Luù 1:42 - WƆŊ FƐ̀Ì EBÒ SÌÀŊ DAYÀA

⁴² Kpeiŋ ke miè gbeeo sùà, wo Ìlesebɛ̀ɛ̀ naŋ wòò wo Mèèle wààŋ, “Wo Dayà wòum gbìàŋ e zòòlo maŋjɛ̀wɛ è nìàŋ wo jɔùŋ ɗewe gbiŋ, yèè e zòòlo yaà wo jɔ̀àa mùŋ do nàŋ kòmò wɔ maŋjɛ̀wɛ.

Luù 1:42 Kruisverwysings

Luù 1:28

Wo màikàa naŋ zùùmò wo Mèèle wààŋ, “Tɔɔɓaa e zòòlo yààùm maŋjɛ̀wɛ! E kìlà wo Kanaà Dayà wòum jàà kùàŋ dìì.”

Luù 1:41

Nààŋ wo Ìlesebɛ̀ɛ̀ naŋ kòmò ke mìè zùùmò Mèèleɛ̀, wo jɔ̀àa ko suàuŋ niìŋ naŋ mɛɛmɛ̀ɛ̀ŋ. Yèè wo Jìnàŋ Nɛɛmaàŋ naŋ dèyè wo Ìlesebɛ̀ɛ̀ diɛŋ.

Luù 1:43

Wèè kiìŋ wo yèyè Kana miɔ̀ŋ naŋ ɓɛ̀nɛ̀ŋ hnàŋ ko nɛ̀ɛ̀ŋ miìŋ wèè woim jaamè?

Luù 1:48

Wo tɔ̀ɔ̀ e mànaŋ ko nɛ̀ɛ̀ŋ miìŋ, miàim wo jɔùŋ ɓɔìjɔ̀à jɔ̀ɔ̀lɔuŋ nɔɔ̀ŋ. E yìwìà nàaŋ, anyùùŋ nyaŋ gbiŋ doim nàŋ nyààŋ wo nyuùŋ kɛ̀ɛ̀nɛ̀ŋ zɔlɔ̀,

Luù 19:38

Àŋ yaà wa kpàaŋ sùà àŋ yaà woo nyààŋ, “Wo Dayà kpuumàŋ wo kanaà hnàŋ e dèè Kanaà diɛŋ wɔ̀! Ke jii fàa nɔ̀ŋ ko àìjɛnɛ̀ŋ yèè e jòòwo nɔ̀ŋ koɓɛ̀ Dayài!”

Luùm 9:5

Tɔɔɓaa anyùùŋ nyɛɛ̀ŋ naŋ wa fòlò aŋ nèwàènèwè aŋ Hiɓulù nyaŋ sùà. Wo Jisɛ̀ Kulaì yaà wa wo nyuùŋkpùuŋ, yèè wò yaà wa wo bàuŋbà wèè e ziì lii. Tɔ̀ anyuùŋ kpùuŋ nyàŋ gbiŋ aŋ tɛnɛ̀ŋ Dayà wèè julɔfɔ, wo yèɔ kuwa e gààŋ manɛ̀ŋ maŋ gbiŋ diɛŋ wɔ̀. Àmiinàŋ.

Hiɓu 12:2

Jàà wiìŋ e fɛɛ̀ wilɛ̀ wo Jisɛ̀ diɛŋ, wo yèɔ è naiŋ tùlìè jii e hààwe wilɛ̀ sùà, e yìwìà ko tɔ̀ɔ̀tù e hààwe wilɛ̀ e hàì ko dìaì. Wò naŋ wa nyimèè wèè auŋ sìà sàngè, yèè auŋ kpùùnyàŋ wɔŋ vànèkpaaà diɛŋ. Kɛɛ esàɓù e zɔlɔ̀ɛ yàaùŋ wa fulie lɛ̀, wo gò wa gòngò è kèè ɓɛ̀ɛ̀pɔ̀ɔɛ̀ wèè auŋ kpùùnyàŋ wɔ̀ŋ vànèkpaaà diɛŋ. Yèè kòò wò jaa naàŋ wɔŋ kùàŋ jìka ke kpùà Kanaà Dayà kɔɔ.