Luù 1:1 - WƆŊ FƐ̀Ì EBÒ SÌÀŊ DAYÀA

¹ Dàa Tìɔ̀felɔ̀, anyuùŋ zimgbe naŋ yɛ̀mɛ̀ maŋ keì maŋ wo Jisɛ̀ naŋ nyɛ̀nɛ̀ŋ maŋ e teengaà wò yaà wì wa e tɛɛ, e yìwìà e teengaà wò naŋ wa tɔ̀ɔ̀tù e tòmouŋ nɛ̀ lɛ.

Luù 1:1 Kruisverwysings

Jɔ̀ɔŋ 20:31

Kɛɛ àŋ naŋ wa sìngè maŋ yè mɛɛ̀ŋ wèè kɛ̀ muŋ kɛɛnɛ̀ŋ e hààwe wo Jisɛ̀ ko sùà, wo yèɔ wo Dayà naŋ tàeɗùù wɔ wèè wo joeyè anyùùŋ nyaŋ e ɗuunyaàŋ, yèè wèè naŋ haawè kɛ̀ wuŋ nàŋ yaà wo Jɔ̀àfèlàà Dayàa. Sèè nìŋ kɛɛnɛ̀uŋ e hààwe sùà, nìŋ do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.

Luùm 14:5

Anyùùŋ nyaŋ bà nyiŋ gongà kɛ̀ ke ɗɔɔɛ̀ bà nyiŋ kuwa e sɛmɛ e nìàŋ maŋ ɗɔɔ gbànaŋ màŋ. Aŋ bà nyiŋ zà gongà kɛ̀ maŋ ɗɔɔ màŋ gbiŋ yaà e ɗèwè guùŋ nɛ. Kɛɛ tɔ̀ wo nyùùŋ gbiŋ wo kɛ̀ɛ̀ e kìtì wuŋ biɛ̀ ke jiiuŋ nɛɛ̀ŋ sùà.

Luùm 4:21

Wo Eɓulɔhɛɛ̀ŋ kuwa wa e hààwe sɛmɛ kɛ̀ wo Dayà do nàŋ nyɛ̀nɛ̀ŋ e yèɛ wò naŋ jɔ̀ɔ̀ ɗààhiì wèè wo nyɛ̀nɛ̀ŋ lɛ.

Kòlo 2:2

Mìŋ nyɛnɛŋ tɛɛ̀ wèè ka nyiŋ kiɛ̀ŋ ke jii nyingè e kìlà ka nyiŋ jàànè koɓɛ̀ guùŋ e mànaŋ sùà, wo Dayà do nyiŋ nàŋ kìɛ̀ŋ e kpùùmaŋ gbee wèè aŋ nyìmàŋ kɛ̀ kiìŋ e nɛ̀ŋ nyìmaŋ kɛnɛ hiàŋ. E ɗewe lɛɛ̀ sùà, àŋ do nàŋ nyìmè ke gbùnù Dayàa. Ke gbùnu bi zà nàŋ yaà wo Jisɛ̀ Kulaì wuŋ bi.

Kòlo 4:12

Wo Ɛpafilè wo wùìyà nyɛ̀iŋ biɔ̀ bà ke gboòiŋ nɛɛ̀ŋ sùà, wo yèɔ yaà wo ɓɔìjɔ̀à wèè wo Jisɛ̀ Kulaì wɔ, naiŋ tùɔ̀ŋ zùùmo wuŋ pɛɛ. Wò zoolà sɛmɛ e teenga gbiŋ e weèiŋ, wò yaà dààwè Dayà wèè naŋ kùwà e hààweiŋ nɛ̀ kpaŋ, mààŋ anyuùŋ kàmaiŋ e kìlà àŋ naŋ kaikpɔ nyimèè ke gbòò anyuùŋ hààwe nyàŋ sùà, e ɓɛ̀ɛ̀jàa gbee sùà koɓɛ̀ e yèɛ wo Dayà manaŋ lɛ̀.

1Tɛsè 1:5

E gòiŋ nɔŋ hìàŋ Èbò Siaàŋ màŋ mìè gbòa sùà nɔŋ, è naŋ niŋ kpùlìè e gààŋ yaà wo Jìnàŋ Nɛɛmaàŋ, yèè e hààwe jùà sùà gbɛlɛiŋ nyaàiŋ dè e tɔ̀ɔ̀nyaàŋ niŋ nɛ̀. Nàŋ nyìmàŋ kɛ̀ diè è naiŋ nɔ̀ŋ e gòlò, è yaà wa wèè e kèì sìàŋ nyɛ̀iŋ bi lɛ̀.

1Time 3:16

Wo nyùùŋ gbiŋ fè ɓɛ̀nɛ̀ŋ gììyà kè gbùnu gbeeɛ̀ kè yaà e hààwe wilɛ̀ sùà yɛ màŋhɛɛ. Wo Jisɛ̀ Kulaì naŋ wa hnè mààŋ wo nyuùŋkpùuŋ, wo Jìnàŋ Nɛɛmaàŋ nauŋ wa tɔɔ̀ wèè wo nɔ̀ŋ nyuùŋ tɔ̀ɔ̀nyaàaŋ, yèè aŋ màìkà nauŋ wa yɛmɛ̀. Àŋ naŋ dàànè Ebò Siauŋ nɛ̀ maŋ fuɔŋ màŋ gbiŋ sùà, e ɗuunyaàŋ gbiŋ nauŋ sìè e hààwe sùà, yèè wò naŋ nɔ̀ŋ jòòwòuŋ ko àìjɛnɛ̀ŋ.

2Time 4:17

Kɛɛ wo Kanaà naim wa nɔ̀ŋ maŋjɛ̀wɛ yèè wò naim kìɛ̀ŋ e gààŋ, weètii mìŋ naŋ wa ɓɛnɛ̀ŋ wèè ka wòò ke miè gbìaàŋ gbiŋ koɓɛ̀ anyùùŋ nyaŋ gbiŋ fè àŋ Juùù nyaŋ wèè aŋ nyiŋ kòmàŋ, yèè mìŋ naŋ wa yɛ̀mɛ̀ e jòèye, aŋ gòim wa gè nyààŋ diɛŋ wèè àŋ nyàa nyaŋ aim jìwà.

Hiɓu 10:22

Weètii, hnàŋ wiìŋ e gbɛ̀ɛ̀iŋ wo Dayà, maŋ jii tɔ̀ɔ̀nyaàŋ yaà ke jii tùlia gbee e yìwìà hààwe kɛnɛ sùà. È kùwàìŋ naàŋ maŋ jii zɛ̀nɛŋ, e kìlà maŋ fè ɓɛìŋ màŋ keì naanààŋ mɛɛ̀ŋ màŋjɛ̀wɛ, yèè maŋ kpùnaŋ wi màŋ nɔ̀ŋ gùa miŋ e wuiyè sengèì sùà.

Hiɓu 6:11

È manaŋ e teenga gbiŋ, wèè nyɛ̀iŋ nààŋ bà guùŋ gbiŋ, maŋ nɔ̀ŋ e wùànàŋ gbee sùà, wèè kɛ̀ manɛ̀ŋ maŋ mùŋ yaà yɛ̀ɛ̀mɛ̀ dòmaŋ ke jii tùlia gbee sùà maŋ, maŋ hnàŋ.