Luù 1:2 - WƆŊ FƐ̀Ì EBÒ SÌÀŊ DAYÀA

² Aŋ ɓɔìjɔ̀à bi naŋ wa tomo wèè wo Dayà, nààŋ àŋ naŋ wa kàà anyùùŋ ke miè gbìaàŋ e nyaàiŋ dè wo Kanaà Jisɛ̀. Anyùùŋ nyaŋ zimgbe nyiŋ naŋ wa kòmò e nɛ̀ɛŋ àŋ naŋ nyiŋ wa kaà lɛ, naŋ sìngè maŋ keì maŋ wo Jisɛ̀ naŋ nyɛ̀nɛ̀ŋ weè wi e yìwìà e teengaà wò naŋ wa tɔ̀ɔ̀tù e tòmouŋ nɛ̀ lɛ.

Luù 1:2 Kruisverwysings

Luù 24:48

Nìŋ yaà aŋ sèì wèè maŋ keì mɛɛ̀ŋ gbiŋ.

Jɔ̀ɔŋ 15:27

Yèè nyɛ̀iŋ pɛɛ nìŋ do nàŋ nɔ̀ŋ aŋ sèì, esaɓù kɛ̀ èiŋ nɔ̀ŋ koɓɛ̀ guùŋ e yìwìà ko tɔ̀ɔ̀tù maŋ keì mɛɛ̀ŋ gbiŋ.

Jɔ̀ɔŋ 16:4

Mìŋ yààìŋ naàŋ tɛɛ̀ wòo sùà wèè naŋ niŋ jàà jii wèè kɛ̀ sèè è kaaìŋ wa nàwèè naŋ nyìmàŋ kɛ̀ kàiŋ niŋ wa woò. “Miŋ gòiŋ wa wòò màŋ keì mɛɛ̀ŋ kò tɔ̀ɔ̀tù è mɔ̀ɔ̀nɔŋ wilɛ̀, esaɓù kɛ̀ è yààìŋ wa koɓɛ̀ guùŋ.

Nyɛ̀nɛ̀ŋ 1:3

Wèè maŋ ɗɔɔ kpɛ̀ùŋ tìyèe sùà e yìwìà e teengaà wo Kanaà Jisɛ̀ naŋ wa fɔ̀ lɛ, wò naŋ nyiŋ fòlò feìŋ e teenga zimgbe maŋ dòmanyaaŋ titi bà sùà, maŋ yè maŋ naŋ nyiŋ tɔɔ̀ jaŋyai e hààwe sùà kɛ̀ kòò wò yaà wɔŋ nyiiŋ gèeɔ̀ sùà. Àŋ nauŋ yɛmɛ̀, yèè wò naŋ nyiŋ gbòò kɔɔ e nyaàiŋ dè e kèè e Kànà Dayàa.

Nyɛ̀nɛ̀ŋ 1:8

Kɛɛ e teengaà wo Jìnàŋ Nɛɛmaàŋ doiŋ nàŋ kìɛ̀ŋ gààŋ lɛ̀, e gààŋ doiŋ nàŋ sɛ̀ɛ̀ sùà, nìŋ do nàŋ nɔ̀ŋ aŋ sèì e kìlà naŋ wòò anyùùŋ kɛ̀ kiìŋ nìŋ naŋ nyìmè e nyaàiŋ eim dè ko Jùlusɛ̀làm, wɔŋ fùɔ̀ŋ Jùdiàa, wɔŋ fùɔ̀ŋ Sàmiliàa yaà maŋ fuɔŋ joo màŋ gbiŋ sùà e ɗuunyaàŋ.”

Nyɛ̀nɛ̀ŋ 14:25

Nààŋ àŋ naŋ gbòò ke mìè Dayàa koɓɛ̀ anyùùŋ nyaŋ ko jawaì àŋ nyaaŋ Pɛgà, àŋ nao yèwè aŋ dèyà ko Àtalià.

Nyɛ̀nɛ̀ŋ 16:6

Wo Pɔɔ̀ yèè aŋ dàwiuŋ nyàŋ naŋ kɔ̀ɛ̀ maŋ kpàlàùŋ kpàlàùŋ Fɛgìà maŋ yèè Gàlatìà maŋ sùà, nààŋ wo Jìnàŋ Nɛɛmaàŋ gò wa nyimèè wèè aŋ gbòà kè mìè Dayàa wɔ̀ŋ fùɔ̀ŋ Eesìàa sùà.

Nyɛ̀nɛ̀ŋ 17:11

Anyùùŋ nyaŋ ko Bɛ̀lià naŋ wa jàà ke miè gbìaàŋ kùàŋ dìì e nìàŋ anyùùŋ nyaŋ ko Tɛsèlonikà. Wɔŋ niìsìa gbiŋ àŋ hewa gbèè wɔŋ fɛ̀ì Dayàa wèè aŋ nyɛ̀nɛ̀ŋ maŋ nɔnɔŋ tùaŋ sèè mààŋ e yèɛ wo Pɔɔ̀ naŋ woò lɛ è yaà tɔɔɓaa.

