Romanos 4:11 - Tzotzil San Andres

¹¹ Tsꞌacal to iꞌalbat yuꞌun Dios ti acꞌo yichꞌ senyail ta sbecꞌtal ti lec ta xꞌile yuꞌun li Diose, jaꞌ yuꞌun laj yichꞌ li circuncisione. Jech li buchꞌutic muc bu yichꞌojic circuncisione, mi schꞌunojic jech chac cꞌu chaꞌal li Abrahame, jaꞌ stotic yaꞌel. Lec ta xꞌileic eꞌuc yuꞌun li Diose.

Tzotzil Zinacantan

¹¹ Tsꞌacal to iꞌalbat yuꞌun Riox ti chichꞌbe seña ti chꞌabal o smul ch-ile ti jaꞌ yech xchꞌunoje, yechꞌo ti iyichꞌ circuncisione. Jaꞌ noꞌox yech ti muchꞌutic muc bu yichꞌojic circuncisione, mi ta xchꞌunic chac cꞌu chaꞌal ixchꞌun ti Abraame, jaꞌ stotic yaꞌel. Yuꞌun chꞌabal smul ch-ileic yuꞌun ti Rioxe chac cꞌu chaꞌal chꞌabal smul iꞌile ti Abraame.

Bible in Tzotzil de Chamula

¹¹ Ta ts'acal to lic yich' circuncisión ti Abrahame, senyail ti laj sta ti lec x'ile yu'un ti Dios ta sventa ti c'ot ta yo'nton ta xch'unele. Ti jech c'ot ta yo'nton ta xch'unel ti Abrahame, c'ot ta totil yu'unic ti buch'utic jech ta xc'ot ta yo'ntonic ta xch'unele, manchuc mi mu'yuc yich'ojic ti circuncisione. Ta staic ti lec x'ileic yu'un Dios ti buch'utic jech ta xc'ot ta yo'ntonic ta xch'unele.

Bible in Tzotzil de Chenalhó with Deuterocanon

¹¹ C'alal laj yich' circuncisione, ja' senyail, ja' svinajeb laj yich' ta sbec'tal ti ta melel tuc' yo'nton ilbil yu'un Dios ti c'alal mu'yuc to'ox chich' circuncisione, yu'un jech ja' stotic chc'ot ec li jch'unolajeletic ti mu'yuc yich'ojic circuncisione. Jech tuc' yo'nton ch-ilatic yu'un Dios ec ta sventa li xch'unojel yo'ntonique.

Tzotzil de Huixtán

¹¹ Ti c'alal lic yich' ti circuncisione, ja' señail no'ox ti sbec'tal ti toj yo'nton i'ilat yu'un ti Diose ti sventa xch'unojel yo'ntone. Hech yu'un ti yanlum crixchanoetique ti mu yich'ojuc circuncisione, ja' stotic chc'ot ti Abrahame ti sventa xch'unojel yo'ntonic. Hech toj yo'ntonic ch-ilatic uc yu'un ti Diose.

Romanos 4:11 Kruisverwysings