Romanos 6:13 - Tzotzil San Andres

¹³ Mu xa me xavacꞌ aba ta jtunel yuꞌun li cꞌusi chopole. Jaꞌ scꞌan chavacꞌ abaic ta ventainel yuꞌun li Diose. Scꞌan chavacꞌ tunuc yuꞌun Dios la abecꞌtalique yoꞌ jech naca lec li cꞌustic chapasique. Joꞌoxuc ti coꞌol schiꞌuc chamemoxuc toꞌox layilic Dios ta scoj ti naca chopol li cꞌustic la apasique, lachaꞌcuxesatic xa yaꞌel.

Tzotzil Zinacantan

¹³ Jꞌechꞌel me xavictaic spasel. Voꞌoxuc ti chamemoxuc toꞌox layilic ti Rioxe yuꞌun naca chopol ti cꞌusitic apasique, lavie laxchaꞌcuxesic xa yaꞌel. Yechꞌo un sjunul me avoꞌonic xavacꞌ abaic ta stojol ti Rioxe yoꞌ xapasic o li cꞌusitic leque.

Bible in Tzotzil de Chamula

¹³ Mu xavaq'uic ta tunesel abec'talic yu'un ti mulile, ta spasel ti c'usi chopole. Ja' lec, ac'o abaic ta tunel yu'un ti Diose, yu'un cha'cuxiemoxuc xa ti chamemoxuc to oxe. Ja' yu'un un, ac'o abaic ta tunel yu'un ti Diose yo' jech ta xapasic ti c'usi lec ta xile.

Bible in Tzotzil de Chenalhó with Deuterocanon

¹³ Mu me ja'uc xavac'be sventain mulil li abec'talique; mu me xavaq'uic c'otuc ta yabtejeb mulil li abec'talique. Ja' tsc'an ja' chavac'beic sventain li Diose, yu'un jech chc'ot ta yabtejeb c'usitic tuc' ta pasel. Yu'un lacha'cuxesatic xa, vo'oxuc ti chamenoxuc to'oxe.

Tzotzil de Huixtán

¹³ Mu me xavac' yabatimboxuc mulil ti abec'talique yu'un chapasic ti c'usi mu xtune. Ta me xavac' abaic ti abatinel yu'un ti Diose. Na'ic me ti nacha'cusesat xa, ho'oxuc ti chamenoxuc ono'oxe. Hech yu'un ac'o yabatimboxuc abec'talic ti Diose yu'un hech chapasic ti c'usi leque.

Romanos 6:13 Kruisverwysings