Nyɛ̀nɛ̀ŋ 1:1 - WƆŊ FƐ̀Ì EBÒ SÌÀŊ DAYÀA

¹ Dàa Tìɔ̀felɔ̀, wɔŋ fɛi jiɛ̀jiɛ̀ miɔ̀ŋ sùà mìŋ naŋ sìngè e kèè maŋ keì maŋ gbiŋ wo Kanaà Jisɛ̀ naŋ nyɛ̀nɛ̀ŋ e kìlà wò naŋ kaà maŋ e yìwìà e teengaà wò naŋ wa tɔ̀ɔ̀tù e tòmouŋ nɛ̀ lɛ,

Nyɛ̀nɛ̀ŋ 1:1 Kruisverwysings

Maafiù 11:5

Anyuùŋ zììlè le fɛ̀ɛ̀ nyaŋ àŋ yɛ̀mɛ̀ dìì, yèè anyuùŋ gò ɓɛ̀nɛ̀ŋ kàaiŋ tɛ̀ɛ̀ nyaŋ àŋ kaaìŋ naàŋ tɛ̀ɛ̀. Anyuùŋ kɛ̀ɛ̀nɛ̀ŋ e sààŋ maŋkùnù nyaŋ àŋ nɔ̀ŋ zɛ̀nɛŋ nyiŋ, yèè anyuùŋ kpùɔ̀ŋ maŋ nùŋ nyaŋ komo naàŋ maŋ kàìŋ. Anyuùŋ fàa nyàŋ yèwà e fàaà dìì koɓɛ̀ wɔŋ nyiiŋ gèe, yèè àŋ wòò ke mìè gbìàŋ Ebò Siaàŋ koɓɛ̀ anyuùŋ pɔ̀ɔ nyàŋ.

Luù 1:24

E teenga bà naŋ mààŋ wo jawèuŋ nɔɔ̀ŋ Ìlesebɛ̀ɛ̀ naŋ nɔ̀ŋ le sùà, yèè wèè maŋ wàà nɔɔnɔŋ wo gò wa fòlà kò saaìŋ.

Luù 1:3

Miàŋ bi kà nyɛ̀nɛ̀ŋ maŋ nɔnɔŋ tùaŋ wèè maŋ keì mɛɛ̀ŋ gbiŋ tɛ̀ɛ̀ e yìwìà ko tɔɔtuì, weètii mìŋ naŋ ɗewè wèè ka sìngà maŋ keì mɛɛ̀ŋ guùŋ guùŋ, màànààŋ màŋ naŋ kaaìŋ lɛ. Dàa Tìɔ̀felɔ̀,

Luù 14:22

E teenga kpuu sùa wo ɓɔìjɔ̀àa naŋ kɛ̀ɛ̀ maŋjɛ̀wɛ yèè wò naŋ wòò wo kààmɔɔuŋ nɔɔ̀ŋ wààŋ, ‘Kà nyɛ̀nɛ̀ŋ e nɛ̀ɛŋ mùŋ naim woò wèè ka nyɛ̀nɛ̀ŋ lɛ, kɛɛ maŋ jɛ̀i foo zimgbe naŋ joo wèè anyuùŋ zimgbe.’

Luù 24:19

Wo Jisɛ̀ naŋ dawè wààŋ, “Kiìŋ màŋ keì naŋ kaaìŋ?” Àŋ naŋ woò nyààŋ, “Maŋ keì maŋ naŋ kààìŋ wo Jisɛ̀ e yìwìà ko Naazɔ̀ɛ̀ maŋ. E yìwìà maŋ keì maŋ wò nàŋ nyɛ̀nɛ̀ŋ yèè wò naŋ woò maŋ naŋ tɔɔ̀ kɛ̀ wò yaà wo wɛ̀ijì ko fɛ̀ɛ̀fèìŋ Dayà yèè anyùùŋ nyaŋ gbiŋ.

Luù 3:23

Wo Jisɛ̀ yaà wa maŋ doa kpɛ̀ɛ̀ùŋ guùŋ jɛ̀wɛ̀ zììyà paŋgàà wò naŋ wa tɔ̀ɔ̀tù ke mìè Dayàa gbòa. Anyùùŋ nyaŋ gbiŋ naŋ wa gongò kɛ̀ wùŋ nàŋ yaà wa wo jɔ̀àfèlàà Jòòsɛɔ̀. Wo Jòòsɛ nàŋ yaà wa wo jɔ̀àfèlàà Hilìɔ.

Nyɛ̀nɛ̀ŋ 2:22

Wo Pììlɛ naŋ ɓɛìŋ woò wààŋ, “Nyɛ̀iŋ nààŋ nyùùŋ Ezɔ̀ɛ̀ nyaŋ, kùmiaìŋ e yèɛ mìŋ yaà hinie kaiŋ woò lɛ! Wo Jisɛ̀ e yìwìà ko Naazɔ̀ɛ̀ yaà wa wo felaa wo yèɔ wo Dayà naiŋ wa tɔɔ̀ kɛ̀ wuŋ nauŋ tùɔ̀ŋ, e yìwìà maŋ kèè mèè gbeegbèè yaà maŋ tɔ̀ɔ̀màŋsìè maŋ keì maŋ wo Dayà wuŋ bi naŋ wa nyɛ̀nɛ̀ŋ màŋ naŋ kaaìŋ maŋ esàɓù wo Kanaà Jisɛ̀ sùà. Nyɛ̀iŋ bi nàŋ tɛɛ̀ nyìmàŋ, esaɓù kɛ̀ è naiŋ wa kià kàìŋ ko fɛɛ̀fenìiŋ.