Maafiù 1:1 - WƆŊ FƐ̀Ì EBÒ SÌÀŊ DAYÀA

¹ Maŋ dèè aŋ nèwàènèwè Jisɛ̀ Kulaì nyaŋ mɛɛ̀ŋ wɔŋ fɛ̀ì Dayàa sùà, wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, wo jɔ̀ɛ̀jɔ̀ɛ̀ Dèèweɔ̀, wo yèɔ naŋ fòlò ke kpòò Eɓulɔhɛɛ̀ɛŋ sùà wɔ.

Maafiù 1:1 Kruisverwysings

Maafiù 1:18

E ɗewe kii lɛɛ̀ sùà àŋ naŋ wa kòmò wo Jisɛ̀ Kulaì. Wo yèyè Jisɛ̀ɔ nàŋ yaà wa wo Mèèle. Wo Jòòsɛ nauŋ wa dìkìè jèè kpɔ̀nɔ̀ŋ wèè wo nɔ̀ŋ wa wo jawèuŋ. Kɛɛ wèè paŋ tɛɛ̀ kaaìŋ wa, wo Mèèle naŋ wa nyìmè kɛ̀ wò hewa nàŋ kòmò wo jɔ̀à e yìwìà e gààŋ wo Jìnàŋ Nɛɛmaàŋ sùà.

Maafiù 1:2

E yìwìà e tèèngà Eɓulɔhɛɛ̀ɛŋ e hàì koɓɛ̀ wo Kanaà Dèèwe, maŋ dèè aŋ nèwàènèwè Jisɛ̀ nyaŋ mɛɛ̀ŋ. Wo Eɓulɔhɛɛ̀ŋ nàŋ yaà wa wo dèdà Ààzeɔ̀. Wo Ààze nàŋ yaà wa wo dèdà Jègɔɔ̀. Wo Jègɔ nàŋ yaà wa wo dèdà Juɗàa e kpùlìà aŋ wùìyauŋ nyàŋ. Wo Juɗà nàŋ yaà wa wo dèdà Pɛɛlɛ̀ɔ yaà wo Zɛlà, (wo yèye nyiŋ nɔɔ̀ŋ nàŋ yaà wa wo Tàmaà). Wo Pɛɛlɛ̀ nàŋ yaà wa wo dèdà Hɛselɔ̀ɔŋ. Wo Hɛselɔ̀ŋ nàŋ yaà wa wo dèdà Alàìam. Wo Alàìm nàŋ yaà wa wo dèdà Àminaɗàa. Wo Àminaɗà nàŋ yaà wa wo dèdà Nasɔ̀ɔŋ. Wo Nasɔ̀ŋ nàŋ yaà wa wo dèdà Saamɔ̀ɔŋ. Wo Saamɔ̀ŋ yaà wo jawèuŋ nɔɔ̀ŋ Làhaà naŋ wa kòmò wo Booà. Wo Booà nàŋ yaà wa wo dèdà Oɓɛ̀ɔ (wo yèyeuŋ nɔɔ̀ŋ nàŋ yaà wa wo Lùu). Wo Oɓɛ̀ nàŋ yaà wa wo dèdà Jɛ̀seɔ̀. Wo Jɛ̀se nàŋ yaà wa wo dèdà Kanaà Dèèwe.

Maafiù 15:22

Ko fɛɛ̀feìŋ wo nìe bà, wo nyùùŋ e yìwìà ko Kenàŋ wo yèɔ hewa jòò wɔŋ fuɔŋ wiiŋ sùà wɔ, naŋ hnè ko nɛ̀ɛ̀uŋ niìŋ. Wò naŋ kpààŋ wààŋ, “Kanaà, Jɔ̀àfèlàà Dèèweɔ̀, tɔ̀ɔ̀im ke nyowo! Wo jɔ̀àjɔùŋ miɔ̀ŋ kuwa wo jinàŋ naanààŋ maŋjɛ̀wɛuŋ, yèè kòò wò yaà e keì nyìnga dìì.”

Maafiù 3:16

Nààŋ wo Jɔ̀ɔŋ naŋ wa gùò Jisɛ̀, wo Jisɛ̀ naŋ fòlò e wùìyèɛ sùà. Ko fɛɛ̀feìŋ ke nyiliɛ̀ naŋ yilè yèè wò naŋ yɛ̀mɛ̀ wo Jìnàŋ wo Kanaà Dayà yàaùŋ dèyà sùà diɛŋ mààŋ wo poopoò.

Maafiù 9:27

Yèè nààŋ wo Jisɛ̀ naŋ wa yèwè koɓɛ̀ wii, aŋ fèlàà tìyèe kùwìè le fɛɛ̀ zììle naŋ wa dè wo Jisɛ̀ maŋjɛ̀wɛ nààŋ wò yaà wa kɔɔyɛ. Aŋ fèlàà tìyèe nyàŋ yaà wa kpàaŋ sùà àŋ yaà woo nyààŋ, “Tɔ̀ɔ̀ wi ke nyowo, Jɔ̀àfèlàà Dèèweɔ̀!”

Luù 1:33

Wò do nàŋ nɔ̀ŋ ke sààŋ Jègɔɛ̀ diɛŋ ko Ezɔ̀ɛ̀ wèè Julɔfɔ, yèè e kanauŋ nɛ̀ naàŋ wa nàwèè kɛ̀ɛ̀nɛ̀ŋ kò dìa.”

