26:54

Kɛɛ sèè tii kaaìŋ yɛi weè, kɛ̀ dièsɔa e yèɛ wɔŋ fɛ̀ì Dayàa naŋ woò lɛ do nàŋ hɛɛnɛ̀ŋ, tiŋ zà tɛɛ̀ kuwa e kaaìŋ?”

Maafiù 26:56

Kɛɛ e nɛ̀ɛŋ wɔŋ fɛ̀ì Dayàa naŋ woò lɛ kuwa e hɛɛnɛ̀ŋ nààŋ aŋ wɛ̀ijì nyaŋ naŋ niŋ wa sìngè lɛ.” Kpeiŋ anyùùŋ màŋjɛ̀wɛ̀uŋ nyàŋ gbiŋ nauŋ ɓàà e kɔɔ aŋ dùàŋ auŋ jòà.

Luù 22:47

E gò wa pɛɛ jùà wo Jisɛ̀ nyààŋ nààŋ wo Juɗà, wo nyùùŋ màŋjɛ̀wɛ̀ zììyà jɛ̀wɛ̀ tìyèeɔ̀ bà guùŋ, nao haì. Wo naŋ hìɛ̀ŋ aŋ nyuùŋ zimgbe. Kpeiŋ wò naŋ kɔ̀ wèè wo kpuuwò wo Jisɛ̀.

Jɔ̀ɔŋ 10:35

Èiŋ nyìmàŋ kɛ̀ e yèɛ wɔŋ fɛ̀ì Dayàa naŋ woò lɛ è yaà e tɔ̀ɔ̀nyaàŋ wèè julɔfɔ. Yèè wo Dayà naŋ wa gbòò koɓɛ̀ anyùùŋ nyiiŋ yèè wò naŋ nyiŋ wa nyààŋ aŋ dayà.

Jɔ̀ɔŋ 13:18

“Miŋ fè gbuuye wèè nyɛ̀iŋ nààŋ gbiŋ. Kà nyìmàŋ aŋ yè nyaŋ mìŋ naŋ tàeɗùù nyaŋ. Kɛɛ e nɛ̀ɛŋ wɔŋ fɛ̀ì Dayàa naŋ woò lɛ kuwa e hɛɛnɛ̀ŋ. Wɔ̀ŋ naŋ woò wààŋ, ‘Wo felaaà wo yèɔ yà wuuŋ tìyèe è yaà jììyè e nɛ̀ŋje koɓɛ̀ guùŋ wɔ wò kìlà wo jooim!’

Jɔ̀ɔŋ 17:12

E teengaà yàwi nyiŋ yààìŋ wa koɓɛ̀ guùŋ lɛ, mìŋ naŋ nyiŋ wa yɛ̀mɛ̀ diɛŋ e yìwìà e gààaŋ mùŋ naim wa kiɛ̀ŋ lɛ sùà. Mìŋ naŋ nyiŋ wa gbònò koɓɛ̀ guùŋ, yèè wo bà gbiŋ gò wa go, sɔɔ̀ wò guùŋ, wo jɔ̀àfèlàà wo nyùùŋ maŋ kpèè naanààŋ bà wo yèɔ naŋ wa sɔ̀ dèè wèè wo go wɔ̀. Tɛɛ̀ zà naŋ wa kaaìŋ wèè kɛ̀ e nyɛ̀nɛ̀ŋ e yèɛ wɔŋ fɛ̀ì Dayàa naŋ wa woò lɛ e hɛɛnɛ̀ŋ.

Jɔ̀ɔŋ 19:36

Maŋ keì mɛɛ̀ŋ naŋ wa kaaìŋ wèè e nyɛ̀nɛ̀ŋ e yèɛ wɔŋ fɛ̀ì Dayàa naŋ wa woò lɛ e hɛɛnɛ̀ŋ kɛ̀, “Ke goàuŋ nɛɛ̀ŋ bà guùŋ pɛɛ ke naàŋ wa nàwèè nyime.”

Nyɛ̀nɛ̀ŋ 1:20

Wo Pììlɛ naŋ ɓɛìŋ woò wààŋ, “Esaɓù kɛ̀ è yaà sìnga niŋ wɔŋ fɛ̀ì maŋ nùŋ Dayàa sùà àŋ nyaaŋ Saààm wɔŋ kɛ̀, ‘Tɔ̀ ke sààŋ Juɗàa joo foo nyiŋ, e kìlà wo nyùùŋ gbiŋ ɓɔ̀ wò nɔ̀ŋ nyiŋ dìì.’ È yaà ɓɛìŋ sìnga niŋ kɛ̀, ‘Tɔ̀ wo nyùùŋ bà dè bɛ̀uŋ ko toomouŋ niìŋ ke gboò wiɛ̀ sùà.’

