Fèle 2:2 - WƆŊ FƐ̀Ì EBÒ SÌÀŊ DAYÀA

² Mìŋ yààìŋ daawe, wèè naim nyɛ̀nɛ̀ŋ ka kɛ̀ɛ̀nɛ̀ŋ zɔlɔ̀ zimgbe. Kɛ̀ɛ̀nɛìŋ gòngo, tɔ̀ɔìŋ e mànaŋ, yèè niŋ nɔ̀ŋ ke gbòò guùŋ e kìlà niŋ kɛɛnɛ̀ŋ ke jìì guùŋ.

Fèle 2:2 Kruisverwysings

Jɔ̀ɔŋ 3:29

E kèè ke nyɛɛ̀ gbìaàŋ sùà, wo kɛ̀ɛ̀nɛ̀ŋ jɔunɔ̀ɔŋ nàŋ mɔnɔŋ wo jɔunɔ̀ɔŋ. Wo dàwì mɔ̀ɔ̀nɔ̀ŋ wo kɛ̀ɛ̀nɛ̀ŋ jɔunɔ̀ɔŋ siàuŋ kɔɔ wèè wo kumiàŋ e nɛ̀ɛŋ wò woà lɛ, wò giiyà ke mìè gbòà wo kɛ̀ɛ̀nɛ̀ŋ jɔunɔ̀ɔŋ e zɔ̀lɔ̀ zimgbe. Weètii, e zɔlɔ̀ naim diè zimgbe.

Nyɛ̀nɛ̀ŋ 1:14

Anyuùŋ hààwe nyàŋ e kpùlìà aŋ jɔùŋ nyaŋ yaà wo Mèèle wo nààŋ Jisɛ̀ɔ yèè aŋ wùìyà Kanaà Jisɛ̀ nyaŋ hewa dèènè koɓɛ̀ guùŋ e teenga gbiŋ wèè aŋ zòòlò koɓɛ̀ guùŋ.

Nyɛ̀nɛ̀ŋ 2:1

Nààŋ ke ɗɔ̀ɔ̀ zòòlò aŋ Juùù nyaŋ àŋ nyaaŋ Pɛnɛŋkɔ̀ɛ naŋ wa haì, anyuùŋ hààwe nyàŋ gbiŋ naŋ wa dèènè koɓɛ̀ guùŋ.

Nyɛ̀nɛ̀ŋ 2:46

Ke ɗɔɔ gbiŋ anyuùŋ hààwe nyàŋ hewa dèènè koɓɛ̀ guùŋ ke gbòò sùà ko Saaŋ Zòòlò Dayài. Aŋ gbiŋ hewa jììyà e nɛ̀ŋje koɓɛ̀ guùŋ maŋ gboò nyiŋ màŋ sùà ke jii fàa yèè e ɓɛ̀ɛ̀jàa sùà,

Nyɛ̀nɛ̀ŋ 5:12

Aŋ keela tàeɗùù nyaŋ naŋ wa kààìŋ maŋ kèè mèè yèè àŋ naŋ tɔ̀ɔ̀ maŋ tɔ̀ɔ̀màŋsèì keì anyùùŋ nyaŋ tɛɛ. Anyuùŋ hààwe nyàŋ gbiŋ hewa dèènè koɓɛ̀ guùŋ mààŋ ke kpòò guùŋ ko Pìàzà Salemàiŋ.

Luùm 12:16

Nɔ̀ŋ wo nyuùŋ mɔ̀ɔ̀nɔŋ koɓɛ̀ anyùùŋ nyaŋ gbiŋ. Ɓɔ̀ mùŋ ɓemè muàŋ bi gbee yèè ɓɔ̀ mùŋ gongò kɛ̀ màŋ nyìmàŋ e nɛ̀ŋ e nìàŋ anyuùŋ gbànaŋ nyàŋ. Dèèyeè muàŋ bi koɓɛ̀ anyuùŋ gò kɛ̀ɛ̀nɛ̀ŋ nɛ̀ŋ nyaŋ.