Jɔ̀ɔŋ 7:42

Wɔŋ fɛ̀ì Dayàa naŋ woò wààŋ wo Tàèɗùù Dayàa do nàŋ fòlò ke kpòò Kanaà Dèèweɛ̀ sùà. Yèè wò do nàŋ nɔ̀ŋ kùmiauŋ ko jàwà Dèèweì àŋ nyaaŋ ko Bɛfilehɛɛ̀ŋ lɛ.”

Nyɛ̀nɛ̀ŋ 2:30

Wo Dèèwe yaà wa wo wɛ̀ijì, e kìlà wò nyìmàŋ kɛ̀ wo Dayà naŋ wa jɔ̀ɔ̀ ɗààhiì kɛ̀, wò do wa nàŋ jàà wo jɔ̀ɛ̀ jɔ̀ɛuŋ nɔɔ̀ŋ bà guùŋ ke kpùà kana diɛŋ e yìwìà ke kpoouŋ nɛɛ̀ŋ sùà e kìlà wo nɔ̀ŋ wo kana, màànààŋ wo Dèèwe wuŋ bi yaà wa lɛ̀.

Luùm 1:3

Ebò Siaŋ lɛɛ̀ e nyaàiŋ naŋ dè wo nyùnɔ̀ɔŋ è naiŋ nyìmè kɛ̀ wuŋ nàŋ yaà wo Jɔ̀àfèlàà Dayàa wɔ̀, wuŋ nàŋ yaà wo Kana wiɔ̀ Jisɛ̀ Kulaì. E nɔ̀uŋ nɛ̀ wo nyuùŋkpùuŋ, àŋ nauŋ wa kùmìè ke kpòò Dèèweɛ̀ sùà.

Luùm 4:13

Wo Dayà naŋ wa jɔ̀ɔ̀ e ɗààhiì koɓɛ̀ Eɓulɔhɛɛ̀iŋ yaà aŋ jɔ̀ɛ̀ɛ̀jɔ̀ɛɛuŋ nyàŋ kɛ̀ wò do nyiŋ wa nàŋ kìɛ̀ŋ e ɗuunyaàŋ wèè e nɔ̀ŋ e nɛ̀ŋ èdàà nyiŋ. Wo Dayà gò wa jɔ̀àà è ɗààhiì lɛɛ̀ esaɓù kɛ̀ wò Eɓulɔhɛɛ̀ŋ naŋ wa jɔ̀ɔ̀lɔ̀ màŋ Sàwà Dayà maŋ dìì, kɛɛ esàɓù e hààweuŋ nɛ̀ wo Dayà nauŋ wa jàà kùàŋ dìì wèè wo nɔ̀ŋ wo nyùùŋ tɔ̀ɔ̀nyaàŋ.

Luùm 9:5

Tɔɔɓaa anyùùŋ nyɛɛ̀ŋ naŋ wa fòlò aŋ nèwàènèwè aŋ Hiɓulù nyaŋ sùà. Wo Jisɛ̀ Kulaì yaà wa wo nyuùŋkpùuŋ, yèè wò yaà wa wo bàuŋbà wèè e ziì lii. Tɔ̀ anyuùŋ kpùuŋ nyàŋ gbiŋ aŋ tɛnɛ̀ŋ Dayà wèè julɔfɔ, wo yèɔ kuwa e gààŋ manɛ̀ŋ maŋ gbiŋ diɛŋ wɔ̀. Àmiinàŋ.

Gàla 3:16

Kɛɛ yɛi nɔŋ è yaà e nyaàiŋ dè maŋ ɗààhiì maŋ wo Dayà naŋ wa ɓemè koɓɛ̀ Eɓulɔhɛɛ̀iŋ yaà wo jɔ̀ɛ̀ɛ̀jɔ̀ɛɛuŋ nɔɔ̀ŋ bà guùŋ lɛ. Maŋ ɗààhiì mɛɛ̀ŋ gò wa nɔ̀ŋ wèè àŋ jɔ̀ɛ̀ɛ̀jɔ̀ɛɛ zimgbe, kɛɛ màŋ yaà wa nɔŋ wèè wo nyùùŋ guùŋ, yèè wo nyùùŋ bi nàŋ yaà wo Jisɛ̀ Kulaì.

1Time 2:5

Wo Dayà yaà nɔŋ wo guùŋ, yèè wo nyùùŋ guùŋ nɔŋ nàŋ sia e fèèmàŋ wo Dayà yaà anyuùŋ kpùuŋ, wo nyùùŋ bi nàŋ yaà wo Jisɛ̀ Kulaì,

2Time 2:8

Jaà wo Jisɛ̀ Kulaì jii, wo yèɔ wo Dayà naŋ wa gèe e fàaà dìì wɔ, wo yèɔ yaà wa jɔ̀ɛ̀jɔ̀ɛ̀ wèè Dèèwe wɔ̀, màànààŋ è yaà woo niŋ ke mìè gbìàŋ Ebò Siaàŋ mìŋ woà lɛ̀ sùà.

Maŋ kèì nyɛɛnɛŋ 22:16

“Miàim Jisɛ̀, Kà tùàŋ wo màikà miɔ̀ŋ wèè wo woò ke mìè seì yɛɛ̀ ko nɛ̀ɛ̀iŋ niìŋ nyɛ̀iŋ nààŋ anyuùŋ hààwe nyàŋ gbiŋ. Mìŋ yaà e gùlò e yìwìà ke kpòò Dèèweɛ̀ sùà. Miàŋ nàŋ yaà wɔŋ ɗù maŋ nyiìŋ tɛ̀tɛ̀ɔ mɛɛŋ wɔ̀ŋ.”