Nyɛ̀nɛ̀ŋ 13:15

Nààŋ anyùùŋ nyaŋ naŋ kpɛ̀ɛ̀yɛ̀ maŋ sàwà Dayà maŋ yèè maŋ fɛi màŋ aŋ wɛ̀ijì nyaŋ naŋ sìngè maŋ kpɛ̀nɛŋ, aŋ sìèfeìŋ nyaŋ ko sààŋ zòòlò aŋ Juùù nyaŋ naŋ tùɔ̀ŋ wo nyùùŋ koɓɛ̀ wo Pɔɔ̀ yaà wo Bànaŋɓà koɓɛ̀i àŋ jaa lɛ̀ yèè wò naŋ nyiŋ woò wààŋ, “Wùìya wi nyàŋ, sèè nìŋ kɛɛnɛ̀ŋ e keì bà gbiŋ wèè naŋ wòò anyùùŋ nyaŋ e yèɛ naŋ nyiŋ ɓɛ̀nɛ̀ŋ kìɛ̀ŋ ke jii nyingè lɛ, nàŋ niŋ ɓɛ̀nɛ̀ŋ wòo.”

Nyɛ̀nɛ̀ŋ 13:38

Nyɛ̀iŋ nààŋ wùìyaim nyàŋ gbiŋ, mìŋ manaŋ wèè naŋ nyìmàŋ kɛ̀, wo Dayà juuyàìŋ hakɛ̀ wèè maŋ jùumùiŋ màŋ gbiŋ esàɓù Jisɛ̀ɛ sùà. Maŋ Sàwà maŋ wo Dayà naŋ wa fè wo Mòòze màŋ fè ɓɛ̀nɛ̀ŋ gè wò nyùùŋ gbiŋ è nìmìlà màŋ jùumùuŋ màŋ sùà. Kɛɛ wo nyùnɔ̀ɔŋ gbiŋ kuwa hààwe wo Jisɛ̀ sùà wɔ wo Dayà douŋ nàŋ jùùyè hakɛ̀ wèè maŋ tùwo naanààuŋ màŋ.

Nyɛ̀nɛ̀ŋ 15:13

Nààŋ àŋ naŋ kpɛ̀ɛ̀yɛ̀ gbòa, wo Jìiiŋ naŋ nyiŋ woò wààŋ, “Wùìyaim nyàŋ, kùmiaŋ nìim!

Nyɛ̀nɛ̀ŋ 15:7

Nààŋ àŋ naŋ niŋ kpaane kpàànè wèè e teenga mùnlaŋ bà, wo Pììlɛ naŋ sie yèè wò naŋ nyiŋ woò wààŋ, “Wùìyaim nyàŋ, nàŋ nyìmàŋ kɛ̀ wo Dayà naim wa tàeɗùù e teenga gɔu bà sùà wèè ka wòò Ebò Siaàŋ koɓɛ̀ anyùùŋ nyaŋ fè àŋ Juùù nyaŋ. Wo Dayà naŋ wa tɛɛ̀ nyɛ̀nɛ̀ŋ wèè aŋ kòmàŋ niŋ e kìlà aŋ kɛɛnɛ̀ŋ hààwe.

Nyɛ̀nɛ̀ŋ 2:23

Wo Dayà wuŋ bi naŋ wa jàà esaɓù titi ɓula e kìlà wò naŋ kìlè wo Kanaà Jisɛ̀ ko nɛ̀ɛ̀iŋ niìŋ. Kpeiŋ nìŋ nauŋ kùwò yèè nìŋ nauŋ kìɛ̀ŋ koɓɛ̀ anyùùŋ maŋ tùwo naanààŋ wèè aŋ jiwìàuŋ wɔŋ vànèkpaaà diɛŋ.

Nyɛ̀nɛ̀ŋ 2:37

Nààŋ anyùùŋ nyaŋ naŋ wa tɛɛ̀ kòmò, maŋ jii nyiŋ màŋ naŋ wa kpòlòkpòlò sùà yèè àŋ naŋ dàwè wo Pììlɛ yaà aŋ keela tàeɗùù nyaŋ nyààŋ, “Wùìya wi nyàŋ, kiìŋ è naiŋ naàŋ ɓɛ̀nɛ̀ŋ nyɛ̀nɛŋ?”

Nyɛ̀nɛ̀ŋ 22:1

“Nyɛ̀iŋ nààŋ wùìyaim nyàŋ, jàaìŋ maŋ nùŋ dìì ko nɛ̀ɛ̀ŋ miìŋ miŋ gbaì wèè miàŋ bì ko fɛɛ̀fenìiŋ!”

Nyɛ̀nɛ̀ŋ 23:1

Wo Pɔɔ̀ naŋ yɛ̀mɛ̀ anyùùŋ gbèègbèè aŋ Juùù nyaŋ dìiiŋ yèè wò naŋ woò wààŋ, “Wùìyaim nyàŋ, e gòngo mɛ̀ è yaà zɛ̀nɛŋ niŋ janjai e ɗeweɛ̀ mìŋ naŋ nyɛ̀nɛ̀ŋ wɔŋ nyiiŋ gèe siaŋ miɔ̀ŋ wo Dayà fɛɛ̀feìŋ lɛ e jèèsùà e hàì ke ɗɔɔ yɛɛ̀ nàaŋ.”