1 Kɔliìŋ 1:10

E yìwìà e gààŋ e dèè Kana wiɔ̀ Jisɛ̀ Kulaìɛ sùà, mìŋ yààìŋ dàwe sùà nyɛ̀iŋ nààŋ wùìyaim nyàŋ gbiŋ, wèè e nɛ̀ɛ̀ŋ nìŋ woà lɛ naiŋ jàà kùàŋ dìì, wèè e tɛɛ gòòno goiŋ nàŋ sɛ̀ɛ̀ è fèemàŋ. Nɔ̀iŋ koɓɛ̀ guùŋ, e gòngò guùŋ diɛŋ, yèè esàɓù guùŋ diɛŋ.

2 Kɔliìŋ 13:11

E gbiŋ sùà, nyɛ̀iŋ nààŋ wùìyaim nyàŋ enììsìàiŋ. Nɔ̀ɔìŋ tɛ̀ɛ̀ yèè niŋ kuwìè e gòngo wèè maŋ keì maŋ mìŋ naiŋ woò maŋ. Fɛ̀ɛìŋ niŋ nɔ̀ŋ ɓɛ̀ guùŋ ke jii fàa sùà. Kɛ̀ wo Dayà kùwìè e mànaàŋ yaà ke jii fàa doiŋ nàŋ nɔ̀ŋ e kɔɔ.

2 Kɔliìŋ 2:3

Wèètii mìŋ naŋ sìngè wɔŋ fɛi wiiŋ ko nɛ̀ɛ̀ŋ niìŋ. Miŋ gò mànàŋ wèè ka hnàŋ kò nɛ̀ɛ̀ŋ niìŋ wèè kè jii miɛ̀ŋ ke mɔɔnɛ̀ŋ è yìwìà ànyùùŋ guùŋ nyaŋ mìŋ naŋ tùlìè jii wèè aŋ nyɛ̀nɛ̀ŋ jii miɛ̀ŋ ke fà nyaŋ. Kà nyìmàŋ kɛ̀ sèè mìŋ nɔ̀ŋ ke jii fàa sùà, kɛ̀ nyɛ̀ìŋ nààŋ gbiŋ nìŋ yaà ke jii fàa sùà nyɛ̀iŋ pɛɛ.

2 Kɔliìŋ 7:7

E hnàuŋ nɛ̀ nɔŋ nààŋ e gò gììyà zɔlɔ̀, kɛɛ ke jii gbàiuŋ nɛɛ̀ŋ sùà, e ɗeweɛ̀ nìŋ nauŋ fè jii nyingè lɛ. Wo naŋ wi wòò e ɗeweɛ̀ nìŋ naŋ haamìŋ zimgbe wèè naim yɛmɛ̀ lɛ, ke nyowoɛ̀ yààìŋ weèim nɛ̀, yèè e ɗeweɛ̀ nìŋ naŋ banebànè wèè naim sìè jɛwɛ lɛ, tii naim ɓɛìŋ nyìnìè zɔlɔ̀.

Fèle 1:4

e kìlà e teenga gbiŋ mìŋ zoolà e weèiŋ, mìŋ zoolà e zɔlɔ̀ sùà,

Fèle 2:16

nààŋ nìŋ kiɛ̀ŋ nyiìŋ ke mìè gbìàŋ nyiiŋ gèeɔ̀. Sèè nìŋ nyɛnɛŋ yɛi, e dɛ̀ɛ̀kɛ doim nàŋ nɔ̀ŋ e weèiŋ ke ɗɔɔɛ̀ wo Jisɛ̀ Kulaì do wa nàwèè nàŋ kɛ̀ɛ̀ maŋjɛ̀wɛ lɛ̀, esaɓù è do nàŋ tɔɔ̀ kɛ̀ ke di sìa miɛ̀ŋ yaà e tòmoɛ̀ mìŋ naŋ nyɛ̀nɛ̀ŋ lɛ, e gò nɔ̀ŋ wèè foo.

