Fèle 1:22 - WƆŊ FƐ̀Ì EBÒ SÌÀŊ DAYÀA

²² Kɛɛ sèè ka weè nɔŋ nɔ̀ŋ wɔŋ nyiiŋ gèe ke kpùnaŋ miɛ̀ŋ sùà, kà weè ɓɛ̀nɛ̀ŋ nɔ̀ŋ nyìnìè maŋ keì tɛ̀ɛ̀wɛ̀ tɛɛwɛ, kɛɛ miŋ naàŋ nyìmè è nɛ̀ɛŋ mìŋ naŋ ɓɛ̀nɛ̀ŋ tàeɗùù wèè e nɔ̀ŋ è kɛnɛ niŋ nɛ̀.

Fèle 1:22 Kruisverwysings

Nyɛ̀nɛ̀ŋ 3:17

“Sèè è nɔ̀ŋ yɛi nyɛ̀iŋ nààŋ wùìyaim nyàŋ, kà nyìmàŋ kɛ̀ e keì gò nyìmàŋ fèemàiŋ nɛ̀ naŋ nyɛ̀nɛ̀ŋ nyɛ̀iŋ e kpùlìà anyùùŋ gbèègbèè fuɔiŋ nyàŋ naŋ wa tɛɛ̀ nyìnìè wo Jisɛ̀.

Luùm 1:13

Jàaìŋ jii, nyɛ̀iŋ nààŋ wùìyaim nyàŋ, kɛ̀ e teenga zimgbe mìŋ naŋ ɗewè wèè kaiŋ jaamè. Kɛɛ e keì bà nàŋ keewàìm kùàŋ feìŋ e teenga zimgbe wèè miŋ gòim nàŋ jaamè. Mìŋ manaŋ ka hìàŋ anyùùŋ nyaŋ fè àŋ Juùù nyaŋ e yìwìà ko Luùm wèè aŋ dè ke dòmàŋ Jisɛ̀ Kulaìɛ diɛŋ, nààŋ mìŋ naŋ nyɛ̀nɛ̀ŋ maŋ tàta zimgbe sùà lɛ.

Luùm 11:2

Wo Dayà gò fè ànyunùuŋ nyàŋ wò naŋ tàeɗùù e yìwìà kò tɔɔtuì nyaŋ jɛwɛ. Nàŋ jàà jii e kpɛ̀nɛɛ̀ŋ wɔŋ fɛ̀ì Dayàa sùà, ko yèe wo wɛ̀ijìɔ Ìlaajà naŋ wa tɔ̀ɔ̀ e zàwè koɓɛ̀ Dayài, e nyaàiŋ dè anyùùŋ Ezɔ̀ɛ̀ nyaŋ lɛ̀?

2 Kɔliìŋ 10:3

È yààìŋ wɔŋ nyiiŋ gèeɔ̀ sùà e ɗuunyaŋ lɛɛ̀, kɛɛ e fèìŋ sùmìè è ɗuà màŋ kèìŋ ɗuunyaŋ màŋ.

Gàla 2:20

Jòòpɛɛ kà naàŋ fà, kɛɛ wo Jisɛ̀ Kulaì yaà wɔŋ nyiiŋ gèe miɔ̀ŋ sùà. E kìlà mìŋ yaà naàŋ wɔŋ nyiiŋ gèe e hààwe wo Jɔ̀àfelàà Dayàa sùà, wo yèɔ naim mɔ̀nɔ̀ŋ yèè wò naŋ kìɛ̀ŋ wɔŋ nyiiuŋ nɔɔ̀ŋ e weèim wɔ̀.

Fèle 1:23

Mìŋ sia maŋ dòmàŋ gbààmàŋ tìyèe. Mìŋ manaŋ wèè ka jòà e ɗuunyaŋ lɛɛ̀ wèè ka nɔ̀ŋ koɓɛ̀ Jisɛ̀ Kulaìi, e yèɛ do nàŋ nɔ̀ŋ tɛ̀ɛ̀ e nìàŋ wèè ka nɔ̀ŋ wɔŋ nyiiŋ gèeɔ̀ sùà.

Fèle 1:24

Kɛɛ wèè esaɓùiŋ nɛ̀ sùà, è yaà e keì kɛnɛ wèè ke kpùnàŋ miɛ̀ŋ keiŋ nɔ̀ŋ e tɛɛ.

Kòlo 2:1

Mìŋ manaŋ naŋ nyìmàŋ e tòmo nyìngaà mìŋ naŋ nyɛ̀nɛ̀ŋ e weèiŋ yèè wèè anyuùŋ hààwe nyàŋ ko Làòdisià, yaà anyuùŋ hààwe nyiiŋ gbiŋ aŋ yè nyaŋ kòò àŋ yɛ̀mɛ̀ wa kè kpùnaŋ miɛ̀ŋ nyaŋ.

1Pììlɛ 4:2

Weètii, wɔŋ nyiiŋ gèe gbànaiŋ nɔɔ̀ŋ maŋ kèìŋ maŋ sùà, fè ɓɛìŋ è gòngò nyuùŋkpùuŋ dìi. Wɔ̀ŋ yaà naàŋ e gààŋ Dayàa dìì.