Nyɛ̀nɛ̀ŋ 23:6

Nààŋ wo Pɔɔ̀ naŋ wa yɛmɛ̀ kɛ̀ ke gbòò anyùùŋ gbèègbèè aŋ Juùù nyaŋ naŋ wa dìè aŋ Sadusiì yèè aŋ Fɛlosiì, wò naŋ kpààŋ sɛiŋ wààŋ, “Nyɛ̀iŋ nààŋ wùìyaim nyàŋ, mìŋ yaà wo Fɛlosiì yèè wo jɔ̀à kòmàŋ wo Fɛlosiì. Mìŋ yaà kɔ̀ɔ̀yɛ̀ e gbài dìì esaɓù kɛ̀ mìŋ kuwa ke jii tùlia kɛ̀ anyuùŋ fàa nyàŋ do ɓɛìŋ nàŋ yèwè e fàaà dìì.”

Nyɛ̀nɛ̀ŋ 28:17

Maŋ ɗɔ̀ɔ̀ taai naŋ màànààŋ è naiŋ hàì ko Luùm, yèè wo Pɔɔ̀ naŋ nyààŋ aŋ ɓɛ̀màŋɗì aŋ Juùù nyaŋ bà wò naŋ nyiŋ woò wààŋ, “Wùìyaim nyàŋ, kòò mìŋ nyɛ̀nɛ̀ŋ wa è keì gbiŋ è do hìàŋ kè jii mɔ̀ɔ̀nɛ̀ŋ kòɓɛ̀ ànyunùim nyàŋ, kòò mìŋ fè màŋ sàwà àŋ nèwàènèwe wi nyàŋ jɛwɛ kè ɗɔ̀ɔ̀ guùŋ pɛɛ. Kɛɛ anyuùŋ wi nyàŋ ko Jùlusɛ̀làm naim kìlè koɓɛ̀ e kànà wɔŋ fùɔ̀ŋ anyùùŋ Luùm nyaŋ e pèesìnàŋ dìì.

Nyɛ̀nɛ̀ŋ 28:25

Nààŋ aŋ gò wa nyimèè nyiŋ wouwòù è fèemàŋ, àŋ naŋ tɔ̀ɔ̀tù kàa. Kɛɛ wo Pɔɔ̀ naŋ nyiŋ tɛɛ̀ woò wààŋ, “Wo Jìnàŋ Nɛɛmaàŋ naŋ wa wòò e keì kɛnɛɛ̀ e teengaà wò naŋ wa tùɔ̀ŋ wo wɛ̀ijìɔ Àzaayà lɛ,

Nyɛ̀nɛ̀ŋ 7:2

Wo Siiwììŋ naŋ nyiŋ fasaì wààŋ, “Kùmiàŋ nìim, nyɛ̀iŋ nààŋ wùìyaim yèè nyuùŋ kòmaim nyàŋ! Wèè paŋ wo dèda wiɔ̀ Eɓulɔhɛɛ̀ŋ wo ka wa wo joo ko jawaì àŋ nyaaŋ Hàlaàŋ lɛ, wo Dàyà gbolòùŋ gbeeɔ̀ nauŋ wa fòlò feìŋ ko jawa gbeeì àŋ nyaaŋ Mɛsèpòtamiɔ̀,

1Pììlɛ 1:11

Àŋ naŋ fɛ̀ɛ̀ wèè aŋ nyìmàŋ kɛ̀ kiìŋ nàŋ do nàŋ nɔ̀ŋ e teengaà, yèè dièsɔa è do nàŋ hnè. Tɛɛ̀ nàŋ yaà wa e teengaà, e yèɛ wo Jìnàŋ Jisɛ̀ Kulaìɔ yàà nyiìŋ sùà wɔ, yaà wa tɔ̀ɔ sùà kiiyò, nààŋ wò yaà nyiìŋ wa wòò e kèì ko dòmàŋfeìŋ e nyaàiŋ dè e keì nyìngaà wo Jisɛ̀ Kulaì kuwa wèè wo kà dìì yèè e jòòwo gbeeɛ̀ doiŋ nàŋ dè maŋjɛ̀wɛ lɛ̀.

2Pììlɛ 1:21

E mìè nyààŋ wɛ̀ijì gbiŋ gò wa nɔŋ e yìwìà è gòngò nyiiŋ bi sùà, kɛɛ wo Jìnàŋ Dayàa nàŋ yaà wa tòòmò anyùùŋ nààŋ àŋ yaà wa fèe sùà ke miè gbìaàŋ e yìwìà Dayà.

2Pììlɛ 2:21

È hewa weè nàŋ nɔ̀ŋ tɛ̀ɛ̀ e wèè kɛ̀ ɓɔ̀ àŋ nyìmàŋ kè dòmàŋ tɔ̀ɔ̀nyaàaŋ, e wèè aŋ niŋ nyìmàŋ kpeiŋ aŋ fè ke sàwà nɛɛmaàŋ jɛwɛ ke yèɛ wo Dayà naŋ kiɛ̀ŋ lɛ̀.