Maafiù 10:1 - WƆŊ FƐ̀Ì EBÒ SÌÀŊ DAYÀA

¹ Wo Jisɛ̀ naŋ nyààŋ anyùùŋ màŋjɛ̀wɛ̀ zììyà jɛ̀wɛ̀ tìyèeuŋ nyàŋ, yèè wò naŋ nyiŋ kìɛ̀ŋ gààŋ wèè aŋ gè aŋ jinàŋ naanààŋ anyùùŋ maŋjɛ̀wɛ, e kìlà aŋ sùngà wo nyùnɔ̀ɔŋ gbiŋ kuwa e sàaŋ wɔ̀.

Maafiù 10:1 Kruisverwysings

Luù 10:19

Kùmiaŋ nìim! Kàiŋ kìɛ̀ŋ gààŋ, wèè naŋ kààìŋ aŋ kàì yèè aŋ lèèmàngbìlà diɛŋ e kìlà wèè naŋ gbùwò e gààŋ wo joo wiɔ̀ Sɛ̀tanàŋ diɛŋ, wo kànà anyùùŋ kàaɓì nyaŋ. E nɛ̀ŋ gbiŋ e naàìŋ nyɛɛmùŋ.

Luù 24:49

Mìŋ manaŋ naŋ nyìmàŋ kɛ̀ miàŋ bi nàŋ doiŋ nàŋ tùɔ̀ŋ e nɛ̀ŋ kìɛɛ̀ŋ wo Dèda miɔ̀ŋ naŋ wa jɔ̀ɔ̀ e ɗààhiì wèè wo kiɛ̀ŋ lɛ. Kɛɛ ɓɔ̀ nìŋ yèwà kò Jùlusɛ̀làm e jèèsùà e gààaŋ eiŋ dèyà diɛŋ e yìwìà ko àìjɛnɛ̀ŋ.”

Nyɛ̀nɛ̀ŋ 1:8

Kɛɛ e teengaà wo Jìnàŋ Nɛɛmaàŋ doiŋ nàŋ kìɛ̀ŋ gààŋ lɛ̀, e gààŋ doiŋ nàŋ sɛ̀ɛ̀ sùà, nìŋ do nàŋ nɔ̀ŋ aŋ sèì e kìlà naŋ wòò anyùùŋ kɛ̀ kiìŋ nìŋ naŋ nyìmè e nyaàiŋ eim dè ko Jùlusɛ̀làm, wɔŋ fùɔ̀ŋ Jùdiàa, wɔŋ fùɔ̀ŋ Sàmiliàa yaà maŋ fuɔŋ joo màŋ gbiŋ sùà e ɗuunyaàŋ.”

Jɔ̀ɔŋ 3:27

Wo Jɔ̀ɔŋ naŋ nyiŋ fasàì wààŋ, “E keì mààŋ tɛɛ̀ fè ɓɛ̀nɛ̀ŋ kàaiŋ kòɓɛ̀ wò nyùùŋ gbiŋ sɔɔ̀ wo Dayà e yìwìà ko àìjɛnɛ̀ŋ wouŋ gè nyààŋ diɛŋ.

Luù 6:13

Wɔŋ niìsìaà bàa wò naŋ nyààŋ anyùùŋ màŋjɛ̀wɛ̀uŋ nyàŋ gbiŋ wèè aŋ gbɛ̀ɛ̀uŋ kɔɔ fɔ̀ɔ̀. E yìwìà anyùùŋ bi e tɛɛ, wò naŋ tà aŋ kpàkòò zììyà jɛ̀wɛ̀ tìyèe ɗùù aŋ yè nyaŋ wò naŋ nyààŋ aŋ keela tàeɗùù nyaŋ.

Luù 21:15

esaɓù kɛ̀ mìŋ doiŋ nàŋ kìɛ̀ŋ maŋ mìè gbòa miiŋ yaà e jiikɛ̀ɛ lii, wèè kɛ̀ aŋ jooiŋ nyàŋ bà gbiŋ naàìŋ gììyè màŋhɛɛ ɔ̀ɔ̀ aŋ naàŋ woò nyààŋ niŋ naŋ wòò è keì nàànààŋ.

Nyɛ̀nɛ̀ŋ 19:15

Kɛɛ wo jinàŋ naanààaŋ naŋ nyiŋ wa fasàì wààŋ, “Kà nyìmàŋ wo Jisɛ̀, yèè kà nyìmàŋ wo Pɔɔ̀, kɛɛ ɓòò nàŋ yààìŋ?”

Jɔ̀ɔŋ 17:2

Mùŋ naim kìɛ̀ŋ e gààŋ anyuùŋ kpùuŋ nyàŋ gbiŋ diɛŋ, wèè ka kìɛ̀ŋ wɔŋ nyiiŋ gèe gò jùà koɓɛ̀ anyùùŋ nyaŋ gbiŋ mùŋ naim kiɛ̀ŋ nyaŋ.

Jɔ̀ɔŋ 6:70

Wo Jisɛ̀ naŋ fasàì wààŋ, “Mìŋ naiŋ wa tàeɗùù nyɛ̀iŋ nààŋ zììyà jɛ̀wɛ̀ tìyèe nyàŋ, kɛɛ nyɛ̀iŋ nyɛɛ̀ŋ wo bà guùŋ wò yaà wo nyuùŋ kɛ̀ɛ̀nɛ̀ŋ ke kpèè naanààŋ!”

