Maafiù 16:1 - WƆŊ FƐ̀Ì EBÒ SÌÀŊ DAYÀA

¹ Aŋ Fɛlosiì yèè aŋ Sadusiì nyaŋ bà nyiŋ naŋ wa hnè koɓɛ̀ Jisɛ̀i wèè auŋ kùwìà ke gbaù sùà, weètii àŋ nauŋ wa dawè wèè wo nyɛ̀nɛ̀ŋ e kèè mèè weè nyiŋ wèè wo tɔɔ̀ kɛ̀ wo Dayà e yìwìà ko àìjɛnɛ̀ŋ nauŋ gè nyààŋ diɛŋ.

Maafiù 16:1 Kruisverwysings

Luù 11:16

Anyùùŋ nyaŋ bà nyiŋ manaŋ wa aŋ kùwìà wo Jisɛ̀ ke gbaù sùà, kpeiŋ àŋ nauŋ dawè wèè wo nyɛ̀nɛ̀ŋ e kèè mèè weè nyiŋ wèè wo tɔɔ̀ kɛ̀ wo Dayà e yìwìà ko àìjɛnɛ̀ŋ nauŋ gè nyààŋ diɛŋ.

Nyɛ̀nɛ̀ŋ 4:1

E teengaà wo Pììlɛ yaà wo Jɔ̀ɔŋ yaà wa nɔŋ gbùùyè koɓɛ̀ anyùùŋ lɛ, aŋ sìèfèìŋ zòòlo nyàŋ yaà wo sìèfèìŋ anyuùŋ tùnìàŋ ke Saaŋ Zòòlò Dayà e kpùlìà aŋ Sadusiì nyaŋ bà nao hnè.

Maafiù 16:6

Wo Jisɛ̀ naŋ nyiŋ fè e gòo wààŋ, “Yɛ̀mɛìŋ nyɛ̀iŋ bi diɛŋ wèè e sòi jùwìà e gbɔ̀ù aŋ Fɛlosiì nyaŋ yaà e sòi jùwìà e gbɔ̀ù aŋ Sadusiì nyaŋ.”

1 Kɔliìŋ 1:22

Aŋ Juùù dawà wèè e tɔ̀ɔ̀màŋsèì e kèè mèè, yèè aŋ Guliì nyùùŋ nyàŋ kamàŋ e jiikɛ̀ɛ,

Jɔ̀ɔŋ 8:6

Àŋ naŋ wa dàwè wo Jisɛ̀ wɔŋ mààŋdàwè wɛɛ̀ŋ wèè auŋ wàà, esaɓù kɛ̀ àŋ manaŋ wa wèè auŋ gbùwà e keì ɗì. Kɛɛ wo Jisɛ̀ naŋ wa gbuwo wò yaà sìngìè ke kiiyòuŋ nɛɛ̀ŋ ko dììnaŋ.

Nyɛ̀nɛ̀ŋ 5:17

Kpeiŋ e kooɛ̀ naŋ wa dìè wo Kànà Sìèfèìŋ Zòòlo Gbeeɔ̀ yaà aŋ jeuŋ anyuùŋ kpùùmaŋ nyàŋ, aŋ yè nyaŋ yaà wa ke gbòò aŋ Sadusiì nyaŋ sùà, wèè aŋ keela nyàŋ, yèè àŋ naŋ ɗewè wèè aŋ keewè nyiŋ kùàŋ feìŋ.

Luù 20:27

Aŋ sìèfèìŋ aŋ Juùù nyaŋ àŋ nyaaŋ aŋ Sadusiì nyaŋ, woà nyààŋ sèè wo nyùùŋ fà wo fè ɓɛìŋ yèwà dìì. Àŋ bà naŋ hnè koɓɛ̀ Jisɛ̀i

Luù 20:23

Kɛɛ wo Jisɛ̀ wa nyìmàŋ e kàaɓì nyiŋ nɛ̀ tɛ, yèè wò naŋ nyiŋ woò wààŋ,

Luù 10:25

Ke ɗɔ̀ɔ̀ guùŋ nààŋ wo Jisɛ̀ yaà wa kàa sùà anyùùŋ nyaŋ, wo kààmɔ̀ɔ̀ŋ maŋ Sàwà Dayà maŋ bà yaào wa. Wò manaŋ wa wo dàwè wo Jisɛ̀ wɔŋ mààŋdàwè nyìnga wèè wo kuwiàuŋ e keì. Kpeiŋ wò nauŋ dawè wààŋ, “Kààmɔɔŋ, kiìŋ mìŋ naŋ ɓɛ̀nɛ̀ŋ nyɛ̀nɛŋ wèè ka kùwìè wɔŋ nyiiŋ gèe gò jùà?”

