Jɔ̀ɔŋ 1:7 - WƆŊ FƐ̀Ì EBÒ SÌÀŊ DAYÀA

⁷ Wò naŋ wa hnè wèè wo kiɛ̀ŋ ke mìè seì wèè e gbolòùŋ nɛ, wèè kɛ̀ anyùùŋ nyaŋ gbiŋ naŋ ɓɛ̀nɛ̀ŋ kùwùè e hààwe wo nyùnɔ̀ɔŋ yaà e gbolòùŋ nɛ wɔ sùà.

Jɔ̀ɔŋ 1:7 Kruisverwysings

Jɔ̀ɔŋ 1:12

Jòòpɛɛ anyùùŋ nyaŋ bà nyiŋ nauŋ wa jàà kùàŋ dìì yèè àŋ nauŋ sìè e hààwe nyiŋ nɛ̀ sùà. Anyùùŋ bi wò naŋ wa kìɛ̀ŋ e tɔ̀ɔ̀nyaàŋ wèè aŋ nɔ̀ŋ aŋ jɔ̀à koɓɛ̀ Dayài.

Jɔ̀ɔŋ 1:15

Ke ɗɔ̀ɔ̀ guùŋ nààŋ wo Jɔ̀ɔŋ yaà wa wòò sùà anyùùŋ nyaŋ e kiiuŋ, wò naŋ yɛ̀mɛ̀ wo Jisɛ̀. Kpeiŋ wò naŋ kpààŋ yèè wò naŋ nyiŋ woò wààŋ, “Wɛɛ̀ nàŋ yaà wo nyùnɔ̀ɔŋ mìŋ naiŋ weè wòò e kiiuŋ wɔ̀ nààŋ mìŋ naŋ woò miàŋ, wo nyùùŋ bà do nàŋ hnè eɓìèmàŋjɛ̀wɛ̀ miàŋ, kɛɛ wò kuwa e gààŋ woim nìàŋ, esaɓù kɛ̀ wò yaà wa wɔŋ nyiiŋ gèeɔ̀ sùà paŋgàà àŋ naim kòmò.”

Jɔ̀ɔŋ 1:19

Kɛɛ̀ nàŋ yaà ke mìè seìɛ wo Jɔ̀ɔŋ naŋ wa kiɛ̀ŋ lɛ, nààŋ anyùùŋ gbèègbèè aŋ Juùù nyaŋ ko Jùlusɛ̀làm naŋ tùɔ̀ŋ aŋ sìèfèìŋ zòòlo nyàŋ yaà aŋ Liivaà nyuuŋ wèè aŋ dawè wo Jɔ̀ɔŋ kɛ̀ ɓòò nàŋ yàaùŋ.

Jɔ̀ɔŋ 1:36

E teengaà wò naŋ yɛ̀mɛ̀ wo Jisɛ̀ wò yaà kaaiŋ wò yaà hìnìè ko nɛ̀ɛ̀ŋ nyiŋ niìŋ lɛ, wo Jɔ̀ɔŋ naŋ woò wààŋ, “Wɛɛ̀ nàŋ yaà wo Ɓààwàà Dayàa!”

Jɔ̀ɔŋ 1:9

Tɛɛ̀ nàŋ yaà wa e gbòlòùŋ tɔ̀ɔ̀nyaàaŋ e yèɛ yaà wa hìnìè e ɗuunyaàŋ wèè e mɛ̀ɛ̀ŋ anyùùŋ nyaŋ gbiŋ diɛŋ lɛ̀.

Nyɛ̀nɛ̀ŋ 19:4

Wo Pɔɔ̀ naŋ nyiŋ fasàì wààŋ, “Wo Jɔ̀ɔŋ naŋ wa gùò anyùùŋ wèè aŋ fè maŋ tùwo naanààŋ nyiŋ màŋ jɛwɛ yèè aŋ kìlà koɓɛ̀ Dayài. Kɛɛ wò naŋ nyiŋ wa ɓɛìŋ woò wààŋ wo nyùùŋ bà kòò wò yaà hinie, yèè aŋ sìà e hààwe nyiŋ nɛ̀ wo nyùùŋ bi sùà. Wo Jisɛ̀ nàŋ yaà wo nyùùŋ bi wo yèɔ wo Jɔ̀ɔŋ yaà wa wòò e kiiuŋ wɔ̀.”

Gàla 3:26

Nyɛiŋ nààŋ gbiŋ nìŋ yaà aŋ jɔ̀à Dayà, esàɓù e hààweɛ̀ niŋ kuwa wo Jisɛ̀ Kulaì sùà lɛ.

Ɛfesɔ̀ 3:9

yèè wèè ka nyɛ̀nɛ̀ŋ anyùùŋ nyaŋ gbiŋ nyìmàŋ e ɗeweɛ̀ ke gbùnù Dayàa kuwa ke nɔ̀ŋ tòòmo nyiŋ lɛ̀. Wo Dayà wo yèɔ naŋ bànè e nɛ̀ŋ gbiŋ wɔ̀, naŋ wa nyɛ̀ɛ̀nɛ̀ŋ ke gbùnuuŋ nɛɛ̀ŋ e teenga lii gbiŋ sùà.

1Time 2:4

wo yèɔ manaŋ wèè wo nyùùŋ gbiŋ yɛ̀mɛ̀ e jòèye yèè wo nyìmàŋ e tɔ̀ɔ̀nyaàaŋ wɔ̀.

Taitɔ̀ 2:11

Wo Dayà dàànè ebò tɛ̀ɛ̀tɛ̀ɛ̀uŋ nɛ̀ wèè wo jòèyè nyuùŋkpùuŋ gbiŋ.

2Pììlɛ 3:9

Wo Kanaà fè dɔɔnɔ̀ŋ wèè wo nyɛ̀nɛ̀ŋ è nɛ̀ɛŋ wò naŋ ɓèmè ɗààhiì wèè wo nyɛ̀nɛ̀ŋ lɛ, màànààŋ ànyùuŋ bà gongà lɛ. Kɛɛ wò kuwo jii weèiŋ esaɓù kɛ̀ wo manàŋ wèè wò nyùùŋ gbiŋ fà. Kɛɛ wò manaŋ nyùùŋ gbiŋ fè maŋ tùwo naanààuŋ màŋ jɛwɛ.