Nyɛ̀nɛ̀ŋ 26:16

Kɛɛ yewà dìì muŋ sie. Mìŋ naum fòlò feìŋ, esaɓù kɛ̀ kàum tàeɗùù wèè maŋ nɔ̀ŋ wo ɓɔìjɔ̀àim. Kɔ̀à muŋ kiɛ̀ŋ anyuùŋ joo ke mìè seì kɛ̀ kiìŋ mùŋ naŋ nyìmè e nyaàiŋ eim dè yèè e yèɛ mìŋ doum nàŋ tɔɔ̀ lɛ.

Nyɛ̀nɛ̀ŋ 4:20

Esaɓù e naìŋ hɔ̀ànè wòò e yèɛ è naiŋ yɛmɛ̀ yèè è naiŋ kòmò lɛ.”

Nyɛ̀nɛ̀ŋ 8:4

Anyuùŋ hààwe nyàŋ naŋ wa ɓààyè maŋ tàta màŋ sùà nyaŋ, naŋ kɔ̀ koɓɛ̀ gbiŋ àŋ yaà wòò ke mìè gbìàŋ Ebò Siaàŋ.

Luùm 15:16

Wò naim wa tàeɗùù wèè ka nɔ̀ŋ ɓɔìjɔ̀à tòmo wèè Jisɛ̀ Kulaì anyùùŋ nyaŋ fè àŋ Juùù nyaŋ tɛɛ, e kìlà wèè ka nyɛ̀nɛ̀ŋ e tòmo mààŋ wo sìèfèìŋ zòòlo, nààŋ mìŋ wòò ke mìè gbìàŋ Ebò Siauŋ nɛ̀, wèè e nyɛ̀nɛ̀ŋ wo jàà anyùùŋ nyaŋ fè àŋ Juùù nyaŋ naŋ hààwè Jisɛ̀ nyaŋ kùàŋ dìì. Àŋ do nàŋ nɔ̀ŋ mààŋ e nɛ̀ŋ kìɛŋ koɓɛ̀ Dayài e yèɛ àŋ naŋ jàà e ɓula ko nɛ̀ɛ̀uŋ niìŋ e yìwìà wo Jìnàŋ Nɛɛmaàŋ.

1 Kɔliìŋ 4:1

Kɛ̀ɛ̀nɛɛ̀ìŋ e gòngo wèè wi mààŋ aŋ ɓɔìjɔ̀à wèè Jisɛ̀ Kulaì, aŋ yè nyaŋ àŋ naŋ kìɛ̀ŋ e tòmo wèè aŋ gɔ̀àì ke mìè gbìàŋ ke gbùnù Dayàa sùà nyaŋ.

Hiɓu 2:3

Dièsɔa è naiŋ ɓɛ̀nɛ̀ŋ fòlà e kèì nyìngà Dayàa dìì sèè è gèìŋ maŋhɛɛ wèè eiŋ nyìmàŋ e ɗewe kii gbeeɛ̀ wò do nàŋ mɔ̀nɔ̀ŋ wèè wo wi joeyè lɛ? Wo Kanaà Jisɛ̀ wuŋ bi jiɛ̀ naŋ wòò e kèè e jòèye lɛɛ̀, yèè anyùùŋ nyaŋ naŋ wa kòmò ke miè gbìaàŋ nyaŋ, naŋ wi tɔɔ̀ janjai kɛ̀ è yaà wa e tɔ̀ɔ̀nyaàŋ.

1Pììlɛ 5:1

Miàŋ bi, mìŋ yaà wo màmàŋkùmɛŋ, mìŋ yaà dàwè sùà aŋ màmàŋkùmɛŋ nyàŋ e tɛɛiŋ. Mìŋ yaà wo sèì Jisɛ̀ Kulaì wèè maŋ keì nyìnga màŋ wò naŋ kɔ̀ dìì maŋ. Yèè e jòòwoɛ̀ do nàŋ hnè lɛ, wuŋ nàŋ kànaìŋ yèè mìŋ do nàŋ nɔ̀ŋ bà nyiŋ bà.

2Pììlɛ 1:16

Nààŋ è naiŋ wòò e kèì wo Kana wiɔ̀ Jisɛ̀ Kulaì, e nyaàiŋ dè e gaàuŋ nɛ̀ yèè nààŋ wò kɛɛ̀ ɓɛìŋ lɛ, maŋ dɔùŋ kɛ̀ɛ̀jii nààŋ wo nyùuŋ bà gò ɓùlà, kɛɛ e fɛ̀ɛ̀ yàwi bi lɛ̀ naŋ yɛ̀mɛ̀ e gààŋ tɔ̀ɔ̀nyaàuŋ nɛ̀.