SUN TITO 1:1 - Tzotzil San Andres

¹ Joꞌon Pabloun, joꞌon yajtunelun li Diose. Joꞌon ta jpucbe batel li scꞌop li Jesucristoe. Jaꞌ laj yacꞌbun cabtel sventa ta xcalbe li buchꞌutic tꞌujbilic onoꞌox yuꞌun Dios ta voꞌone ti chcolique yoꞌ acꞌo schꞌunic. Schiꞌuc acꞌo snaꞌic li cꞌusi yaloj li Diose ti jaꞌ melele. Yuꞌun jaꞌ sventa li scꞌop Diose ti ta jnaꞌtic o li cꞌustic lec ta pasele.

Tzotzil Zinacantan

¹ Voꞌon Pabloon, ta jchꞌun ti cꞌusi chiyalbe ti Rioxe. Jaꞌ yajꞌapoxtolon ti Jesucristoe. Voꞌon listꞌuj ti chcal aꞌyuc li cꞌusi yaloje. Jaꞌ chcalbe yaꞌiic li muchꞌutic voꞌne onox stꞌujoj ti Rioxe ti chba xchiꞌinic ta sbatel osile, yoꞌ xichꞌic o ta mucꞌ ti Cajvaltic Jesucristoe, yoꞌ spasic o li cꞌusitic leque.

Bible in Tzotzil de Chamula

¹ Vu'un Pablo, yaj'abtelun ti Diose xchi'uc yajcholc'opun ti Jesucristoe. Tacbilun yu'un yo' jech ta xquic' talel ti buch'utic t'ujbilique, ti c'otuc ta yo'ntonic ta xch'unel ti Diose yo' jech ta xojtiquinic ti ja' melel ti c'usi jch'unojtique,

Bible in Tzotzil de Chenalhó with Deuterocanon

¹ Vu'un Pabloun, yajtunelun Dios xchi'uc yajtacbolalun li Jesucristoe, yu'un jech ac'o xch'unic li boch'otic t'ujbilic yu'un Diose, xchi'uc ac'o yotquinic li c'usi melele, jech chac c'u cha'al jch'unojtique.

Tzotzil de Huixtán

¹ Ho'on Pabloun, ho'on mambilun yu'un ti Diose hech yu'un yabatun nic'ot xa. Ho'on jcholc'opun yu'un ti Jesucristoe. Hech laj yac'bun cabtel yu'un ti jcholbe ya'yic ti sc'ope yu'un hech más tstsatsub yo'ntonic ti much'utic xch'unojbeic ti sc'ope, ja' ti much'utic t'ujbilic yu'un ti Diose ti vo'one. Hech más tsna'ic ti sc'op ti Diose ti ja' melele, ja' ti chlecub co'ntontic yu'une.

SUN TITO 1:1 Kruisverwysings