Nyɛ̀nɛ̀ŋ 1:11 - WƆŊ FƐ̀Ì EBÒ SÌÀŊ DAYÀA

¹¹ Aŋ felaa nyàŋ naŋ nyiŋ dawè nyààŋ, “Nyùnòò fùɔ̀ŋ Galaliì nyɛɛ̀ŋ, wèè kiìŋ nìŋ sia kià nìŋ yaà yɛ̀ɛ̀mɛ̀ ke nyiliɛ̀? Wo Kanaà Jisɛ̀ wɛɛ̀ wo Dayà naiŋ yaà gè sìwè wò naŋ kɔ̀ ko àìjɛnɛ̀ŋ wɔ, do ɓɛìŋ nàŋ kɛɛ̀ e ɗèwè guùŋ nɛ sùà màànààŋ nɔŋ nìŋ nauŋ yɛmɛ̀ wò naŋ jòwò ko àìjɛnɛ̀ŋ lɛ.”

Nyɛ̀nɛ̀ŋ 1:11 Kruisverwysings

Maafiù 16:27

Miàim wo Jɔ̀àfèlàà Nyuùŋ kpùnɔɔ̀ŋ do nàŋ hnè e teenga kpuu sùà e jòòwò Dèda miɔ̀ŋ yaà aŋ màikàuŋ nyàŋ sùà wèè ka kìɛ̀ŋ e jìwààjɛ̀wɛ̀ koɓɛ̀ anyùùŋ nyaŋ gbiŋ wèè maŋ keì maŋ àŋ naŋ nyɛ̀nɛ̀ŋ maŋ.

Maafiù 16:28

Miŋ woòiŋ e tɔɔɓaaà, aŋ nyùùŋ bà kòò àŋ yaà kià, yèè aŋ naàŋ fɔ̀ e jèèsùà aŋ yɛ̀mɛ̀ miàim wo Jɔ̀àfèlàà Nyuùŋ kpùnɔɔ̀ŋ ka hnàŋ e kana mɛ̀ sùà.”

Maafiù 24:30

Kpeiŋ nìŋ do nàŋ yɛ̀mɛ̀ e tɔ̀ɔ̀màŋsèì e keì e nyaàiŋ dè miàim wo Jɔ̀àfèlàà Nyuùŋ Kpùnɔɔ̀ŋ ko àìjɛnɛ̀ŋ. Yèè maŋ ziì maŋ gbiŋ e ɗuunyaàŋ dò nàŋ nɔ̀ŋ ke nyowo sùà, yèè àŋ do nàŋ yɛ̀mɛ̀ miàim wo Jɔ̀àfèlàà Nyuùŋ Kpùnɔɔ̀ŋ mìŋ yaà hìnìè wɔŋ ɗùkpù ke nyiliɛ̀ diɛŋ e yìwìà e gaàŋ gbee yèè e jòòwo sùà.

Maafiù 25:31

Yèè wo Jisɛ̀ naŋ nyiŋ ɓɛìŋ woò wààŋ, “Sèè miàim wo Jɔ̀àfèlàà Nyuùŋ Kpùnɔɔ̀ŋ hnàŋ wa nàwèè e jòòwo gbee mɛ̀ sùà, yèè aŋ màikà nyaŋ gbiŋ àŋ yààìm kɔɔ, mìŋ do nàŋ jɛ̀ì ke kpùà Kana miɛ̀ŋ diɛŋ.

Luù 21:27

Kpeiŋ anyùùŋ do nàŋ yɛ̀mɛ̀ miàim, wo Jɔ̀àfèlàà Nyuùŋ kpùnɔɔ̀ŋ mìŋ yaà hìnìè ke nyili fua sùà ko fùùiŋ e yìwìà e gaàŋ gbee yèè e gbolòùŋ.

Luù 24:5

E jùùɛ naŋ wa nyɛ̀nɛ̀ŋ aŋ jɔùŋ nyaŋ, yèè àŋ naŋ gbùwò maŋ dewà nyiŋ maŋ dììnaŋ. Kɛɛ aŋ felaa nyàŋ naŋ nyiŋ wa dawè nyààŋ, “Wèè kiìŋ nìŋ yaà yɛ̀mɛ̀ anyuùŋ fàa nyàŋ tɛɛ wèè wo nyùnɔ̀ɔŋ yaà wɔŋ nyiiŋ gèeɔ̀ sùà wɔ?

Jɔ̀ɔŋ 14:3

Yèè sèè mìŋ kɔ̀à mìŋ kpɛɛyɛ̀o bàne, mìŋ do nàŋ hnè wèè kaiŋ noo koà, wèè kɛ̀ yàwi nààŋ gbiŋ eiŋ nɔ̀ŋ koɓɛ̀ guùŋ.

Nyɛ̀nɛ̀ŋ 1:2

e jèèsùà e hàì ke ɗɔɔɛ̀ wo Dayà nauŋ wa jùwìè ko àìjɛnɛ̀ŋ lɛ. Wèè paŋ wo nɔ̀ŋ wa jòòwouŋ, wo kanaà Jisɛ̀ naŋ wa wòò maŋ mìè gbòa e yìwìà e gààŋ wo Jìnàŋ Nɛɛmaàŋ sùà koɓɛ̀ aŋ keela tàeɗùùuŋ nyàŋ wò naŋ jàà e ɓula titi nyàŋ wèè e nɛ̀ɛŋ àŋ kuwa wa aŋ nyɛ̀nɛ̀ŋ lɛ.