Fèle 2:20

Wuŋ guùŋ nɔŋ nàŋ yaà wo bàimbà wèè e gòngo siaàŋ mìŋ kuwa yèè tɔɔɓaa wo yèɔ naŋ kpɛɛ̀ŋ weèiŋ wɔ̀.

Fèle 4:2

Mìŋ yààìŋ daawe, Ɛwudià yèè Santekà, wèè naŋ kɛ̀ɛ̀nɛ̀ŋ e gòngò guùŋ nɛ wo Kanaà sùà.

Kòlo 2:5

Jòòpɛɛ ke kpùnaŋ miɛ̀ŋ fèìŋ è tɛɛ, kɛɛ mìŋ yààìŋ e tɛɛ wɔŋ nyììŋ jinàŋ miɔ̀ŋ sùà. Ke jii naim fɔ̀ wèè ka nyìmàŋ kɛ̀ kòò nìŋ yaà nyìnìè wɔŋ nyiiŋ gèeiŋ nɔɔ̀ŋ e ɗewe kiiɛ̀ è naŋ tɛɛwɛ̀ lɛ, yèè nìŋ naŋ kùwò e hààweiŋ nɛ̀ kpaŋ wo Jisɛ̀ Kulaì sùà wèè e nɔ̀ŋ e sɛmɛmaŋ niŋ.

2Tɛsè 2:13

È kuwa eiŋ gè wo Dayà ke sɛ̀ e teenga gbiŋ e weèiŋ, nyɛ̀iŋ nààŋ wùìya wi nyàŋ, nyɛ̀iŋ nyàŋ wo Kanaà Jisɛ̀ manaŋ nyàŋ. Wo Dayà naiŋ tàeɗùù e yìwìà ko tɔɔtuì wèè naŋ nɔ̀ŋ anyuùŋ jiɛ̀jiɛ̀ naŋ yɛ̀mɛ̀ e jòèye e yìwìà e gààŋ Jinàaŋ Nɛɛmaàŋ sùà wèè woiŋ mììnè anyùùŋ nɛɛmauŋ nyàŋ e gààŋ Jinàaŋ sùà, yèè wèè e hààweiŋ nɛ̀ e tɔ̀ɔ̀nyaàaŋ sùà.

2Time 1:4

Mìŋ naŋ jàà ke mìè gòla mɔɛ̀ŋ jii, yèè mìŋ nyɛnɛŋ kaì e wùànàŋ wèè kaum yɛmɛ̀, esaɓù kɛ̀ tɛɛ̀ doim nàŋ dèèyè e zɔlɔ̀ sùà.

Felemɔ̀ŋ - PHM 1:20

Weètii wùìya miɔ̀ŋ, kɔ̀nɛɛ̀ŋ nyɛnɛ̀ŋ e kpùùmaŋ lɛɛ̀ e weèim esàɓù wo Kanaà sùà. Nààŋ mùŋ yaà wo wùìya nyuùŋ wo Jisɛ̀ Kulaì sùà lɛ, nyɛnɛŋ e mànaŋ mɔ̀ɛ̀ e sìàìm e zɔlɔ̀ ke jii miɛ̀ŋ sùà.

2Jɔ̀ɔŋ 1:4

E zɔlɔ̀ nàim diè wèè ka yɛ̀mɛ̀ aŋ jɔ̀àiŋ nyàŋ bà nyiŋ kuwa e tɔ̀ɔ̀nyaàaŋ maŋjɛ̀wɛ, màànààŋ wo Dèdaà naŋ wi woò maŋ sàwàuŋ sùà wèè eiŋ nyɛ̀nɛ̀ŋ lɛ.

3Jɔ̀ɔŋ 1:4

E keì bà gbiŋ fèim nyìnìàŋ è zɔlɔ̀ mààŋ sèè mìŋ komo kɛ̀ aŋ jɔ̀àim nyàŋ àŋ dè è tɔ̀ɔ̀nyaàaŋ maŋjɛ̀wɛ.