Maafiù 27:62

Wɔŋ niìsìaà bàa ke Ɗɔ̀ɔ̀ Zòòlò aŋ Juùù nyaŋ diɛŋ, aŋ kànà sìèfèìŋ zòòlo nyàŋ yèè aŋ Fɛlosiì nyaŋ naŋ kɔ̀ wo Paalè ko fɛɛ̀feìŋ

Maafiù 23:2

“Aŋ kààmɔ̀ɔ̀ŋ maŋ Sàwà Dayà nyaŋ yaà aŋ Fɛlosiì nyaŋ nàŋ jaà ke kpùà Mòòzeɛ̀ diɛŋ wèè aŋ fasàì maŋ Sàwà maŋ tɛ̀ɛ̀.

Maafiù 22:23

Kpeiŋ aŋ sìèfèìŋ aŋ Juùù nyaŋ bà àŋ nyaaŋ aŋ Sadusiì nyaŋ, naŋ woò nyààŋ sèè wo nyùùŋ fà wo fè ɓɛìŋ yèwà dìì. Àŋ naŋ hnè koɓɛ̀ Jisɛ̀i ke ɗɔ̀ɔ̀ guùŋ yii yèè àŋ nauŋ dawè nyààŋ,

Maafiù 22:18

Kɛɛ wo Jisɛ̀ wa nyìmàŋ e kàaɓì nyiŋ nɛ̀ tɛ, yèè wò naŋ nyiŋ woò wààŋ, “Nyɛ̀iŋ nààŋ nyùùŋ fɛ̀ɛ̀ ɗòònààkeì fɛ̀ɛ̀ keì nyɛɛ̀ŋ, wèè kiìŋ nìŋ manaŋ naim kùwìà ke gbaù sùà?

Maafiù 22:15

Aŋ Fɛlosiì nyaŋ naŋ gbònò koɓɛ̀ guùŋ yèè àŋ naŋ ɗewè wèè aŋ nyɛ̀nɛ̀ŋ wo Jisɛ̀ wo woò e keì naanààŋ.

Maafiù 19:3

Aŋ Fɛlosiì nyaŋ bà naŋ hnè yèè àŋ naŋ gɛ̀ɛ̀ wo Jisɛ̀ jɛ̀wɛ̀ nyààŋ, “Wòò wi, ke sàwà wiɛ̀ naŋ wi gè nyààŋ diɛŋ wèè wo felaa yaà wo jawèuŋ nɔɔ̀ŋ aŋ ɓaanè wèè esaɓù bà gbiŋ, nààŋ wo felaaà wò manaŋ lɛ̀?”

Maafiù 15:1

Kpeiŋ aŋ Fɛlosiì nyaŋ yaà aŋ kààmɔ̀ɔ̀ŋ maŋ Sàwà Dayà nyaŋ bà, naŋ yìwìè ko Jùlusɛ̀làm àŋ naŋ hnè koɓɛ̀ Jisɛ̀i yèè àŋ nauŋ dawè nyààŋ,

Maafiù 12:14

Kpeiŋ aŋ Fɛlosiì nyaŋ naŋ fòlò yèè àŋ naŋ kɔ̀ aŋ ɗewè wèè aŋ jìwà wo Jisɛ̀.

Maafiù 9:11

Aŋ Fɛlosiì nyaŋ bà nyiŋ naŋ tɛɛ̀ yɛmɛ̀, yèè àŋ naŋ dàwè anyùùŋ màŋjɛ̀wɛ̀uŋ nyàŋ nyààŋ, “Wèè kiìŋ wo kààmɔɔiŋ nɔɔ̀ŋ yaà anyuùŋ kùwà nɛ̀ɛ̀nɛ̀ŋ fuɔɔ̀ŋ e kpùlìà anyùùŋ maŋ kpèè naanààŋ jiiyà nɛ̀ŋje koɓɛ̀ guùŋ?”

Maafiù 5:20

Sɔɔ̀ naŋ jɔ̀ɔ̀lɔ̀ màŋ Sàwà Dayà maŋ dìì tɛ̀ɛ̀ e nìàŋ anyùùŋ nyaŋ àŋ nyaaŋ aŋ Fɛlosiì nyaŋ yèè e ɗeweɛ̀ aŋ kààmɔ̀ɔ̀ŋ maŋ Sàwà Dayà nyaŋ jɔɔlɔ̀ mìŋ dìì lɛ. Tɔ̀ miŋ woòiŋ, sèè nìŋ go miŋ jɔ̀ɔ̀lɔ̀ dìì è tɔ̀ɔ̀nyaàŋ sùà, niŋ naàŋ wa nàwèè kɔ̀ è Kànà kò àìjɛnɛ̀ɛŋ sùà.