Nyɛ̀nɛ̀ŋ 1:9

Nààŋ wò naŋ wa tɛɛ̀ kpɛ̀ɛ̀yɛ̀ wòo, wo Dayà nauŋ jòòwò ko àìjɛnɛ̀ŋ nààŋ àŋ yàuŋ wa yɛɛmɛ, yèè ke nyiliɛ̀ nauŋ nyɛɛnɛ̀ŋ aŋ gòuŋ wa ɓɛìŋ yɛmɛ̀.

Nyɛ̀nɛ̀ŋ 13:31

yèè e teenga zimgbe wo Jisɛ̀ naŋ wa fòlò aŋ nyùùŋ màŋjɛ̀wɛ̀uŋ nyàŋ fèìŋ, aŋ yè nyaŋ heuŋ wa kààìŋ maŋjɛ̀wɛ e yìwìà ko Galaliì e kà ko Jùlusɛ̀làm. Kòò àŋ yaà naàŋ kìɛ̀ŋ sùà maŋ mìè seì e nyaàiŋ euŋ dè koɓɛ̀ anyuùŋ wi nyàŋ.

Nyɛ̀nɛ̀ŋ 2:7

E keì bi naŋ nyiŋ wa dììyè maŋ jii, yèè àŋ naŋ kùùnò wòo nyààŋ, “Anyùùŋ nyɛɛ̀ŋ yaà yɛi gbùùyè maŋ kàìŋ mɛɛ̀ŋ nyaŋ, nyiŋ nààŋ fè ànyùùŋ fùɔ̀ŋ Galaliìɔ?

Nyɛ̀nɛ̀ŋ 3:12

Nààŋ wo Pììlɛ naŋ yɛ̀mɛ̀ anyùùŋ nyaŋ, wò naŋ nyiŋ woò wààŋ, “Nyɛ̀iŋ nààŋ nyùùŋ Ezɔ̀ɛ̀ dàwiim nyàŋ, wèè kiìŋ tɛɛ̀ naiŋ foonò, yèè wèè kiìŋ nìŋ yaà wi yɛɛmɛ? Nìŋ naŋ gongò kɛ̀ e gààŋ yàwi biɛ̀ sùà le ɔ̀ɔ̀ ke nyòwò yàwi biɛ̀ sùà naŋ nyɛ̀nɛ̀ŋ wo felaa wɛɛ̀ naŋ kaaìŋ?

Nyɛ̀nɛ̀ŋ 3:21

Wo Jisɛ̀ do nàŋ jèè ko àìjɛnɛ̀ŋ e jèèsùà e teengaà e hnàŋ wèè manɛ̀ŋ maŋ gbiŋ nɔ̀ŋ bàne miŋ jɛ̀ì, màànààŋ nɔŋ wo Dayà naŋ wa gbùùyè aŋ kèèlà nɛɛmaŋ gɔuŋ nyàŋ sùà lɛ.

1Tɛsè 1:10

yèè wèè naŋ fòlà jɔ̀àfelaauŋ nɔɔ̀ŋ Jisɛ̀ Kulaì e yìwìà ko àìjɛnɛ̀ŋ wo yèɔ wò naŋ gè e fàaà dìì yèè wò naŋ wi joeyè e yìwìà e wùàŋ Dayàa yaà hinie lɛ̀.

1Tɛsè 4:16

Ke miè kpàaŋ tɔ̀ɔ̀ ke nyɛ̀nɛŋ nàŋ do nàŋ fòlò, yaà ke mìè wo sìèfèìŋ aŋ màikàa, yèè e gììmè e pòtànàŋ Dayàa, kɛ̀ wo Kanaà Jisɛ̀ wuŋ bi do nàŋ dèyè e yìwìà ko àìjɛnɛ̀ŋ. Anyuùŋ hààwè Jisɛ̀ Kulaì nyaŋ naŋ wa fɔ̀ nyaŋ nyiŋ jiɛ̀ nàŋ yewe e dìì,

Hiɓu 9:28

E ɗèwè guùŋ nɛ sùà wo Dayà naŋ wa kìɛ̀ŋ wo Jisɛ̀ Kulaì e sùà guùŋ kpò wèè wo nɔ̀ŋ e nɛ̀ŋ saaà, yèè wò naŋ fɔ̀ e sùà guùŋ kpò wèè wo gùà maŋ jùùmù anyuùŋ zimgbe. Kɛɛ sèè wò hnàŋ ɓɛìŋ, e naàŋ ɓɛìŋ nɔ̀ŋ wèè wo gùà màŋ jùumù. Wò do nàŋ hnè wèè wo jòèyè anyùùŋ nyaŋ gbiŋ yàaùŋ fulie nyàŋ.

Maŋ kèì nyɛɛnɛŋ 1:7

Yɛ̀mɛìŋ, wo Jisɛ̀ yaà hinie ke nyili fuaà diɛŋ! Anyùùŋ nyaŋ gbiŋ douŋ nàŋ yɛmɛ̀, e kpùlìà anyùùŋ nyaŋ nauŋ jùwò e ɓula nyàŋ. Maŋ ziì maŋ gbiŋ e ɗuunyaàŋ do nàŋ nɔ̀ŋ ke nyowo sùà weèuŋ. Tɔɔɓaa yɛi è do nàŋ nɔ̀ŋ!