Jɔ̀ɔŋ 3:35

Wo Dèda wiɔ̀ Dayà manaŋ wo Jɔ̀àfelaauŋ nɔɔ̀ŋ, yèè wò nauŋ kìɛ̀ŋ e gààŋ manɛ̀ŋ maŋ gbiŋ diɛŋ.

Maŋ kèì nyɛɛnɛŋ 12:1

Eɓìèmàŋjɛ̀wɛ̀ tii, e tɔ̀ɔ̀màŋsèì kèè mèè gbee bà naŋ fòlò ko fɛɛ̀feìŋ ke nyiliɛ̀. Wo nìe bà yaào wa, wɔŋ deè kpàauŋ nɔɔ̀ŋ nàŋ yaà wa e gɔɛɛ̀. Wɔŋ wàa yàaùŋ wa ko gòlòò dìì, yèè ke ɓɔ̀ɗì kana bàànè maŋ ɗù zììyà jɛ̀wɛ̀ tìyèe jàauŋ ko ɗì.

Maafiù 26:47

E gò wa pɛɛ jùà wo Jisɛ̀ nyààŋ nààŋ wo Juɗà, wo nyùùŋ màŋjɛ̀wɛ̀ zììyà jɛ̀wɛ̀ tìyèeɔ̀ bà guùŋ, nao haì. Wò naŋ hìɛ̀ŋ anyuùŋ zimgbe àŋ kuwa maŋ kòyà ɗùà yèè maŋ kuù kpuu kpùù. Aŋ kànà sìèfèìŋ zòòlo gbee nyàŋ, yèè aŋ màmànkùmɛ̀ŋ nyàŋ naŋ nyiŋ wa tùɔ̀ŋ.

Maafiù 26:20

Nààŋ e koya naŋ wa haì, wo Jisɛ̀ yèè anyùùŋ màŋjɛ̀wɛ̀ zììyà Jɛ̀wɛ̀ tìyèeuŋ nyàŋ naŋ jɛi wèè aŋ jènɛ̀ŋ.

Maafiù 19:28

Wo Jisɛ̀ naŋ nyiŋ fasàì wààŋ, “Tɔ̀ miŋ woòiŋ e tɔɔɓaaà kɛ̀, nìŋ yaà anyùùŋ màŋjɛ̀wɛ̀im. Yèè e ɗuunyaŋ jɛiɛ̀ do nàŋ hnè lɛ, sèè miàim wo Jɔ̀àfèlàà Nyuùŋ Kpùnɔɔ̀ŋ mìŋ jaà wa nàwèè ke kpùà e jòòwo gbee miɛ̀ŋ diɛŋ wèè ka kɛ̀ɛ̀ kana, nìŋ do nàŋ jɛ̀ì maŋ kpùà kana diɛŋ, màŋ zììyà jɛ̀wɛ̀ tìyèe wèè naŋ gbàì maŋ zìì ɗì zììyà jɛ̀wɛ̀ tìyèe màŋ ko Ezɔ̀ɛ̀.

Maafiù 6:13

Ɓɔ̀ mùŋ koà wi è wàa nyìnga dìì, kɛɛ yɛ̀mɛ̀ wi diɛŋ e yìwìà koɓɛ̀ wo Nyùùŋ kɛ̀ɛ̀nɛ̀ŋ ke Kpèè Naanààaŋ. Esaɓù kɛ̀ muàŋ nàŋ kanaŋ e kanaà, yèè e gààaŋ, yèè e jòòwoɛ̀ wèè julɔfɔ. Àmiinàŋ.’

Maafiù 4:23

Wo Jisɛ̀ naŋ wa kìlìè wɔŋ fùɔ̀ŋ Galaliìɔ gbiŋ sùà, wò yaà kàa sùà anyùùŋ nyaŋ maŋ sààŋ zòòlò aŋ Juùù nyaŋ dìì, wò yaà wòò Ebò Siaàŋ e nyaàiŋ dè e Kànà Dayàa. Wò naŋ wa ɓɛìŋ sùngò anyùùŋ Galaliì nyaŋ kuwa wa maŋ sàaŋ gɛ̀wɛɛ̀ zimgbe nyàŋ.

Maafiù 9:35

Wo Jisɛ̀ naŋ kìlìè maŋ jawa yèè maŋ vàa màŋ gbiŋ wɔŋ fùɔ̀ŋ Galaliìɔ sùà. Wò yàa wa kàà sùà anyùùŋ nyaŋ maŋ sààŋ zòòlò aŋ Juùù nyaŋ dìì, yèè wò yaà wòò ke mìè gbìàŋ Ebò Siaàŋ e nyaàiŋ dè e Kànà Dayàa. Wò naŋ wa ɓɛìŋ sùngò anyùùŋ Galaliì nyaŋ kuwa maŋ sàaŋ gɛ̀wɛɛ̀ zimgbe nyàŋ.

Maafiù 9:38

Dàweìŋ wo kɛ̀ɛ̀nɛ̀ŋ ɓùɔ wèè wo tùàŋ anyuùŋ tòmo wèè aŋ kpàà maŋ nɛ̀ŋjè ɓùuŋ màŋ aŋ hiàŋ miŋ.”