Romanos 9:29 - Tzotzil San Andres

²⁹ Li Isaíase jech laj yal jcꞌoplaltic nojtoc, joꞌotic li jꞌisraelutique: Ti manchuc oy jayvoꞌutic chiscꞌuxubinutic li Cajvaltic Dios ti jaꞌ sventainoj scotole, ta jꞌechꞌel chijlaj o jcotoltic ti jechuque, jech chac cꞌu chaꞌal ta jꞌechꞌel ilajic o yuꞌun Dios scotol li crixchanoetic ta jteclum Sodoma schiꞌuc ta jteclum Gomorra ta voꞌonee, xi.

Tzotzil Zinacantan

²⁹ Ti Isaíase jaꞌ onox yech iyal jcꞌoplaltic noxtoc voꞌotic li jꞌisraelotique: Ti manchuc onox chixcꞌuxubinotic jayvoꞌuc ti Cajvaltique ti tsots syuꞌele, chilajotic jcotoltic ti yechuque, chac cꞌu chaꞌal ilaj scotolic ti jsodomaetique xchiꞌuc ti jgomorraetique, xi.

Bible in Tzotzil de Chamula

²⁹ Yu'un xi ono'ox laj yal ti Isaías ta vo'nee: “Ti manchucuc laj yictabotic comel jnitilultic ti Dios ti scotol xu' yu'une, ja' jech c'ot ta jtojoltic jech c'u cha'al c'ot ta stojol ti jteclum Sodoma xchi'uc ti Gomorrae.”

Bible in Tzotzil de Chenalhó with Deuterocanon

²⁹ Jech laj yal noxtoc li Isaiase: “Ti solel mu'yucuc xa chiscomtsanbutic jts'unubaltic li Cajvaltic Dios ti tspas ta mantal scotol te ta vinajele, ja' xa jech oyutic jech chac c'u cha'al Sodoma ti jechuque; co'olutic xa jech chac c'u cha'al Gomorra ti jechuque”, xi.

Tzotzil de Huixtán

²⁹ Hech laj yal uc ti Isaíase ti vo'onee: Ti manchuc ta to xiscoltaucutic comel juncha'vo'ucutic ti Cajvaltic Diose ti ja' sventainoj scotole, j'ech'el chijtup' ti hechuque hech chaj c'u che'el ti much'utic te nacajtic ti vo'onee ti Sodoma xchi'uc ti Gomorrae ti j'ech'el itup'ique, ti xchi ti Isaíase.

Romanos 9:29 Kruisverwysings